Je jedna od največi motoristički humanitarni svjeski manifestacij koja se organizira u sto i deset držav u jednu iljadu i sto gradov,među kojiman je i Split di se danas na Rivi skupilo okolo šezdesetak motoristi sa svojiman takozvaniman vintage-retro motoriman,dok su sami motoristi bili obučeni,ono ča se reče,otmjeno-elegantno u odijela,sa modniman dodaciman poput neobični kravat i leptir mašnaman… A ovo sve događa se za da bi se prikupila novčana sredstva…

Uvik prispijedu okolo Svetoga Duje,a cijena jin nikako ne pada,nigdi je okolo deset euri,pa jema oni ča su ji vidili i za petnajst,a nikidan je na televiziju bilo kako ji u Zagrebu za dvadeset euri prodajedu,a još zanimljivije je kako ji mečedu u nike male plastične posude,pa to prodajedu za tri eura,pa pari ka da nije puno… Bome,oni ča jemadu stabla o trišanj biče bodljikavu žicu okolo mekli,a koliko dođedu,moredu…

A kad su nan ovi novi u Mjesni odbor ukinili točku razno,moj prijatelj Marijo je bija najgrlatiji za obranit oto odluke,a pa mi je reka da oli oni nisu po selu i ne vididu ča triba učinit,a dobro,a evo ču ja ipak napisat,jerbo ne gledamo svi istiman očiman,nekima su ova stabla onakva kakva bi tribala bit,možda jin je tako reklo,ali za me su ona nagnuta i to opasno nagnuta i…

A pri par daan uvečer kad san bija na Rivi ništo je plesnilo i najedan put se rasvjeta po selu udunila,jedino ča je radilo je gornji dijal lanp od Bobisa do starega kanpanela (sigurno jer su one spojene na trafo stanicu navr Kemijske škole),ove donje uza more su se udunile,ka i u ostatku starega dila sela sve do anbulante i Gospice zajedno sa tri stupa na središnjemu dilu Gospice,a pa…

Doli na Rivu isprod crikve od danas,pa sve do devetoga ovega miseca od osan uri ujutro,pa do podne bičedu kontejneri za glomazni otpad.Eto,pa sad itajte u kontejnere,a ne svugdi okolo,di komen padne napamet bacat,ka ono,ja san se riješija,a nek se sad drugi misli oba tomen…

Jučera popodne okolo pet uri sa južne bande na prostoru bivšega Jugovinila zapalilo se zelenilo koje,iako je donji vitar prilično divlje puva i vatra lipo napredovala,brzo stavljeno pod kontrolu…

Inače,za one pametnjakoviče koji se pravidu da sve znadu,prije nego šta počmedu itat otrovne strelice zbog ove gori pisme “Padaj silo i nepravdo”,neka se najpri informiradu,uzmedu staru dobru enciklopediju(ne guglat),pa če znat čija je i kad je ovo pisme nastalo…

Ustvari,odma se moran ispravit,rukometašice Marine Kaštila od sinoč su u samomen vrju ženskoga rukometa u Hrvaskoj.Ali ipak,klub je Sučurački. 😀 Pri koji dva miseca mi je jedan naš iz sela govorija o velikoj mogučnosti da rukometašice budu prve u Drugoj ligi Jug,a to automaski znači da ulazidu u Prvu ligu,a čekala se još zanja, sinočnja utakmica sa rukometašicama Trilja za da bi pobjednički pehar doša u Sučurac,di se na legendarnomen…