Evo pogledajte u par slik ovega,mislin da je po šestu Francuz,koje je kerefeke mora izvodit dokle se priobuka u robu za poč ča i ko zna oče li nan se više u selo vratit. Dakle operacija oblačenje uz pomoč samo jedne ruke,jerbo se sa drugon mora držat šugaman kojega se okolo sebe omota,trajala je lipi pet-šest minuti,jerbo nije lako stat na jednoj nozi,a da se sa rukaman ne moreš za…

Napokon su oni ča prolazidu ovin dilon Rimskoga puta do svoji kuč,odanili,radovi sa kanalizacijon nakon dugi… miseci su završeni i jučera je napokon meklo asvalat. I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!

To se u nas skoro svakodnevno dogodi,čudno je onda kad se ne dogodi,pitadu se svi,a ča je bilo,oli se diko zaštopalo,to je ka normalno,da nan je slika sa Rive ovakva… Ali, kad se ništo slično to doli u Kaštila dogodi,e onda je sve na nogaman. Vidili smo to ovi zanji par godin. I na kraju za žuntu bi još doda NA SOKOLANU JOŠ NISTE MEKLI PRIOBUČIVALICU!

Tamo u Vrila,točnije kad iz pravca Splita grete skrenit sa Magistrale da čete proč podvožnjakon prema selu,e pa je prije raskrsnice nasrid ceste meklo znak upozorenja,a vrlo je opasno kad se spuštate sa istočnon ceston-pravca vitrenice i idete skrenit prema uzgor,znak se primjeti u zanji momenat,pa je tako jedan iša da če put uzgor,dokle san ja odija nizdol i u zanji momenat je izbjega ovo znaka i doša vamo na…

Uf ča su Sučurani jidni,govoridu,znamo da smo zanja rupa na sviralu,ali šta je mašo,mašo je. Evo je več peti dan sedmoga miseca,a ovi iz Grada nan još nisu na Sokolani mekli priobučivalicu? Ka ča san več pri par godin pisa,Sokolana je več odavna postala glavna plaža,čak i ono turisti šta nan je počelo zanji godin dolazit,svi se na Sokolanu kupadu. Ali dokad? Ove zanje dvi godine zbog korone turisti se…

Raskopalo se ono starega,gnjiloga drvenoga poda,umisto kojega če se meknit novi,malo če se obnovit i instalacije,a isto tako u budučnosti zimi u ovoj dvorani ne bi više tribalo bit,zima,a liti vruče,več lipo ugodno… I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!

A to se more pitat samo oni zbog koji je ove pitare i meklo,a meklo ji je zato jerbo bi se tote parkirale aute,pa radnici nisu mogli izvuč kontejnere za ispraznit ji,a tako ništo svako malo moremo vidit i doli na Rivu di jema oni ča isto tako mečedu aute isprid kontejneri i puno puti se dogodilo da uvik isti to činidu i onda radnici ča radidu na kamijonu jemadu…

Pa je onda niko reka da se siča kako je na jednoj sjednici od Gradskoga viječa i sam Gradonačelnik reka da Sokolana nije plaža. A zanimljivo,od nas par ča nas je tote bilo,samo on zna da je Gradonačelnik oto reka,a kad san ga pita kad je to bilo,e on nezna,ali zna (sad se več malo koleba u tomen znanju) da je reka. A dobro,naravno sad se odma ide u potragu…

A ne,ima prilišnijega posla,neko je radniciman iz graskoga pogona reka kako je prioritet sredit ove bubamare isprid kina o kojima san toliko toga do sad napisa,pa se više neču ponavljat,jer niko miče dvi bubamare,pa su onda probijali asvalat i u bubamare mekli tondine,da ji se ne more samo tako turnit,a onda kad su nakon toga opet maknute u stranu,e onda su brže-bolje odma sutradan uz oti tondin,sad dodatno i malton…