A to je jutros onoj punpi za beton pukla cijev od hidraulike i evo kako to izgleda:

Uklanja se raspucani i ulegnuti asvalat,a napokon bi tribali sredit i onu čuvenu šahtu,kod koje miseciman stoji znak za upozorit kako tote jemamo problem. Radovi bi tribali trajat nikoliko daan. U selu se nadaju kako je ovo početak uređivanja cest kroza selo, koje je več odavna tribalo ušestit ili če to bit po onoj staroj,samo se vi nadajte?

Jema več nikoliko miseci da je ovo rupe na cesti,a tribalo je samo bacit koju lopatu onega suvega asvalta,ali nisu,več je kako vidimo,ovemu priteklo malo malte,ali baš malo,jerbo nije uspija sve tašelat,ali nadamo se kako če još kome ostat,pa če i ovo dlaku,ča je ostalo,isto tašelat. .

Ma nisu se oni mene pripali i ostrigli ote oleandre,več se zna kako oti oleandri moradu bit ostriženi,a kako je škola počela,a nisu ji ostrigli,onda san jin ja samo napomenija,ako su kojin slučajen zaboravili,inače,oleandri se šišadu na nisko zbog toga jerbo se dite,kad je visoki oleandar,ne more primjetit,a pošto oni iz čista mira znadu pritrčavat cestu,onda triba na sve mislit pa da se moguča tragedija spriječi.Moran se ispravit,nikidan kad san…

A nije tribalo puno čekat,jema tamo krajen desetoga miseca 2023. godine da je MO zva građane Jerčićeve ulice za vidit kako prometni nered u otoj ulici,dovest u red i tote se međuostalin od oni ča tamo stojidu moglo čut, kako se  kroza ulicu “leti autan” i tražili su “ležeče policajce”,a ča se ostali problemi tiče,parkiranja na oba korniža …,e to su oni iz grada tribali učinit dvi tri varijante,pa nakon…

Puno puti se i ovde u nas more vidit kako ljudi tamne puti po oviman litnjiman vručinan nosidu vunene kape na glavi,pa se nameče logično pitanje,zbog čega? Inače u područjiman di je puno vruče,ovakva pojava je učestala,ali kod nji kad je vruče onda nije to ka kako se vručina ovde kod nas manifestira,jerbo nji tamo,ka nas ovde,ne tare vlaga u zraku,koja je presudna u nepodnošljivosti ovi naši vručin,nikidan čujen podatak…

Ovu nediju na Sučuraškoj rivi dogodija se sedamnajesti po redu susret Tomosovi motorini koje vlasnici brižno čuvadu,a pojedini se sa sjetom i suzom u oku prisječadu oti dan, ka i Marijo (vidičete ga na slici kako sidi na motoru) i govori,da mu je baš oti bija prvi motorin kojega je jema,a pa se ka po običaju učinila đirada priko sela,bilo je buke i dima,neče bit komarac,vozilo se ko če sporije,pa…

Sliku san učinija u petak i govorin ja biče nisu stigli to učinit,sigurno če u ponediljak,jerbo onda počimlje škola,ali i danas ništa,pa se nadan da če sigurno sutra. Jema več biče i sedma osma godina da se oleandri na Novomen putu kidadu,pa biče i na polovicu od ovega kako su sad,jerbo se dica zbog njiove visoke krošnje ne vididu,a počeli su se kidat onda kad je meklo zebru prema varošu,koje…