Evo san meka. I ča sad?

Ne morate gledat na kalendar,nije prvoaprilska šala,ali opet sa druge bande gledano,pošto vijest dolazi od strane politike,a znamo koliko toga su nan političari rekli,pa porekli,najbolje da se do ponediljka suzdržimo od bilo kakve euforije. Znate i sami kako se to sve skupa dogodilo okolo naše Sučuračke Duje,a bome i na sjednici Mjesnoga Odbora bilo je žestoko,za da bi nakon toga dobili odgovor iz Grada kako če nan početkon nove školske…

U četvrtak su u Gospojskoj štradi bile sedme po redu, Glende i batude u organizaciji Gradske knjižnice Kaštila. Neču ništa pisat oba otomen,jerbo od oni dvadesetak ča su bili okolo mene svi su imali ništo za nadodat,oli oduzest,pa san doša do zaključka da bi ja sad ovde kad bi bilo ča napisa, ispa subjektivan.  

😀

Nakon ča je to učinija Split, lani u jedanajesti misec je i u nas na oni doli znak za parkiralište od invalidi ispod crikve, meklo sliku osobe u invalidskiman koliciman,nebi li kad tote gredu parkirat,proradila savjest oniman ča su na ovakvi ili onakvi način došli do otakve dozvole,vidili za koga su ota mista stvarno predviđena i odustali o svoje nakane da im ga zauzmedu. E onda je u drugi misec…

Danas me jedan okolo podne zva da jesan li u selu,a jesan,oli opet diko govna izlazidu,a je, govori mi ovi,da oču li doč,a da oču li,eto me za pet minuti. I eto ti ja doli,a to Van je jednu dvadesetak metri od banane prema Mulu,iz jedne salonitne cijevi malo večega volumena izlazilo je ništo kafeno,a smrdilo je za popizdit,a još najzanimljivije od svega je ča tote nikako ne bi smila…

Sinoč su užežin Velike Gospe Sučurački vjernici od župne crkve SV. Jurja procesijom došli do Gospe na Hladi di je održana sveta Misa.

Ka ča san jučera pisa da su na gojaču viđeni uzorkeri i da san dobija informacije iz desete ruke da bi bilo dobro da se na Gojaču ne kupa,danas su evo osvanili i službeni podaci o tomen kako je Gojaču opet okupirala ešerihija koli i opet ponavljan,bilo bi dobro da se na Gojaču ne kupate.