Dvadeset i drugoga iliti ga ovu subotu u tri ure popodne,naravno,sa pilane,kreče ovogodišnji Sučuraški krnjeval,a od šest uri popodne u šatoru na rukometnomen igralištu na Sokolani počinje maskenbal.

Da je to istina morete pročitat emajliranu poruku koju san posla viječnicaman i viječniciman Mjesnoga odbora di od večine (HDZ-a)tražin očitovanje. Poštovane viječnice,viječnici Sučuračkoga Mjesnoga Odbora. Pošto su neki od Vas izašli ranije sa prošle sjednice MO-a, ovim putem obavještavam Vas, kao i sve ostale koji su ostali,a bili nestrpljivi za poč doma, tako da sve točke nisan uspija ni iznit,pa ču ji ovde sad napisat,a o kojima tražim očitovanje…

Zvalo me jutros u osan i dvadeset da di san, da na Rivi od pusti govan ne moreš disat? Pa san okolo osan ipo ovo slika: A oko jedanajst uri bilo je ovako: Vonji koji su se pružali Rivon su neopisivi.

Jučera okolo deset ipo iz Tunbina su izletila pusta govna i to je bilo evo ovako: Ove gori slike učinija je Tonči Bratinčević. Ljudi se po selu pitadu,a ča se stvarno događa sa Tunbinon,je li ovomen ča svako malo ovako izlazi razlog ne čišćenju otega Tunbina,jer kako ovi stariji govoridu,do devedeseti godin prošlega stolječa,redovito se iz njega izbaca materijal šta bi vodurina sa Kozjaka u njega nanila,a to se odavna…

I da kako to nisan pofalija?A jesan vidija san jema desetak daan da jin je napokon prosvitlila javna rasvjeta,jerbo ono do sad šta je bilo jema pet,šest,…godin,je bilo sve samo ne rasvjeta,jer je, iako je oto rasvjete gorilo, vidljivost bila takva da je tribalo lanpadine užižat za vidit di češ odit. I onda sad triba na sva zvona udrit kako se oto rasvjete napokon dovelo u ured?Možda da je bilo…

A to Van je stanica za mirenje kvalitete zraka. I ne,nije to Sučurac napokon dobija otu mirnu stanicu,ona je u selu jema jednu sedan osan godin,samo ča su joj prominili lokaciju. Do sad je bila na pilani.

Da tamo ispod crikve izlazi kanalizacija u more,to smo ka več navikli,ali se počelo događat da sad i ovamo,na sjeveroistočnomen bogenu od Rive-di se,nazovimo šetnica, ča gre od Malega Mula spaja sa Rivon,a tote nikako nebi smilo izlazit,jerbo je oti dijal kanalizacije ča dolazi odozgara iz pravca Kajinoga briga,spojen u EKO sustav. Pa je jučera kad san doša na Rivu bilo,da di san više,da koja su govna izlazila,ovo je sad…

Česta su pitanja u selu.A ča mene pitate,pitajte večinu u Mjesnomen Odboru. Čekamo da se predsjednik udostoji zbog toga sjednicu sazvat,ali pošto u tomen biče ne vidi nikakvi problem,zbog toga sjednicu sigurno neče ni sazvat,jer da je mislija bija bi. A ča onda tamo stojiš kad ništa ne moreš učinit.E to je baš dobro pitanje i ča je najgore od svega u niko tamo dogledno vrime bit če,a i ti si…

Jutros je po selu bilo žestoke polemike i to najranije u osan uri,kad se je vidija prvi dim iz pravca groblja i odma se znalo da to užižedu ono smeče ča su ga u petak donili,a bome i jutros su otemu i novo pridružili.Bolje da ne pišen ča su ljudi sve govorili,to ču van pustit mašti na volju. A ča se sve užižalo? Lakše bi bilo nabrojit šta nije,ali evo…