Od kako se prati vrime nije zabilježeno da je u četvrtomen misecu na našemu području ikad pa snig
Priroda nan je još jedan put pokazala da protiv nje nikako ne moremo.
Prošle dane smo se golacali,a onda grom iz vedra neba,prognoze su govorile da je snig moguč i na moru,naravno,odma su počeli razni komentari,pljucalo se na prognozere,ali su sinoč ipak svi bili u iščekivanju sedan uri uvečer kad su najavili oto nevrimena koje če se počet događat,a bilo je na brzinu i puno gadno,ka da se je Armagedon dogodija.
Mali Vakula je čak iz ure u uru pisa,sad če se dogodit ovo,sad če se dogodit ono i pogodija je.
Naravno,ova nesritnja fronta dogodila se u najgore moguče vrime,kad je sve propupalo,iz zemlje cviče, povrče… izašlo,e onda kad ti oni iz kancelarije govoridu,kako ljudi ne obrađijedu zemlje i još jin dajedu savjete kako bi to tribali činit…,a u životu nikad nisu niti u pitar cviče posadili,gleda san sinoč jednoga čovika ča jema plantažu vočak,plaka je i činija sve ono šta misli da bi mu vočkama moglo pomoč,pa je tako zapalija vatre,stavija velike ventilatore koje bi toplinu tribale po vočnjaku raširit,a nije jedini,ali ko ga…
Rečedu pametnjakoviči, ko mu je reka da se sa otin bavi.
A sad koliko če ovi led učinit štete neznan,ali ovo ča san isprid kuče vidija,list od smokve je bura lipo istriskala,ka i cviče sa vočak,a ča se tiče kunpiri,biži… kako sad pari nije im ništa,a šta če se dogodit sa vočkama,vinogradima ča su propupali…,vrime če pokazat.
Koliko je sinoč jako puvalo morete vidit na dvi zanje slike,kako je prikolicu od kamijon iskrenilo,a pitanje je di bi se ota prikolica zaustavila,bi li doli u Starčevićevu ulicu završila,da s južne strane nije bija kamijon na koji se naslonila?
Bome se niko potrudija
I da posla čistačicaman. Ovako je to jutros bilo isprid naše Osnovne škole:
Otvori ...Odronija se dijal kuče
U Splitu sa južne strane Đardina tamo iza podne odronija se dijal od jedne kuče,pa su tako na pod završile kupe,matuni inkarat…,a sriča da je bilo blesavo vrime-bura sa kišon,tako da na ulican nije bilo puno svita,pa se nije nikomen ništa dogodilo. Kasnije su došli Spliski vatrogasci sa auto skalan i sa kuče odronili ono ostatka materijala šta je ostalo visit. Kad se prolazi kraj stariji kuč triba bit vrlo…
Otvori ...Predizborno jaje?
Još tamo prošlu sedmicu doli na Rivu nan je meklo ono nacrtano jaje,pa je odma počelo,a ča je sad ovo i jaje su nan prid izbore mekli,a zanji put je to bilo pri osan godin,a ovi drugi govori da nije nego pri sedan godin,a ma čekaj malo,uključija se treči,ta jaja su nacrtana 2013 godine,sad je ovega napalo,ma vidi pametnjakoviča,sve znaš,a ovi jin je pokaza na enciklopediju (internet) evo na vidi…
Otvori ...A zašto ji je nazvalo predizborne palme??
Jema dva dana da je na Gospicu isprid oni zgrad di se nalazi travnjak,posadilo dvi palme,čini mi se da su Vašingtonke,jerbo su se one pokazale otporne na onu palminu pipu.
Otvori ...Napunite u maštile,kajine,teče… vode jerbo če večeras nestat
Kako stoji na službenima stranicaman od Vodovoda,večeras od jedanajst uri,pa do jedne ure iza ponoča u Sučurcu neče bit vode ispod ceste D8,ča oče reč ispod Magistrale,na potezu od bivše tvornice jugovinil,pa do fabrike od cimenta.Pa tako večeras ne palite makinje od sudi,robe…
Otvori ...Kakve veze imadu Kaštila sa otin šta je Split treči u Evropi po skupoči nekretnin?
Jema nikoliko daan da je na svitlo dana izaša podatak kako su nekretnine u gradu Splitu treče po skupoči u Evropi,na prvomen mistu je Moskva,drugomen Pariz. Bome,jemamo se sa čin pofalit,e, a sad kakve veze jemadu Kaštila sa oton skupočon nekretnin u gradu Splitu,a imadu i te kako imadu,naši Kaštelanski političari več par godin se falidu kako u Kaštila sve više dolazidu mlade obitelji i još znadu nadodat,kako je tomu…
Otvori ...Požar u Doljanima
Jučera okolo dvi i dvadeset tamo u Doljanima Sučurački vatrogasci su gasili vatru koja se otela kontroli. A koliko puti još triba ponovit kako sa paljenjen triba bit oprezan i sve predradnje učinit pa da vatra ne izađe iz zato predviđeni okviri,ma zaludu.
Otvori ...Cvitnica
Još uvik nan korona neda da na Cvitnicu učinimo procesiju od crikve do starega kanpanela di se u naše selo tradicionalno blagoslivljedu maslinove grančice,jerbo nije poželjno da u malo mista bude puno svita,ali u odnosu na lani kad je po crkvama moglo bit par desetaka ljudi,a maslinove grančice su nas čekale u kutiji isprid crikve,več blagoslovljene,ovu godinu se vidija blagi pomak prema naprid,a nima druge nego se nadat da če…
Otvori ...
Komentiraj