Jo ča mi je drago kad babaroge počmedu onu,ko se okupa,okupa
I to još tamo okolo sredine osmoga miseca,je li se zaškuri nebo,padne čako kiše odma počnedu govorit,na društvene mriže pisat, kako je ovu godinu ča se kupanja tiče,gotovo.
E,a kad greš malo dublje zagratat,za poč vidit ko to govori-piše,dođeš do otkriča kako su to oni ča, ne da se nisu cilo lito okupali,nego ni gnjate u more nisu stopili,a te kako jin je potribno.
E,sad kad pogledaš ote,pa sa druge bande vidiš one, ča po par iljad kilometri auton prođedu za do mora doč,onda mogu mislit,ča oti u nas ča se cilo lito ne okupadu,mislidu o oniman ča učinedu cilu Evropu puta i po dvadeset uri u auto provededu,samo da bi do mora mogli doč.
Ali dobro,neka oni govoridu,ma ča se kupanja tiče ova godina još nije završila,proče i ovo par ciklonic ča su se zaredale,a iza nji če opet učinit lipo i moče se lipo okupat i osunčat,a oni neka i dalje grintadu i gatadu,ko se okupa,okupa.
I stanovnici Sučurca moredu sudjelovat u kreiranju gradskoga proračuna-buđeta
Postavio:adminDatum:October 4, 2019 5:45 pm Gradovi i opčine sve to očedu držat nikako zakukuljeno,ča po onoj novoj popularnoj besidi oče reč nisu baš transparentni za animiranje građani po ovomen pitanju. Buđet, oli ti ga proračun nikoga grada oli opčine je dobrin dilon unaprid definiran,a oni dijal ča nije postoji mogučnost da ga mi građani sa svojiman prijedloziman o prioritetiman koji su nan u selo bitni za šta kvalitetnije življenje definiramo….
Otvori ...Kakva utaknica,kakvi ambijenat i ovo je tribalo doživit
Pisa san več o tomen kako ja i čer gremo na svaku utaknicu o Ajduka i jedva smo dočekali da napokon otvoridu stadijone za publiku,eto, nisu kad smo igrali protiv Dinama,a evo, zato danas gremo gledat kad igra sa Varaždinom. I ka za dišpet jučera popodne se uvatila cipat kiša,a ja i čer gledamo,svako na svoju ponistru,muči ona,mučin ja,gledan ja nju,a gleda ona mene,manen glavon i pitan je ča čemo,a…
Otvori ...Podhodnika kraj vatrogasac,klap,po ko zna koji put
Svaki put kad padne malo veča kiša onda je oni podhodnik kraj vatrogasac i po par daan neprohodan,jerbo kroza njega prolazi voda,a kako se to može riješit do sad san ko zna koliko puti napisa,a isto tako i na Mjesnomen Odboru govorija.Pa me je jučera opet zvalo da dođen slikat kako se tamo opet ne more odit,a ča ču više slikavat,sve je isto ka i pri nikoliko godin,samo su crteži…
Otvori ...
Berba grožđa je u punomen jeku
Ovo kako drugu sedmicu zovedu kišu,svi su zaprišili sa berbon grožđa,govoridu,neka je vino u konobi,ko zna, kako je ova godina krenila još če ga i krupa otuč,a i nima se više šta čekat,gradacija mu je dvadeset,a ča se tiče količine,nije baš ka lani,ali ča je tu je,bolje išta nego ništa.
Otvori ...U nas ga more metit kako i di kome padne na pamet
Nije prvi put da se u naše misto kanperi moredu svugdi vidit,pa je tako i juros ovi osvanija na Mulu,lipo su zatvorili žaluzine da ji svitlost ne probudi,čudno,nisu ispod skal mekli tapetič sa natpison velkomen ili se kome svidija pa ga je prisvojija. Bilo kako bilo,evo su ga oni metili,jerbo u nas moredu činit ča ji volja,nebi mu,ne samo tamo odakle je doša,več u večini biloga svitata, ovo palo na…
Otvori ...Aj učini štako,aj učini štako
Znate doli na Sokolanu di izlazi ono vode iz Vodovoda u more, pa me zbog toga cilo lito vučedu po selu za rukav tako da su mi od kratki učinili duge,jerbo da se zbog toga potoka nije baš ugodno kupat,ni usrid lita,a pogotovo sad,kad lito pomalo gre ča,ali se još uvik moreš kupat i znate kako san jema dvadesetak daan tamo izmirija tenperaturu u pličaku od petnajst stupnjev i da…
Otvori ...Više to nije štrc-brc,nego su to umjetnička djela
Ovo kako se bliži 110 godin Ajduka i 70 Torcide, to svako malo osvane niki novi mural,ali to više nije ono,vazest važ piture i štrc-brc učinit par puti pinelon ili sprejen, pa šta ispadne,to su sad prava remek djela i to sa sitniman detaljiman,a svaki od nji šalje svoju poruku,ali šteta šta je puno nji na mistiman di baš nisu tako dobro vidljivi,ka ovi doli ča je uza cestu i…
Otvori ...Pitadu me roditelji dice iz vrtiča da jeli mogu šta napisat?
A radi se o problemu roditelji koji dovededu dicu u dičinji vrtič Neven i ostavidu autu doli na cestu južno od vrtiča, iako znadu da ne smidu jerbo je tote zabranjeno zaustavljanje i parkiranje. O tomen san več prije par godin pisa,lani je jedna viječnica (HDZ) na Mjesnomen Odboru o istomen problemu govorila,a mi je svi jednoglasno podržali,a iz grada smo dobili odgovor kako se doli ne more dozvolit parkiranje,a…
Otvori ...
Komentiraj