Ne tribate više grintat,stari nanpanel od danas opet svitli
Nije baš da ga nisu tili napravit,jesu,jučera ujutro su lipo vrimena izgubili za popravit,pa je onda jedan od električari izjavija kako je to u startu odma nevaljano napravljeno,ako je to tako,a kako je onda lani svitlija,a i oni ča su stavljali rekli su da je garancija deset godin,ali ostavimo sad to,e i onda su jučera konstatirali da jin triba ovi jedan komad,zaključali su kanpanejal i išli ča,a cilo vrime oni ča bi u određeno vrime na Rivu bija dežuran,prinosija bi onemu sljedečemu koji je prinosija dalje,kako više niko nije dolazija i kako ni večeras (ovo govorin o jučerašnjemu danu)stari kanpanejal neče svitlit i sinoč se nakon ča je kanpanejal več četiri dana u mraku,počelo na veliko pljucat,ali nas je jedan smiriva,nemojte se jidit,govorija je,sutra če kanpanel sigurno svitlit,jemadu prominit niki komad kojega je kako je reka teško nabavit i opet če sve bit u redu,a bilo bi dobro da za drugi put jemadu oti komad u rizervi,a ne da opet triba ovoliko čekat i evo,danas su to sredili i kanpanejal od večeras opet svitli.
I na kraju, za žuntu,a kad če nan više sat na kanpanelu proradit?A šta reč,stramota!
Čak je kolala baza da je, kako je kanpanejal presta svitlit razlog, da je biče švera od sata okinila kabel (sat jema pet miseci stoji na mistu)
Šta se ovo događa sa računiman od smeča????
Nemojte se pripast kad vidite koliki je text,provava san ga skratit,ali ne more,ako Vas to tješi iman i dužu verziju,ali san od nje odusta. 😀 Od dosta nji se po selu ča se računi od smeča tiče, more puno toga čut,ali ja ču sad samo o ona dva računa za deseti i jedanajesti misec,šta mi ji je nikidan emajliralo. Bija je to petnajesti dan u dvanajestomen misecu,a meni još nije…
Otvori ...Na staremu kanpanelu opet ne radidu svitla
Nikako na zelenu granu
Otvori ...
Era itanja smeča u one gvozdene kontejnere je završena
Pri jednu dvadesetak daan i zanji oni gvozdeni kontejner za smeče je maklo ča,sada jemamo kante,a za one ča kante ne moredu jemat,meklo je one zelene kontejnere sa katanciman u koje moredu itat samo oni čije ulice na otiman kontejneriman pišedu,ali ča se događa,a upravo ono ča se znalo da če se dogodit,a to je da iako su svi dobili ili kante ili ključe za kontejnere,smeča jema svugdi okolo na…
Otvori ...Kad če se ova situacija dovest u red?
Kad koko strada,biče kasno. Isprid ovega vrtiča u “staromen kupatilu”-Maginja uza samu zebru sa sjeverne strane ceste uvik su parkirane aute tako da se uopče ne more vidit oni ča očedu prič cestu,a kad se ostavlja dicu u vrtič ili kad se po nji dolazi onda i sa južne strane ceste isto tako bude parkirani aut,pa na sliku morete vidit dite koje pritrčaje priko zebre,a koju od aut ne morete…
Otvori ...Sveta Lucija
Od uvik je na ovo ovde naše područje Sveta Lucija u odnosu na Svetoga Nikolu ča se tiče nošenja darov dici bila glavna.Sičan se ka dite Sv.Nikola bi donija ovemu jednomen ča mu je otac navigava,a mi ostali komen se u ote dane nosilo darove smo čekali Sv. Luciju i to baš čekali,jerbo od uzbuđenosti nisi moga ni spavat. A onda tamo početkon devedeseti godin sa svi stran su nas…
Otvori ...Građani našega sela opet u akciji
Nikidan se jedan cilo vrime mota okolo ona dva kontejnera doli na rivu,pa smo cilo vrime nagađali ča to on radi,oli nezna kako če katanac oključat,a da nije falija vazest ključ ili…,prošlo je tote puno vrimena pa je ovi posta sumljiv,ča on to radi i ovi jedan je iša vidit,pa se vrača nazad i fali ovega kako je doša obuč kraj od sajele na kojoj je pričvrščen katanac od kontejnera,jerbo…
Otvori ...Preuzmite poklonbonove-božičnice
Od prošle sride počelo se sa podjelon poklonbonov-božičnice za penzionere u visini od sto,stopedeset i dvista kuun,ovisi o visini penzije,pa tako još sutra i prikosutra-ponedijak i utorak bonove morete dignit u staroj anbulanti-sada Mjesni Odbor u Sučurcu od osan uri ujutro pa do dvi popodne,a nakon utorka u zgradi od opčine,ali bilo bi dobro da to sad napravite na komod,a ne kasnije da šetate po biloj zgradi. Isto tako i…
Otvori ...
Komentiraj