Kome je u interesu da na Sokolani još uvik nima priobučivalice?
Uf ča su Sučurani jidni,govoridu,znamo da smo zanja rupa na sviralu,ali šta je mašo,mašo je.
Evo je več peti dan sedmoga miseca,a ovi iz Grada nan još nisu na Sokolani mekli priobučivalicu?
Ka ča san več pri par godin pisa,Sokolana je več odavna postala glavna plaža,čak i ono turisti šta nan je počelo zanji godin dolazit,svi se na Sokolanu kupadu.
Ali dokad?
Ove zanje dvi godine zbog korone turisti se brojidu na prste,čeka ji se ka ozebal sunce,znamo svi da su Sučurac do naza par godin zaobilazili u vekikomen luku,ali zahvaljuči privatniciman koji su krenili sa turizmon u Sučurcu se svake godine more sve više stranac vidit,a ča mi činimo za da bi nan se opet vratili,ka stanovnici ovega našega sela,moremo se samo opravdavat za razne pizdarije u koje stranci jednon rukon upiredu prston,a drugon začepljijedu nosove kad Rivon prolazidu dokle se u more izlijedu govna,a kad se na Sokolanu dođedu okupat,nimadu ono najosnovnije,priobučivalicu,za da se moredu prominit…
I pitanje je ko če se od nji opet u selo vratit,a i ne virujen baš da če se svojiman prijateljiman pofalit,jer znamo kako je usmena predaja,najbolja reklama.
I na kraju,kome je u interesu da nan selo u koje se napokon počeja vračat turizam u startu satare i vrati nas nazad di smo bili prije deseetak godin?
Nikome sigurno je.
Sramota!!!!
ps I šta je sad najzanimljivije od svega?
Da se moran vatat turisti,za napisat kako na Sokolanu nimamo priobučivalicu,a to šta se naš svit ne more priobuč,nima veze.
Spominje se niki prosvjed,govoridu da če se na Sokolanu goli kupat??
Ko če bit odgovoran za to?
Oni ča se bude gol kupat ili oni ča nije omogučija da se ljudi moredu normalno priobuč,pitanje je sad??
Otvoreno je Kaštelansko kulturno lito
Sinoč je na Igrišču otvoreno ovogodišnje Kaštelansko kulturno lito,a ovu godinu je to bilo uz klapu Rišpet,koju je nakon par otpivani pisam omela kiša pa je koncerat tribalo prikinit,a publika se razbižala,ali nakon koji dvadesetak minuti nebo se smilovalo,koncerat je nastavljen i traja do jednu jedanajst i dvadeset,s tin da se zanji dvadeset minuti opet odvija uz kišne kapi koje su pomalo,ali sigurno sipile i natapale,a publika i izvođači se…
Otvori ...Sređije se staro kino ili ti ga,đudo dvorana
Raskopalo se ono starega,gnjiloga drvenoga poda,umisto kojega če se meknit novi,malo če se obnovit i instalacije,a isto tako u budučnosti zimi u ovoj dvorani ne bi više tribalo bit,zima,a liti vruče,več lipo ugodno… I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!
Otvori ...Evo je i po Kaštiliman počelo mečat
Odozdala,u donja Kaštila-Stari je počelo mečat stalke za one bicikle iznajmljivalice… I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!
Otvori ...Da zašto su ovi pitari isprid kontejneri?
A to se more pitat samo oni zbog koji je ove pitare i meklo,a meklo ji je zato jerbo bi se tote parkirale aute,pa radnici nisu mogli izvuč kontejnere za ispraznit ji,a tako ništo svako malo moremo vidit i doli na Rivu di jema oni ča isto tako mečedu aute isprid kontejneri i puno puti se dogodilo da uvik isti to činidu i onda radnici ča radidu na kamijonu jemadu…
Otvori ...
Ovo kako na Sokolanu još nije meklo priobučivalicu opet je niko potegnija priču oba tomen je li Sokolana plaža ili nije plaža
Pa je onda niko reka da se siča kako je na jednoj sjednici od Gradskoga viječa i sam Gradonačelnik reka da Sokolana nije plaža. A zanimljivo,od nas par ča nas je tote bilo,samo on zna da je Gradonačelnik oto reka,a kad san ga pita kad je to bilo,e on nezna,ali zna (sad se več malo koleba u tomen znanju) da je reka. A dobro,naravno sad se odma ide u potragu…
Otvori ...A Vi mislite kako je priša stavit priobučivalicu doli na Sokolanu?
A ne,ima prilišnijega posla,neko je radniciman iz graskoga pogona reka kako je prioritet sredit ove bubamare isprid kina o kojima san toliko toga do sad napisa,pa se više neču ponavljat,jer niko miče dvi bubamare,pa su onda probijali asvalat i u bubamare mekli tondine,da ji se ne more samo tako turnit,a onda kad su nakon toga opet maknute u stranu,e onda su brže-bolje odma sutradan uz oti tondin,sad dodatno i malton…
Otvori ...Pitadu me danas da kako na Sokolanu još nisu mekli priobučivalicu ?
Ma di Van je priša,pomalo,kad bude zavručilo, onda če. Da neka iden. A zašto ja bidan? Eto tako. A dobro.
Otvori ...
Komentiraj