Evo opet Mislav na Podvorju sa mašklinon u ništo tuče
E Mislave,a ča to činiš,a evo,okinilo je palme i ostavilo ovo ovako,pa ču ja pomalo ovo ostatka cipat,a lipi posal,je,je,dokle ovo činin cilo vrime spominjen onega ča ju je posadija,sigurno u lipomen kontekstu,aha,a ča si ovo praga izbija,nisan ja,to su oni kad su došli izdubst rupu za posadit stablo i nisu jemali di nego taman uz rub,pa je tako i prag izbilo,pa kad ovo završin onda ču oto praga vratit na misto,a ča čedu biče opet palme posadit,aha,kako neče,nego šta če,najbolje bi bilo da to budedu murve,an.
A ovo nije prvi put da Mislav ništo na Podvorju uređije,pa pogledajte malo,slika govori iljadu besid:
Kopa travu na Podvorju:
Čisti šahte na podvorju:
Buba mašklinon po korijenu od palmi ča su ji nikidan ispilali:
Itd,itd…
Opet,po ko zna koji put
A šta ima da san pisa kako ovde di stojin kad pune malo jača bura odozgara od Kaštelanke,firme šta se bavi proizvodnjon papirnate anbalaže-vrič,počmedu letit retaji od karte i cili kvart jema sa njon posla,evo ja san iz vrtla jutros po onemu vitru uru vrimena odmotava,skida i kupija otu kartu koje jema di se ko okreneš.
Otvori ...Tribalo bi reagirat na vrime
Zvalo me jutros da tamo di je oni nadvožnjak navr jugovinilove štrike kraj Osnovne škole pod naletiman bure grane od bora gratadu po stupu i kabeliman o struje,pa bi ji bilo dobro ispilat da se ne dogodi dežgracija.
Otvori ...Tribalo bi popravit ovu plakatjeru za osmrtnice navr anbulante
Torcidin mimohod za Vukovar
Sinoč je Spliska Torcida povodon 29.godišnjice pada Vukovara napravila kolonu sječanja od početka Vukovarske pa do murali na Sučidru,uz povike Vukovar,Vukovar…,Škabrnja,Škabrnja…,a na kraju su zapivali pismu Poljubi zemlju po kojoj hodaš,nakon čega su se mirno razišli. Inače sve ove murale napravljene u Vukovarskoj ulici, koji prikazijedu razaranja, događanja,patnje… stanovnika Vukovara u koje je uloženo puno truda, ljubavi,vrimena i strpljenja učinili su članovi Spliske Torcide,a puno nji je nacrta Raketa.
Otvori ...A vidi ovega na čemu se vozika
I to Magistralon,sa rukaman u žepiman.
Otvori ...Ča se tiče branja maslin za ovu godinu je to,to
U odnosu na lani kad nisi moga ni po ure normalno brat,jerbo bi se uvatila kiša padat,pa bi triba pobignit,pa se opet nakon petnajst minuti vratit i tako cilo vrime,a od mokri gran bija bi cili mokar,a urod bija rekordan,ča ga puno nji ne pamti takvoga,ovu godinu se u kratke rukave bralo,na tenperaturi okolo dvadeset i dva stupnja,a urod tu nigdi okolo četvrtine u odnosu na onega prošlogodišnjega,a u odnosu…
Otvori ...Sa jučerašnjega prosvjeda u Vranjicu
Ovo lipo malo smišno misto popularno nazvano “Mala Venecija”je ekološki toliko ovancalo,da se čovik mora zapitat ča su to oni Bogu skrivili,nebi ka da se svaki dan u njega stinjan mašadu. Ko nije tamo bija ili nema u glavi kako jin je,neka ostavi autu odma na početku i lipo nanoge obađe cili poluotok,ne triba puno,s noge na nogu petnajestak minuti,pa če mu bit jasno o čemu govorin i zašto je…
Otvori ...
Komentiraj