Ova mala škatula je danas bila najtraženiji artikal u našoj županiji
Poznati smo ka oni ča sve u zanji čas činimo,iako su nan več od ovoga lita svaki dan ponavljali da budemo spremni i ko nima televiziju koja podržaje HD signal,nabavi resiver koji če omogučit da more i dalje nesmetano gledat televiziju,danas je u našoj županiji bija dan od panike,a trgovački centri su bili pod opsadon i to sve zbog ote male škatulice-resivera zbog koje puno nji nakon ponoča više ne more gledat u onu škatulu u kojoj se mičedu slike,nego zamisto toga jedino ča moredu vidit su crno bile točkice-„snig“ i šteta je kako se proizvođači nisu sitili na ekrane od televizij brisače meknit,a koliko ji je samo ispljucalo kad je na njiman u ponoča slike nestalo,a ni trgovački centri nisu baš lišo prošli,ko zna koliko če se samo dezinfekcijski sredstav večeras potrošit za očistit podove od pljucanja kad su,oni ča su došli kupit, čuli da oti mali škatulic-resiveri uopče nima (da mi je vidit onega ča se zajeba-zaboravija da jema masku i pljunija sam sebe),a kolika je panika nastala govori, da su pri spoznaji kako resivera nima ni za lik,ljudi počeli mahnitalo grabit televizije,jeman i ja godin,ma ovako ništo još nisan vidija,televizije su se danas kupovale ka bonboni,nima one male škatulice-resiveri od dvista kun,nema veze,umisto toga kupujedu se televizije od dvi-tri iljade kuun.
Kontejneri sa Gospice danas su išli u ropotarnicu povijesti
I odma večeras smeče je niko ostavija na vrlo čudnomen mistu.
Otvori ...Danas okolo petnajst uri i dvanajst minuti
Zvalo me da jeli ja vidin oni dim,a koji dim,iz cimentare,okričen se prema tamo,a vidin,pa san iša u kuču po aparat za slikat,samo ča san uša i odma izaša,dim više nije bija nako veliki,ali jema oni ča su bili brzi i slikali su evo ovo:
Otvori ...Evo za one koji ne virujedu da je oporba u Sučuračkomen Mjesnomen Odboru dala ostavku
Evo lipo pa pročitajte,a do koji dan ču o svemu ovome napisat i text.
Otvori ...Traži se-nestala pod okriljem noči
A ko je nesta? Klupa. Koja klupa? Ona doli na Mulu. Sinoč je bila,a jutro je osvanilo bez nje. Ako je koko vidija neka dojavi na rivu.
Otvori ...Opasnost na Gojači ispod Đardina-izbjegajite po ovome šetat
Tamo di ljudi šetadu na Gojači,točna lokacija,tamo di se spuštadu skale sa Đardina,di je raspuka beton je vrlo opasno prolazit jerbo je ispod toga ispucaloga betona rupa od jednu metar dubine,a ko zna koliko je u razmjeriman široko i more se dogodit da kad se tote stane,beton popusti i koko upadne i ko zna kako če se provest. Inače me pitadu da je li ima smisla uopče ovo ča pišen…
Otvori ...Evo ovako to radidu oni koji se ne bojidu direktne komunikacije sa svojiman građaniman
Znate kako san več dosta puti pisa o tomen kako građani moredu sudjelovat u kreiranju dijela gradskoga proračuna. Proračun nikoga grada oli opčine je dobrin dilon unaprid definiran,a oni dijal ča nije, postoji mogučnost da ga mi građani sa svojiman prijedloziman o prioritetiman koji su nan u selo bitni za šta kvalitetnije življenje definiramo. To se zove praksa participativnoga odlučivanja. A kako se mi to moremo uključit u davanje prijedlozi…
Otvori ...Ako van ga je teško održavat,a onda najbolje da ga maknete ča
Ovo bidnega sata na staremu kanpanelu više ne radi nego ča radi ili kad radi onda je oli uru naprid ili nazad u odnosu na vrime koje je trenutno na snazi,pa tako jema okolo misec ipo daan da ovo sata uopče ne radi,a ja nisan ništa pisa jerbo su dobro na Rivu govorili,bolje da sad niko ne dolazi popravljat,jerbo ako sad dođe,onda čemo ji opet čekat za turnit uru kad…
Otvori ...Ma dajte više sredite ovo
Tamo kraj stare apoteke opet je, po ko zna koji put popucalo kod oni šahti i za razliku od prošloga puta,kad su mekli samo beton,koji je naravno popuca,jerbo je on krut,ovi put su samo donji dijal nalili betonon,a gornji dijal su ostavili za asvalat,e i to tako stoji jema desetak dan i aute to mimoilazidu,bacadu ove čunjeve (prije ji je bilo više sad samo jedan)diko oti čunj zna i malo…
Otvori ...
Komentiraj