Era itanja smeča u one gvozdene kontejnere je završena
Pri jednu dvadesetak daan i zanji oni gvozdeni kontejner za smeče je maklo ča,sada jemamo kante,a za one ča kante ne moredu jemat,meklo je one zelene kontejnere sa katanciman u koje moredu itat samo oni čije ulice na otiman kontejneriman pišedu,ali ča se događa,a upravo ono ča se znalo da če se dogodit,a to je da iako su svi dobili ili kante ili ključe za kontejnere,smeča jema svugdi okolo na mista di nebi tribalo bit.
Kako je uz ove zelene kontejnere za smeče meklo i one za kartu,plastiku i caklo,oni ča su dobili kante, svoje smeče su nastavili i dalje itat u kontejnere,neka oni gvozdeni kontejneri više nima,oni ka “staza slonov” i dalje nosidu smeče na misto ka i prije,pa neka tamo više nima kontejneri ili na mista di su oni zaključani kontejneri,ali to nji ne briga,oni jednostavno svoje smeče tribadu ostavit,pa sad to bija oni kontejner za plastiku oli kartu,nije bitno,najvažnije je da se on smeča riješija.
Tako je jedan nikidan iz porta paka izvadija smeče i kako su ovi zeleni kontejneri bili zaključani on se odlučija itnit ga u oni za plastiku,a pa smo ga pitali,a je li,a oli ne vidiš da je to kontejner za plastiku,a oli nimaš doma kantu za smeče bacat,ma pusti kantu,koja kanta,di če on sad sa smečen,prije je baca tamo u kontejnere isprid crikve,pa su ji makli,ovi zeleni su zaključani,a di če on smeče sad bacit,a mi opet, jemaš svoju kantu pa bacaj u nju,ma koja kanta,oče svakako smeče u kontejner od plastike itnit,ali je ipak odo toga nauma odusta,smeče vratija nazad u auto i iša ča,pa je tako niki drugi dan jedna žena isto tako vidila da je se oni jedan od kontejneri karta-plastika more otvorit i izvadila je vriču iz porta paka,ali kad je vidila nas i kako je fotoaparat spreman ovjekovječit oti momenat, bržebolje je otu vriču vratila nazad u autu i išla ča.
Inače,napokon je nakon biče i više od godinu daan vratilo nazad one kontejnere za plastiku,kartu i caklo itat,ali,di je kontejner za tetrapake,bitno je da su po sviman mistiman održane poduke o razvrstavanju otpada,a međuostalin je predavač govorija i o tetrapaciman ka vridnomen resursu koji se more i okolo pet puti iskoristit,a iako je takvi kontejner sve do nikidan bija isprid crikve,sad sa novin ustrojen, otakvoga kontejnera za itat tetrapake više nima,bitno je da su se potrošili pinezi za nas po Kaštilima educirat.
Kad če se ova situacija dovest u red?
Kad koko strada,biče kasno. Isprid ovega vrtiča u “staromen kupatilu”-Maginja uza samu zebru sa sjeverne strane ceste uvik su parkirane aute tako da se uopče ne more vidit oni ča očedu prič cestu,a kad se ostavlja dicu u vrtič ili kad se po nji dolazi onda i sa južne strane ceste isto tako bude parkirani aut,pa na sliku morete vidit dite koje pritrčaje priko zebre,a koju od aut ne morete…
Otvori ...Sveta Lucija
Od uvik je na ovo ovde naše područje Sveta Lucija u odnosu na Svetoga Nikolu ča se tiče nošenja darov dici bila glavna.Sičan se ka dite Sv.Nikola bi donija ovemu jednomen ča mu je otac navigava,a mi ostali komen se u ote dane nosilo darove smo čekali Sv. Luciju i to baš čekali,jerbo od uzbuđenosti nisi moga ni spavat. A onda tamo početkon devedeseti godin sa svi stran su nas…
Otvori ...Građani našega sela opet u akciji
Nikidan se jedan cilo vrime mota okolo ona dva kontejnera doli na rivu,pa smo cilo vrime nagađali ča to on radi,oli nezna kako če katanac oključat,a da nije falija vazest ključ ili…,prošlo je tote puno vrimena pa je ovi posta sumljiv,ča on to radi i ovi jedan je iša vidit,pa se vrača nazad i fali ovega kako je doša obuč kraj od sajele na kojoj je pričvrščen katanac od kontejnera,jerbo…
Otvori ...Preuzmite poklonbonove-božičnice
Od prošle sride počelo se sa podjelon poklonbonov-božičnice za penzionere u visini od sto,stopedeset i dvista kuun,ovisi o visini penzije,pa tako još sutra i prikosutra-ponedijak i utorak bonove morete dignit u staroj anbulanti-sada Mjesni Odbor u Sučurcu od osan uri ujutro pa do dvi popodne,a nakon utorka u zgradi od opčine,ali bilo bi dobro da to sad napravite na komod,a ne kasnije da šetate po biloj zgradi. Isto tako i…
Otvori ...Opet nan se pokvarija bor
Jema več pet daan da od oni sitni lanpic na boru ča ga je meklo na rivu ne svitli nji tri četvrtine. Pa to onda izgleda evo ovako:
Otvori ...Oče neče,oče neče…
Ljudi u staromen dilu sela ove dane gledadu u straju kako se more poigrava pa čas reste,pa se onda spušta… Jutros je to okolo jedanajst uri bilo gadno,ali ipak u zanji čas je more odustalo od svoga nauma i povuklo se tako da su bar za sad stanovnici staroga dila sela mirni,ali dokad? Strašno je to kad su ovi dani od variranja mora,oni ča stojidu u getu spavadu sa jenin…
Otvori ...Ma kako si ono nikidan moga napisat da nevalja sat na staremu kanpanelu?
Pita me ovi jedan i govori,a vidi da dobro gre,da neka pogledan na sat na ruci ista ura je ka i na kanpanelu,a je u pravu si govorin ja njemu,a onda san pričeka jednu petnajestak minuti,pa sad ja govorin ovemu,asti,jema bit da je ura na kanpanelu opet fermala,evo je u mene podne i devet minuti,a na kanpanelu je još uvik podne manje šest ka i malo pri,a jeli mogu sad…
Otvori ...Priča selo – SRAMOTA
Neka je to bilo u subotu evo ni do danas se ne stišaje priča o suboti kad se obilježila obljetnica bonbardiranja našega sela, kad je u jednomen danu svaka familija ostala bez nekoga svoga člana i Sučurani su vrlo osjetljivi na to i ne zaboravljadu bilo kakve greška učinjene na oti dan,pa se tako i dalje spominje kako se pri dvi godine od strane grada i MO-a nije meka buket…
Otvori ...
Komentiraj