Jesmo li šta naučili u ovoj pandemiji o Korona virusa? Jesmo li?
Još tamo 2014 godine pisa san o ponovnomen osposobljavanju funtani u našemu selu koje su radile sve tamo nigdi do prid kraj devedeseti godin prošlega stolječa,zašto je nikomen palo napamet udunit ji neznan,ali znan da di san se ko maka i jema takvi funtani,na njiman se moreš vode napit i ruke prolemučat,e pa sad,kad smo več došli ovde di jesmo,a kako svakodnevno od razni virolozi,epidemiolozi… moremo čut higijena-pranje ruuk u ovomen slučaju kad virus hara,je ta koja more ublažit da se oto nesritnjega virusa divlje ne širi,pa bilo bi dobro da onda sad osposobimo one funtane po selu,a nije velika investicija meknit špine i škatule sa tekučin sapunon,jer sve šta moremo,tribamo učinit da ovo nesritnjega virusa pobijedimo. Moran priznat da mi je čudno kako do sad nikomen iz gradski struktura ovo nije palo na pamet?
Ovo doli je text koji san o funtanaman pisa 2014 godine
Zašto u Orebiču more,a u Sučurcu ne more?
Postavio:adminDatum:August 19, 2014 10:36 pm
Sučurac jema još od davni godin jednu funtanu kraj stare škole,pa jednu na Novomen putu, i još jednu u Varošu,a da ne zaboravin onu jednu u Getu,a i tamo nasuprot stare Sokolove kuče (ove više nima) i zanimljivo je to da di se ko maka u mista koja su u prošlosti jemala take funtane moreš odvrnit špinu i napit se vode.A zašto se to u Sučurcu ne more? Niko je bija objašnjava da to ne more iz vakoga ili nakoga razloga,ali kad san vidija na druga mista da se more onda taka “stručna” objašnjenja da se u nas ne more jednostavno padadu u vodu.
Ove doli funtane su u Orebiču i namjerno san pustija vodu da ne misli koko da su tot za fintu.
Ova je funtana u Stonu i cilo vrime teče:
A di bi se mi ovo lito tribali kupat????
Kako znamo svi nan relevantni stručnjaci,razni epidemiolozi… govoridu kako če nan život u budučnosti bit drugačiji od ovega sad,pa tako govoridu kako se zaštitit pa da se od Korone ne infetamo,a isto tako moremo pročitat i ča triba napravit sa zahodon nakon ča oni zaraženi od korone u njemu učine potribu,tj.da se Korona i priko fekalij prinosi,e pa sad pošto znamo kako to u nas u selu ide sa plažaman,da…
Otvori ...Samo je bilo pitanje vrimena kad če i evo
I sad če koko krenit u osudu ovega čina,a ovo se sigurno nebi dogodilo da je bista ostala tamo di je i bila,a na naše pitanje iz Mjesnoga odbora ni do dana današnjega,a prošlo je više od godine ipo daan,da od gradski struktura nismo dobili odgovor ko je naredija da se bista pribaci ovde na Rivu? Jer,kad se to dogodilo,ondašnji Mjesno odbor je bija u blokadi i zbog toga nije…
Otvori ...Morete ložit ovu subotu i nedilju
A je bilo beštimanja i grintanja pri jednu dvajstipet daan kad je počela zabrana loženja na otvorenomen,taman onda kad su se ljudi tribali riješit raznoga granja i trave-korova.Ali zato to morete napravit ovi petak,subotu i nedilju,petak je več proša,pa je ostala još subota i nedilja,kako mi je reklo za ovo, nisan virova pa san nazva vatrogasce,jerbo i ja jeman ništo za užgat,je li istina da se petak subotu i nediju…
Otvori ...Frii wi fi u donjiman Kaštiliman
Ovo kako gren na biciklu doli do Kaštili vidija san ništo čudno na jednomen stupu ča do sad nije bilo,kad ono antena od wi fija,ne bija lin pogledan ja na mobitel i je,pokazalo mi je na dva mista,na jednomen mobitelu je ispisalo,TestK,a na drugomen Grad Kastela. Inače Kaštila su jedan od 336 gradov i opčin u Hrvaskoj ča su iskoristili akciju Evropske komisije i dobili vaučere za besplatni bežični internet.
Otvori ...
Evo malo pa se prisjetimo kako to bude u dane okolo Uskrsa
A nadamo se da je ovo prvi i zanji put da Uskrs slavimo na ovakvi čudan način.
Otvori ...Misa u Sv Juraj, Uskrs 2020
Snimka održane mise
Otvori ...Potraga za kriznin artiklom
Zanji deset daan Svaki put kad gren do dučana Ona mi reče vidi jeli jema, pa uzmi friškoga kvasa,a ove dane okolo Uskrsa po dučaniman je glavno pitanje,jemate li svježega kvasa,a u devedeset posto slučajev je odgovor,nima,a pojte vidit u Interšpara,ja san pri niki dan tamo uzeja,dajedu po tri kockice,tako da bude za svi.
Otvori ...
Komentiraj