A taman nan je u selo lipo sa turistiman krenilo,a mi…
Ustvari,ama briga me za turiste,nego se naš svit ne more na Sokolanu kupat,evo govoridu,jema nikoliko daan da more zna bit kafeno da ga od gada ne moš gledat,a kamoli u njega uč,a sve zbog materijala koji je daniman na plaži i to,mireči nako na korake,došli smo do desetak metri dužni neiskoristive plaže na kojoj osin materijala viridu i nike žile,kako žile,a neznan,mislili smo da je to od nikud more donilo,ali nije,jerbo smo oto “granj” vukli pa smo vidili kako su to ustvari žile od stabal,a zanimljivo,govoridu ljudi ča se doli svaki dan kupadu da se uredno piše kako se u Kaštila plaže svakodnevno uređijedu-čistidu,a pa je li koko od oti ča ji čisti moga bija slikat,reč svojiman nadređenima kako ovo ovde izgleda i da triba sredit…
Inače, jema več koliko vrimena da me zbog ovega po selu vučedu za rukav,da mi je od kratki,učinilo one od tri kvarta,a ja jin samo rečen,jemate sad novi Mjesni odbor,jesu li rekli da če oni sad drugačije,čak su ukinili i točku razno,jerbo ča če njiman ko govorit ča triba činit,oli i oni nisu po cile dane u selo i ne vididu probleme (to mi je bija reka Marijo),a pa je vrlo zanimljivo,nisan reagira par dan,baš za vidit kako to u zbilji ide,ali toliki pritisak vršidu na mene,zanje sinoč na Rivi, da san nakon toga iša doli lanpadinon sa mobitela vidit,a taman dokle san to gleda,eto jednoga ča se doli svaki dan kupa,a pa mi i on govori o boji mora,koje zbog ovega problema zna bit kafeno,pa mi je jutros kad san iša slikat reklo kako stranci slikajedu i lipu sliku šaljedu u svit,dokle jedni sa svojiman slikan privlačidu goste,drugi,sa ovakviman slikan iz našega sela odvlačidu goste, ča su u ovo naše bidno, malo,tokon desetlječi ispačeno misto,mislili doč,a taman nan je stidljivo,ali lipo ovo zanje vrime sa turizmon krenilo.Ali…
Evo jutros,kad ne puše ništo jakoga vitra,se more vidit lagani mutež mora,a kad pune ono jakoga Maeštrala da je to ajme:
Pa,pa semafori
Evo su radovi sa uređenjen ceste na Krknjaču napokon gotovi i maklo je ona dva semafora,tako da više nima koloni od aut koje su se znale sve do Gospice protizat,nego se sad lipo more slobodno prolazit.E. O tomen ča se sad po selu priča,da zašto se nije ovo vako oli nako,ka ča se govorilo učinilo,ču do koji dan napisat.
Otvori ...O jučerašnjemu požaru (ima i kratki videjo o spašavanju Jurijeva)-dodane slike
I dok puno nji na društveniman mrižan osuđuje vatrogasce kod pojedini požari,e zašto nisu ovo učinili vako,oli nako,da san ja gori,ja bi to več bija udunija,ne bi se meni vako proširilo,napravili su veliki propust,organizacija jin je nikakva,vidi kako jin se tamo proširilo,tribali su…,ali naravno,oto sve činidu iz klimatizirani prostorij,oli u debelomen ladu sa razlađenin pičencen u ruci,ležeči na plažaman,bome,koji junaci… A pogledajmo sad jučerašnju situaciju u našemu selu di si…
Otvori ...Gori Gaj
Počelo je gorit tamo di, koliko ja znan u ovo godin ča jeman, nikad nije požar počeja,između Jure i Planinarskoga doma?? Pitanje je oče li zbog ove divlje bure Kanader moč gasit,a bez njega če bit prilično zeznuto.
Otvori ...Sveti Ivan svitnjak,Krijesnica ili ti ga,buba žižica
Danas je Sveti Ivan,a uvik u vrime okolo Svetoga Ivana,u vrtlu isprid kuče,još od kako san ja bija dite,pa do dana današnjega,na ista mista pojavi se jedna mala životinjica iz koje svitli kričavo zelena svitlost. E sad,moji su mi govorili da je to Sveti Ivan svitnjak,pa smo tako i mi svoju dicu učili,s tin da je još dobila naziv i Buba žižica,a oti naziv je i do dana današnjega osta…
Otvori ...Danas je prvi dan lita
A isto tako danas je i najdulji dan u godini i to ste siguro znali,ali evo maloga podsjetnika za one koji su odavna izašli iz škole zašto je to tako. Prema astronomskomen kalendaru lito je počelo u sjevernoj zemljinoj hemisferi (u južnoj počinje zima). Ča oče reč da je danas nagnuta os naše planete Zemlje najbliža Suncu. Ili još bolje objašnjeno, momenat koji označava početak lita na sjevernoj hemisferi je…
Otvori ...Jednodnevni cvit
Vrlo zanimljiv cvit od kaktusa koji dura jedan dan i to se rastvori onda kad padne sunce,a več sutra dan sa jačanjen sunca,polako se počme sušit i nestajat.
Otvori ...Evo smo i to dočekali
Stari kanpanejal je očiščen od raznoraznoga zelenila ča je po njemu resta,a koje ni najmanje ne čini dobro tako staroj građevini koja je “doživila” i priživila bonbardiranje u Drugomen svjeskomen ratu kad je u jednomen danu naše selo ostalo bez 97 stanovnika,iliti ga okolo osan posto ondašnje populacije. Stari kanpanejal,spomenik je otomen danu,kad je svaka Sučuračka familija bila zavijena u crno i ne zaslužuje da se prema njemu mačehinski odnosi,a…
Otvori ...Jeste li vidili večeras crveni Misec?
Kasnije je ponarančastija,ali pri samomen izlasku bija je evo ovakvi:
Otvori ...
Komentiraj