Šesnajesti po redu Mašokarič u Sučurcu
Asti,ka da je jučera sve to počelo,a evo ove godine se dogodila šesnajesta po redu utrka kariči u našemu selu.
Ovi fenomen bi tribalo proučavat,da se ovoliko svita od oni najmanji,pa do oni najstariji skupi za gledat one ča se vozikadu na komad daske na koju su mekli nika željezna kola koja stvaradu nemoguču buku i to sve bude gotovo u sedan minuti,dokle prvi od natjecatelji prođe kroz cilj. I ča je još zanimljivije,samo desetak minuti pri nego ča utrka triba počet bude ništo malčice svita,a kad dođe tri ure,vrime kad utrka triba krenit najedan put sve bude krcato i to se svi užividu,najpri ji se isprati dokle se spuštadu niza Kajin brig,a onda se svi pribacadu na drugu bandu,tamo di je pošta i prati se kako odozdala,od pravca banane vozači i njiovi gurači činidu kerefeke za izborit se za ča bolju poziciju (zanimljiva bi to bila snimka iz zraka za vidit kako se ta masa svita primišča sa jednoga na drugi kraj).
Ekipe primjenjijedu razne taktike za ča pri do cilja doč,jer je staza zahtjevna,nakon nizbrdice,moradu sač sa kariči i sa karičen ispod ruke pritrčat dijal di je bila stara crikva,tako da puno nji kalkulira je li jin bolje sve doli do kanpanela se vozit,oli koji desetak-dvadesetak metri pri sa kariča sač i uvatit se trčat,pa jin onda gre jedan dijal ravne etape od Mula do Banane,bez ikakvi preprek,a zadnja etapa jin je uzbrdica,a na vrju ote uzbrdica čeka ji zamka,rešetke priko cile širine ceste koje su žestoki neprijatelj balinjeraman,to da za ovakvu utrku triba jemat dobru kondiciju ne triba niti spominjat,posli utrke puno nji se iskrene po podu,a bude i povračanja.
Koga zanima koje su ekipe sve sudjelovale i koje su tri ekipe među prviman došle na cilj more vidit na zanjoj slici,kraj ekipe je sinjano sa rimskiman brojeviman.
Kako san na koncertu od Željka Bebeka završija skoro pa na binu
Cilo vrime mi je ona moja govorila da smo mogli poč na Bebekov koncerat,a ja san se nečka,oču-neču,a ča ja znan,iša bi,pa onda nebi iša,kad jedan dan zvoni njoj mobitel,zovedu prijatelji iz Slovenije,vidin ja klima ona glavon,čujen je kako govori,aha,dobro,di,kad,u koju uru… E i kad je poklopila slušalicu,govori ona meni,e sad nima očeš-nečeš,zvala je Nataša,dolazidu u subotu na koncerat i to ti je to,astiii,sad moran poč trčat karte vazest,a ne…
Otvori ...Tradicionalni bakalar u Matele
Več je to ušlo u tradiciju da Ivan na Badnjak učini bakalar i počasti Sučurane,a i ove,ka i prošli godin,moglo se guštat u onemu na brujet i na bilo učinjenomen,a da je oti bakalar bija dobro učinjen,znak je da su teče vrlo brzo ostale prazne,pa se na kraju i dno sa teče strugalo.A uz bakalar je tote bilo i fritul,a sve to se moglo zalit sa lipin Matelinin vinon.
Otvori ...A Mislave ča to radiš? Doče ti komunalni redar i napisat kaznu.
Ajde pak,govori mi,nemoj da te pošaljen,evo ja čistin šahte kad opčina oto nije napravila. Nakon ča se je more počelo povlačit na Podvorju se i dalje zadržavalo,a Mislavu se odma upalila lanpica zašto,pa je vazeja mašklin podiga gradele od šahte,kad ono sifon pun materijala,podiga ga je vanka,a šahta je učinila surlp i sve more povukla unutra. E i sad mi ča smo tote bili,nismo mogli ne razmišljat o tomen,a kako…
Otvori ...A ča jema da je poplavilo i evo ga sad opet
Zanji put je bilo to sredinon jedanajestoga miseca kad je isto tako ljudiman u kuče more ulazilo,asti,a jesan li ja smija ovako to napisat,jerbo je gradonačelnik reka da če me za sljedeču napisanu laž tužit,a kad smo mi iz MO zanji put kod njega tamo 25.11. bili onda san na temu od poplavljivanja reka da kako ljudiman nisu navrime vriče sa savuron došle,a da jesu,možda bi tragedija bila puno manja,pa…
Otvori ...Utrka kajaka Sučurac 2019
I kad je najteže ljudi udredu brigu na veselje:
Otvori ...Sučeljavanje predsjednički kandidati
Utorak uvečer je,spremija san kokice,pičence,sve san smistija na dohvat ( e nisan vrčinu) i nestrpljivo čeka kad če počet sučeljavanje jedanaestoro presjednički kandidati,je mi ka nije drago da če ji bit svi jedanajst,bilo bi ka bolje da ji je samo nji par,izgledalo bi to onda nikako žustrije,napetije,žešče,bilo bi karanja…,ali opet sa druge bande dobro je da svi jemadu isti tretman,jer jema oni ča nimadu puno pinez pa se nisu uspili…
Otvori ...Ode još jedna palma
I druga palma isprid zgrade na Gospici je stradala od one zločeste palmine pipe,pa su tako nikidan došli iz Parkov i nasadi otpilali je i odnili ča,a ja san taman trevija kako je Vili sanira prostor di je pala,pa je podiza travu i nasipa ispod zemlju da poravna udubine. E Vili,eto opet posla,a,opet repriza od prošlega puta,cipanje i komadanje ostatka debla ča je osta u zemlji,a nije,smije se i govori…
Otvori ...Asti ča je lipo bit nezavisan,moreš poč di očeš i ne tribaš se mislit smiš li
Pa san tako u subotu moga slobodno poč do Poljuda vidit kako če to bit na Škorinomen predizbornomen skupu,nisan ka ovi jedan ča san ga sinja,slučajno tote,kako mi je reka, prolazija,več san tote namjerno doša,ka jema san i ja izliku da san malomen doša sa preplaton od Sjevera da mi dadu kartu za Istok,ma mi to ne triba,ka ovemu ča mi je reka da je on slučajno tote prolazija,pa ka…
Otvori ...
Komentiraj