Bome,lipa cifra
Zanimljiv je podatak koliko se baci plastike od izgoreni lanpijuni u Hrvaskoj u ove dane okolo Svi Sveti i Mrtvoga dana,došli su do cifre od dvadeset iljad toon,alo,dvadeset iljad toon.
A kako je došlo do toga da se ovde u nas užižedu oti lanpijuni,a lipo,ka i sve ostalo ča je došlo.
Pa ji jema oni veliki,oni mali,pa u sviman koluran,prodavali su se najpri pojedinačno,a pa su se onda sitili i jema par godin pa ji pakiradu po više komadi,povoljno,a nema veze ča ti svi ne tribadu,kad je povoljno,šteta je ne uzest,a i kad ji več vazmeš,šteta ji je svi ne užgat,pa su tako na pojedina mista grobovi zatrpani od pusti lanpijuni…
A ča se užižalo pri nego ča smo ote lanpijune jemali,a užižale su se one obične šterike,a isto tako bilo je i oni mali šterikic u okrugliman lateniman posudican,a u ote dane bi ljudi i doma za mrtve sviču užižali,tako da bi u čašu napola ulili vode i nadolili ulja,a pa bi mekli držač od šuvora koji bi po vrju pluta i na njega bi se mekla dušica-fitilj kojega bi se zapalilo i svako malo kako bi izgorija,minjalo sa novin,a ulje u čaši nadolivalo…
Eto,tako je to bilo onda,kad smo bili nazadni.
A vako je sad:
Danas je Mrtvi dan
Na Mrtvi ili Dušni dan sječamo se svoji dragi pokojnika i izraz je krščanske nade i vjere u zagrobni život. Krščani su ovi blagdan počeli štovat od 1311 godine kad ga je Vatikan i službeno potvrdija.
Otvori ...Zaređena trojica đakona
U ovu nedilju u Đakovačkoj katedrali Svetoga Petra Đakovačko-Osječki nadbiskup Đuro Hranić predvodija je euharistijsko slavlje tokon kojega je zaredija trojicu đakona. Zanimljivo je kako je prvi put da su zaređena dvojica đakona sa Afričkoga kontinenta,a njiovi najbliži koji nisu mogli prisustvovat ovome slavlju su ipak u realnomen vrimenu,pomoču suvremene tehnologije,slikom i tonom mogli pratit svečani čin ređenja.
Otvori ...A kad če ovo doč na red?
Jema več duuuugoo vrimena kako je pukla mriža na onu zapadnu “ponistru” na staremu kanpanelu,a evo za one ča su dosad govorili kako se meni pričinja, slika,na kojoj je uz pomoč juga to lipo vidljivo:
Otvori ...A di je nestalo ono jadno malo drvo?
A jema koji dan da ga je posadilo i sad je nestalo,jema bit da bi to tribalo bit ovo stabalce ča je zamisto livo,sad na desnoj bandi,sinja san sa crvenon točkon. Čudidu se po selu kako jema par daan da ga je posadilo iako se znalo da čedu se ovde izvodit radovi,zbog koji je sad oto stabalce,sa otega mista na kojega je posadilo,maknuto. Odlična koordinacija. Stabalce je bilo ovde: A…
Otvori ...Ko govori da se samo u donja Kaštila uređijedu šetnice?
Evo jema dva dana da su i u nas doli na Sokolanu počeli sa radoviman,betonirat če se postoječa šetnica,a oni ča jin je to bila uobičajena ruta,moradu se, kad sve bude gotovo, pripremit za nešto duže hodanje (cca 1minuta),za petnajestak metri više nego ča je to do sad bilo.E. Inače okolo ovi radov su se još u peti misec na licu mista dogovarali predstavnici Cemexa sa predstavniciman iz Grada.
Otvori ...Zanimljivo opiturana zebra
A pošto se nalazi u Zadru, ima oni koji govoridu kako je i zebra stranački obojena,jer zna se ko je tamo na vlasti 😀
Otvori ...Villa promaja?
Zanimljiva villa,bija je i broj telefona,ali ga neču meknit,nego neka se,ko je zainteresiran, potrudi i gugla. E.
Otvori ...Asvaltiralo je Zrinsko Frankopansku ulicu
Nakon ča je asvaltiralo po šumaman i goraman,napokon je na red došla i ova ulica,koja je,more se slobodno reč, skoro pa usrid sela,a poveznica je između Starčevičeve ulice i Kaštelanske ceste. E sad,naravno da uvik kad se ništo napravi onda jema i zamjerki,pa bi ovi bija vako,oni nako,ali se večina u jednomen slaže,da je u selo čudnije od ove nima,jerbo od niki sto i šezdesetak,sedandesetak-osandesetak metri ča je asvaltiralo,jemamo u…
Otvori ...Jadno malo drvo II
E više nije jadno,”popravilo ga je”,ustvari,zaminilo ga je,staro za novo i evo vanka pada kišica i ako se sutra pojavi sunce,eto čarolije kako ju je Cesarić u pismici opisa… To sad izgleda evo ovako: A bilo je ovako:
Otvori ...
Komentiraj