U petak se u našemu selu dogodila Planinarska noč,ovo je drugi put da Sučurački planinari činidu zabavu,prvi put je to bilo pri pet godin na sedandesetu godinu osnutka i sad na sedandeset i petu godišnjicu i u odnosu na sve fešte ča se činidu u našemu selu,ova planinarska je uvik nikako drugačija,na samomen početku prisutne je zagrijava Di-đej,a iako je svira isti bend ka i na feštu koja je bila…

Jutros okolo deset uri nestalo je struje,a malo iza toga čule su se sirene i vatrogasne aute išle su put istoka našega sela odakle je dolazija dim,govori se kako je uzrok požara žica-kabel od dalekovoda,a sad šta je prava istina pokazat če istraga,uglavnon,to jutros polak sela-zapadni je imalo letriku,dokle druga polovica,istočna nije i dokle su jedni dobili struju koji desetak minuti iza podne,pa tako i ja,zanimljivo je kako me jedan…

Od jučera ji više nima,zamisto nji su nacrtane žute rige,pa sad moredu bit na miru,a oni ča tamo stojidu, koji su dosad jemali problema,pokazalo se odma jučera,kad se jedna crna auta “na pet minuti”upravo na timan cikcak rigan parkirala,da čedu i dalje imat problema,zaludu je bilo i to ča je vlasnik tika na ulazu meka auto za da se vidi kako je tote ulaz. Sigurno čedu oni šta su jin…

Niki su primjetili da se ništo čudno događa odma u proliče,a niki nisu ni do dana današnjega uspili vidit anomalije na stablima ča se nalazidu na našoj rivi,jema stabal šta na sebi nimadu niti lističa,dok ima stabal na kojemu su polak gran bez lišča,dok su one druge krcate,pa onda išpartano,jema lišča,nima lišča,pa onda opet jema lišča,…Šta se događa mislin da niko nezna valjano objašnjenje,iako jema mudrijaši ča sve znadu,pa tako…

Nikidan san pisa oba tome kako se sušidu stabla od smokav,a isto tako i grane od maslin,a sad najnovije kad je vrime od smokav i triba ji bit na stotine po granan,na tri stabla meni ovde isprid kuče nema niti jedne jedine smokve,ma niti one male zakržljale,ama baš ništa,ovo se još nije nikad dogodilo,evo ja jeman šezdesetu,pa san biče mlad i pita san one ča su stariji od mene,prošli su…

Neka je bija zvizdan i bili svi mokri ka da nas je šmrkoviman prolivalo,isprid ulaza u Ajduka skupilo se svita ka na četiri prvenstvene utakmice (naravno,ne računajuči Ajduka),ali nikomen nije bilo teško stat za vidit Rakitića koji je izaša na taracu od klupski prostorij nakon čega je uslidilo opče oduševljenje uz pismu,skandiranje,bengalke,dimne bonbe,vatromet… Pa di ovega jema? A evo ovod.

Jutros okolo deset manje kvarat dogodija se sudar na Magistrali kraj vatrogasac u kojemu su sudjelovale dvi aute. Ovo više nije normalno koliko se na ovo misto dosad dogodilo sudari.

Naravno,ni ove godine Ultra festival ča se događa u Splitu nije moga proč bez pecet oni lažni moralisti koji bi zabranili ovo,oni bi zabranili ono,a jema ji ča bi zabranili i ovo i ono… Ali naravno,iako se to oče prikazat ka ništo loše,pa se ide toliko daleko da se citira i Biblija,tote nima mista nikakvoj sodomi i gomori,ona se svakodnevno događa na nika druga mista i to baš od takvi…