Je li nas zvonjava sa Sučuračke crikve more spasit od krupe?
Svjedoci smo kako je nedavno u Splitu uz ono vitra i krupa učinila svoj dijal štete.
Evo i ova dva dana govorilo se o superčelijskiman oblaciman(pri dvi godine kad ji je jedan iz Srbije,ča se prognozon bavi prvi spomenija,svi su mu se iz struke rugali…),a sad je to ka normalno,eto nevrimena i superčelij,a jutros su išli toliko daleko da su spomenili i exploziju oti superčelijski oblakov i pošto ji je ono nikidan kad se u Splitu dogodilo nevrime,opralo,kako nas nisu na vrime upozorili,ovi put su se toliko potrudili da san na jedno misto moga pročitat i kako če se razvit oti superčelijski oblaci i kako je moguč olujni vitar i kako su moguče bujične poplave i mogučnost grada,tuče,krupe itd.itd.…,naravno,biče to tamo di se dogodi…
I dokle su u unutrašnjosti Hrvaske u ona vrimena olujne oblake razbijale protugradne rakete,koji više nima,rekli su da štetidu,neznan sad kome,a i da nisu toliko svrsishodne ka ča se mislilo…bla,bla,ovde u nas su se palila crkvena zvona,ova naša u Sučurcu su,a mislin da je tako i ostalo,jerbo se zvona ne minjadu baš tako kako kome pada na pamet, jedna od jači i kad bi se spremalo nevrime,znali su ljudi po oblaciman da se sprema krupa koja je bila,a i ostala veliki neprijatelj poljoprivredi od koje su živili,zvona sa naše crikve počela bi u svi šesnaest bubat,a Gomiličani i Kanbelovčani bi rekli,uf dobro je,Sučurani zvonidu ne tribamo se bojat da če nan krupa po poljiman štetu činit,
E sad,zašto se zvona kad je nevrime više ne čujedu neznan,jer to nima nikakve veze sa običajiman koji smo se olako odrekli,a ja bi se vratija na ono gori naslova,Je li nas zvonjava sa Sučuračke crikve more spasit od krupe i spomenija bi natpis kojega su naši stari na zvono utisnili, OD MUNJE GROMA I GRADA OSLOBODI NAS GOSPODINE,a eto,ja virujen da more,ali ko mene pita,moje virovanje sigurno neče prid sljedeče nevrime,naša zvona pokrenit.
Evo slike našega zvona,jema oni ča mi,kad san jin reka,ne virujedu za ova slova ča pišedu na zvonu,a pa evo,kako se ono reče,slika govori iljadu besid:
Inače naša crikva jema tri zvona,dva velika i jedno malo,ovo manje bi se oglasilo zbog diteta:
Večeri dalmatinske pisme u Sučurcu
Klapsko pivanje u pop izvedbi dogodilo se ove nedilje u Sučurcu u sklopu 27. Večeri dalmatinske pisme Kaštila 2025. Inače,nakon dvadeset i šest godin održavanja ove manifestacije u Kanbelovcu,ove godine to se pribacilo u Sučurac,jer na prostoru di se do sad ovi klapski događaj održava, gradi se Pastoralni centar. Prvu večer,subota publiku je zabavljala Jasna Zlokić,ne triba napominjat kako je ona bakljada koju če te vidit na slikan bila…
Otvori ...Evo malo zvjezdanoga ugođaja
Kad se nađete tamo di nima svjetlosnoga onečiščenja šteta je ne potrošit koju uru vrimena u promatranju nočnoga neba sa milijardu zvizd i mlječne staze koju ovde u nas nikako ne moremo vidit. Pošto se baš nisan sa opremon za ovu priliku pripremija,(trinoge,raznorazni stalci,objektivi…)pribjega san partizanskomen načinu snimanja,a to je ono,snađi se kako znaš i umiš sa onin ča ti je pri ruci,pa če te vidit šta je odo toga…
Otvori ...Opet požar oko Jurijeva
Ono nikidan je došlo odozgara,a ovo jučera odozdala,isto ka da se ko namečija na našega Juru,a on se neda i ovi put su vatrogasci učinili sve da ga spasidu,a ovi u odnosu na prošli put,imali su pomoč i iz zraka,a ko zna ča bi se dogodilo da i ovi put avijoni nisu mogli letit,upravo na jednomen od videji morete vidit kako to izgleda kad se nađete ispod Kanadera koji na…
Otvori ...Evo je meklo
Jema nigdi okolo sedan ipo miseci kako je ona plakatjera za osmrtnice tamo kraj bivše stanice od Duje poklekla zubu vrimena,izgnjijala u temeljiman i evo u kratkomen vrimenu,smo dobili novu,doli jema željezne stope,neče više izgnjijat… Vako je sad A ovo je slikano nigdi okolo Božiča
Otvori ...Šta se događa sa tuševiman na plaži Sokolana?
Ono kako je sve do ove godine bija oni jedan tuš,pri tuširanju si mora držat kosu da ti je od pritiska vode ne odnese,a sad kako je zamisto otega jednoga,ove godine meklo dva tuša,jednoga na južnu,drugoga na sjevernu bandu plaže,govoridu oni ča se doli kupadu da voda iz nji gre na kapaljku,dobro,nije baš na kapaljku,jerbo je to rič za jedninu,več moremo reč npr.,ka iz tridesetak kapaljki i zamisto pritiska vode,kapi…
Otvori ...Evo je opet sredilo
U petak ujutro su opet nasuli žalo na ono zemlje ča se počelo pojavljivat na plaži nakon valov ča ji je činija donji vitar.Čak su po selu krenile i oklade,koliko bi vrimenski to sad moglo ovako izdurat,a ja neznan ča su ljudi tako skeptični… Evo,to sad vako izgleda: A bilo je ovako:
Otvori ...Koliko je duralo? Pet-šest daan?
Opet jutros,zove mene ovi jedan da mi je posla slike sa “pokapabane”,ča je o čemu se radi,pitan ga ja,a da mi neče reč, neka vidin slike,otvaran ja oto votsapa,gledan i naravno,opet Sokolana. Doša ja nakon niki dvadesetak minuti doli na Sokolanu,a problem koji su riješili pri koji pet šest daan počeja se činit opet na isto misto di je i bija,pari ka da je nika vrst Bermudskoga trokuta,naspedu žalo i…
Otvori ...
Komentiraj