Da ča su ona vrata sa istočne bande od anbulante mekli?
Jema več nikoliko daan od kako je meklo ova vrata, da se po selu raspravlja,a niko nima ništa lipo za reč i svi su složni,(šta je vrlo čudno) u jednomen,da ka puno mista jema za auto okolo anbulante meknit i zamisto da činidu nova mista,oni su napravili ovo?
Znači vako,ota vrata su mekli zato da oni ča radidu u anbulanti jemadu di aute parkirat,je li to moredu napravit?A sigurno moredu,jerbo bi to triba bit, ka ča je i anbulanta,prostor od županije,ne od Grada.
Eto,znači,doli sa južne bande anbulante zatvoreno parkiralište za one ča radidu na Socijalnomen,sad ovo sa sjeveroistočne strane isto zatvoreno za potribe oni šta radidu u anbulanti,a šta bi sljedeče moglo bit,a i oni ča radidu u apoteci koja je isto županijska,isto tako miritadu jemat misto za aute parkirat,a nikoliko iljad pacijenat ča tribadu doč u anbulantu,neka autu ostavidu na Sokolanu…
Od danas morete itat glomazni otpad u one velike kontejnere
Kontejneri su ka i lani doli na Rivu ispod crikve i kraj nji stoji radnik iz Zelenoga i Modroga da nebi itnili i ono šta se ne more itat. Inače,ovo kontejneri je meklo u sklopu akcije Lipa su lipa moja Kaštila,a itat morete sve do subote i subotu i to od osan uri ujutro,pa do podne.
Otvori ...Svaki nikoliko godin se ponavlja ista priča
Di nas strašidu sa nasloviman kako Prometovi autobusi nečedu stajat u Kaštila,ovi put su uz Kaštila i Omiš,Trogir,Solin…,a baš san danas upa u priču i govorin ja oviman s kojiman san priča kako je i prije bilo slični situacij kad nan se pritilo da autobusi u Kaštila nečedu vozit,da kad je to bilo,ja sanjajen,ništo san pobrka,oni se sičadu pri nikoliko godin da je to bilo sa Dugin Raton di nije…
Otvori ...Prelet Rafaleia priko Kaštili danas u deset uri i osamnajst minuti
Rafalei su letili priko cile Hrvatske i na oti način obilježili 29 godišnjicu operacije Bljesak u kojoj je oslobođena zapadna Slavonija…
Otvori ...Sritan Van 1.Maja
Inače,za one pametnjakoviče koji se pravidu da sve znadu,prije nego šta počmedu itat otrovne strelice zbog ove gori pisme “Padaj silo i nepravdo”,neka se najpri informiradu,uzmedu staru dobru enciklopediju(ne guglat),pa če znat čija je i kad je ovo pisme nastalo…
Otvori ...I Sučurac ima navijački šal
Dvadeset i trečega ovega miseca iliti ga na Dan od našega sela Sučuračka Udruga navijača Hajduka pustila je u opticaj novi navijački šal.
Otvori ...Da ča je ovo bandere šta strši u Planomen navr Trogira?
A to bi tribalo bit postolje za vjetrenjaču šta čini struju? (to je ovi bili stup,a ono sa desne bande od njega šta je crvenkaste boje je dizalica pomoču koje ji montiradu),a jedna lasta ne čini proliče,ko zna koliko če ji sve skupa bit. A polemike samo tako,ma vidi kako strši,ovo je ka šaka u oko,pa baš je meklo na vrj,nije moglo oto stupa turnit malo izad,a oče li se…
Otvori ...Nesriča na pružnomen prilazu u Sučurcu
Danas okolo podne ipo na prilazu priko štrike di su rampe,žena je smrtno stradala pod naletom teretnoga vlaka. Pazimo dok prilazimo štriku,bilo u auti ili nanoge,jer vlak je uvik brži!
Otvori ...
Komentiraj