U Splitu na Zapadnoj obali olinpijciman su otkrivene ploče
Nikidan je na Zapadnoj obali bilo prilično svečano,četvorici dobitnika olinpijski medalj iz Splita su otkrivene ploče na šetnici od olinpijac,pa je tako jedan od govornikov reka da u Splitu znaš da si u sportu uspija onda, kad po tebi gazidu i pljujedu,naravno,mislija je na ove ploče po kojiman se gre.Tako su na stariman pločaman uz dobivenu medalju na olinpijskiman igraman u Londonu (zlatna) nadopisana i medalja iz Rija (srebrena), vatrepolisti Josipu Paviću, a atletičarki Blanki Vlačić,uz medalju iz Pekinga (srebrna) su falili napisat,pa su umisto brončane osvojene u Riju, napisali srebrenu i ništo ispravljali tako da je to sad nikako nečitljivo.
A nove ploče su dobili vatrepolista Anđelo Šetka (srebrna) i Tonči Stipanović (srebrna), kojemu su krivo napisali ime,pa su zamisto tvrdoga,mekli meko Č,e pa sad če meni koko kako triba znat kad se i di se triba meknit tvrdo,a di meko Č,ma kako se more dogodit da jema Tončiči i sa tvrdin i sa mekin Č,evo npr. nikidan u nas na rivu bilo je nas četiri Tončiča, od čega dvojica sa tvrdin,a dvojica sa mekin Č,pa če meni sad koko o palatalizacijan,jotacijan ili ča ja znan kojiman sve naziviman opravdavat di se u našemu pravopisu triba meknit tvrdo,a di meko Č? E.
Najedan put se naoblači i odma se uvati padat, lanpat,grmit
I to kako pada,ka da maštiliman prolijedu,a ovo pri dva dana je bilo i krupe i lanpanja i grmljavine tako da je zapalilo gori navr Kozjaka i na Marjanu i to je par puti lipo buglo,govoridu da je opet u kanpanel,a ovemu jednomen su stradala dva telefona i ko zna koliko je još komen šta od elektronike stradalo,a drugi put kad počme grmit istikajte oto osjetljivi uređaji,i to ne na…
Otvori ...Jurlin je več počeja sa pripremaman za sljedeče lokalne izbore?
Priča selo da se Željan Jurlin več počeja pripremat za lokalne izbore ča če se u Kaštiliman dogodit dogodine u peti misec i da jema več tri dana da po selu šetadu niki sa kameran i mikrofoniman i klapalicon,znate ono klap,peti put,šesti… put,pa vatadu prave momente,po noči,po danu,u svitanje,pa u zalazak… A zva san Željana na mobitel i cilo vrime mi govori da san zva nepostoječi broj,tako da nisan uspija…
Otvori ...Kako je to bilo u sridu popodne,pridvečer i uvečer u Splitu?
Điron po gradu je sve bilo uobičajeno,turisti na svakomen kantunu,ulični svirači nas zabavljadu,ljudi šetadu,rivon šeta i”Sveti Duje” i dici dili bonbone,voda iz “šipka”, za divno čudo teče u centar od pirije,ribice u moru su navalile, svaka na svoj dijal…i osin provi mužike sa pozornice na rivi ništa drugo nije nagovještavalo ča bi se tote moglo dogodit,a onda su tamo pridvečer, malo po malo počeli pristizat ljudi,sa zastavama,stranačkin obilježjiman,tamo u okolniman…
Otvori ...Tags:predizborni skup hdz-a , prosvjed torcide , splitska riva , torcida split
Kako je to bilo u nediju na osmiman susretiman Tomosi na Sučuraškoj rivi
A najpri su se na rivu skupili,pa su onda kroza selo učinili điradu,nakon čega su se takmičili ko če brže proč između čunjev u čemu je pobijedija Marko Kukić iz Zagreba sa bilin automatikon i ka nagradu dobija šanpanjac i dvi litre benzine (mišavine od 3%),pa su onda uz čunjeve vozili ko če sporije u čemu je pobijedija Jurić Jurica iz Stobreča, na automatiku A3 i ka nagradu isto tako…
Otvori ...A jesi bija ove dane isprid škole?
Pita mene u subotu ovi jedan u selo,a jesan pa? Jeli pa? Sve mečeš,a ono nesmiš. A ča je sad,a ča to nisan,a po tebi san triba,ali nisan zato jer nesmin meknit? A tebi je to biče ništa.A kako ti unaprid znaš ča meni je,a ča mi nije, oto ča si ti reka da je? A eto kad nisi meka. Ajde ti lipo kvragu,a očeš mi više reč o čemu…
Otvori ...Mladenci
Svako malo mladenci ili njiovi kumovi sitidu se nike novitade ča bi na oti dan od vinčanja napravili,a da to nije uobičajeno,pa smo tako nikidan u novine mogli vidit sliku dvoje mladenac kako su posli vinčanja svratili u fast fud čako izist,a i ova slika da se vozidu u otvorenomen autobusu isto tako nije baš uobičajena.A kako je veseli autobus prolazija ulican, tako su se svi za njin okričali i…
Otvori ...
Komentiraj