Ej, slikač, ej
Ko jeli ja? pitan ovoga izad sebe kad san se okrenija.Da jeli on?e ti,ti mi tribaš.A ča je sad? da ča je sad?a kako dosad nisi meka ča su nama penzioneriman učinili?a ča su Van i ko Van je oto učinija? zezaš ti mene A?a ne zezan, ča je sad na toku? A oli ne vidiš stabla? A vidin,ustvari nevidin,vidin samo debla.A ča tamo dalje vidiš?a tamo dalje vidin stabla sa bujnon zelenon krošnjon ča činidu lipi debeli lad. A vidin ja da si ti to odma skužija,ali me ka malo zajebaješ,A? Ma niiije,to san evo sad vidija,dosad uopče nisan iša za otin (vražju mater nisan).
Ma jesi li ti vidija ča su nan napravili,A, pari ka za dišpet? Ovod di smo lipo dosad mogli u ladu sidit potaracali su sve grane i sad “čekaj tovare dok trava nareste”, ostavilo nas je na zvizdanu,moramo suncobrane sa sebon nosit,a tamo di su kafiči nisu niti grančicu okonili,a moj ti i ti da ne govorin sad koji,a neka ova godina vako, govorin ja njemu,ča je tot je,a oli čedu sad prilipit ono ča su ostrigli? ma znan i ja da nečedu,ma neka za ubuduče više ovako ne činidu,neka ne taracadu grane sve do debla,neka ji napola strižedu,neka mislidu malo i na nas starije,nimamo mi velike penzije,večini je ovo ovde ča dođedu i kafič i kazalište i trgovački centar i fejsbuk…,a vidi,nigdi nikoga i to u uru i ovi zeman od lipega proličnoga vrimena,dok lani kad je bilo sve zeleno bilo je krcato svita.
A na ovoj slici morete vidit srečkoviča koji je uvatija komad lada za kojin se svi gracadu:
Otvorena je cesta od štrike do vatrogasac?
Nakon šta je specijalni stroj probušija rupu ispod štrike i postavija cijev za kanalizaciju i nakon šta se to sve pospajalo evo je napokon i otvorena glavna komunkacija juga i sjevera našega sela,a dokle če to durat i oče li otu cestu opet zatvarat to če bit iznenađenje.
Otvori ...Evo je,meklo je
Evo je stavilo novu djevojčicu na ona dva “silosa”,a za razliku od one prije ča je bila od late i pod naletiman bure se iskrivila ova sad je od onega broskoga lamarina tako da ako se čako nepredviđeno ne dogodi duugo duuugo godin bi ona tote mogla učinit.
Otvori ...Krizma u Sučurcu
U nedilju je u našoj župi sedandeset srednjoškolaca-srednjoškolki primilo Sveti sakramenat Krizme.
Otvori ...Pomalo,nije priša?
Napalo me danas u selo da ča san ferma pisat o onemu problemu na Gojaču di se vozi autan i motoriman ka da su na reliju,dogodiče se tragedija i to velika tragedija, triba ovde hitno stavit zid.A ča bi ja triba,koliko puti san o tomen pisa,a i da san prijedlog o ranpi kojega san “prepisa” kako su to učinili na Žnjanu,a to ča koko ne svača problem,pa šta ču ja,evo…
Otvori ...Maklo je oni tuljak ča je doli kraj banane bija na cesti
Ovako je to bilo u raspravi ča je bila tamo u prvi misec: 21/01/2015 at 23:59 (Edit) A Željane di če maknit dalje od ceste kad je bilo tik uz rub o rive,a oni tuljak namo ča stoji za lipit plakate je, nije deboto na cesti,nego po crtaman ča ji je niko odavna crta za obiližit kraj ceste vidi se da je stavljen u samu cestu. I on ne smeta?evo…
Otvori ...Danas na Svetome Juri
Iako je učinija lipi dan na Svetomen Juri danas i nije bilo baš ništo puno svita,ali oni najvjerniji su uvik tot. Inače,zanimljivost je da se danas na Juri iz kadilice čutija vonj od tamjana koji je ogratan sa bori na Braskomen docu,samo ča mi je reka čovik koji ga je donija da ga ne spominjen ko je, jerbo da če trčat za menon po selu. I još ništo,ono ča vidite…
Otvori ...A ča su na nas zaboravili?
Jema tri miseca da su se uvatili ovo radit i još uvik je sve raskopano tako da doma priko dasak moramo dolazit. Viče jedan sa ponistre kad san jutros u Sučuračkomen Getu slikava ulicu u koju je kako govoridu oni ča tote stojidu zanji radnik povirija par dan prije Uskrsa i odonda nigdi nikoga,a mi iskričemo noge i upadamo u rovove ča su nan ji u dotu ostavili. A je…
Otvori ...Evo je danas meklo nova postolja
Znate onu skulpturu one male ča je bila na vrju od takozvani silosi šta su tamo bili blizu banane na Gojači ča je bila iskrivila bura pa je pukla,a kasnije je maklo i postolja koja su danas opet vračena i stavljena jednu desetak metri istočnije odo tamo di su bili,a još se samo čeka postavljanje skulpture koja je napravljena od malo jačega lima nego šta je bila tako da je…
Otvori ...
Komentiraj