Posli ove zanje nesriče u selu su počele kružit razne priče,pa san sinoč iša tamo na licu mista za vidit ima li ča odo toga istinitoga i doša san do zaključka (moga laičkoga) da se bez ikakve osnove svašta govori. ALI, ima ništo šta san sinoč nakon dugoga obilaska tote vidija,a šta niko nije nigdi spomenija. Radi se o sljedečemu,kad se gre iz pravca Kaštili prema ovemu raskršču, počevši iz…

Večeras se okolo osan i kvarat na semaforima kraj Osnovne škole dogodila teška prometna nesriča u kojoj su sudjelovali auta i motor čiji je vozač tragično strada. Policija moli one koji su vidili prometnu nesriču da se javidu u postaju Prometne policije na adresi Bračka 24. u Splitu ili na broj telefona 021/504-036,504-010 ili na 192.

Odavna su časne sestre tamo na Lučici,ove starije okolo mene ča san pita od kad su tamo,svi govoridu da ji se sičadu još kad su dica bili,a niki od nji su tamo i u vrtič odili (državni,dok nije priša u đardin),a krcato žen iz sela i okolice ča znadu šit su za šanturicu baš tamo zanat izučile,bila je tu i mala crkvica u koju je moglo stat možda tridesetak svita…

E Mislave. E. A ča to radiš? A kopan. A lipi kanal si učinija.A ča ču napisat, ča kopaš? A napiši da ču ovo na Podvorje kunplire posadit.E. An tako. Evo ja napisa.

Nije prošlo ni petnajestak dan od one zanje kiše ča je sve inkartala,jerbo je padala zajedno sa onon savuron iz pustinje,a jučera se opet to sve na opču radost lipo ponovilo,s tin da smo ovi put uz kišu dobili i savurastu maglu,pa su nan Kaštila izgledala evo ovako:

Ma baš je ova slika lipo sela. Nikidan je na rivu bila karba je li se more tamo doli na rivu ispod crikve di je znak da je tote parkiralište oni ča oskrbljijedu dučane parkirat npr.popodne,jerbo se sve opskrbe večinon odvijadu ujutro ili ča je sa nediljon, prazniciman ili po noči,je li se more onda tote parkirat jerbo nima tabele od koje do koje ure je tote rezervirano za tu…

Večeras se molitvon,paljenjen lumini i bakljadon točno u 19 i 50 uri “sjever” na Poljudu,koji je doslovce gorija, oprostija od Žana Ojdanića-bivšega dugogodišnjega presjednika Torcide koji je danas tragično nastrada. Za one koji ne znaju ko je na Torcidinome transparentu,na slici pokriven šudaron priko ust? To je Žan Ojdanić,a slika je iz mlađi dan.