Udrija auton u semafor
Ima koji dan da je jedan sa auton udrija u semafor tamo kraj škole, navr Novega puta,točnije,koji stoji namo di je prije bila funtana. E sad, zbog čega se i kako to sve skupa dogodilo nebi ulazija u priču,ali eto sriča u nesriči je da tote niko nije čeka za prič priko ceste jerbo se nebi bija lipo proša.
E sad ču se vratit nazad na priču o kojoj je bilo pri par godin riči na jednoj od sjedniic Viječa roditelji naše škole kad se stanica pribacila gori na cestu i govorilo o tomen na koji način dicu zaštitit,jer je več prije bilo uleta, aut na korniže, baš nonde di je stanica,sriča bez posljedic i kad san bija pridložija da bi bilo dobro tote stavit željeznu ogradu,ka i na druga mista di bi to struka pokazala da triba,da bi mi onda niko tote objasnija da se uza cestu takve ograde ne smidu stavljat,a ka ča vidite na slikan ipak moredu (snimljeno u Lukšiču) pa bi bilo dobro da se o tomen razmisli.
Evo ovako izgleda to di je pješački prilaz na cesti ispod škole u Lukšiču.
A isto tako san onda bija govorija da bi valjalo razmislit i o “ležečiman” pa mi je bilo objašnjeno da to nikako ne more,a npr.na zadarskomen području kad san ovo lito bija ote ležeče morete nač na tkz.bivšoj Magistrali npr. od Biograda pa do Zadra,di je ko škola promet se do maksimuma usporaje,pa bi bilo dobro vidit ča se u nas po tomen pitanju da napravit. Kad se dogodi onda je kasno.
PS.Ovo ča san napisa,nije stav Viječa od roditelji,več moje razmišljanje!
Zašto san ovo napisa? A zato jerbo kad san ono nikidan bija napisa o tomen kako smo se o prometnoj sigurnosti pismeno obratili prema gradu i kako nan nije odgovorilo itd.itd…. onda me na prošlomen Viječu zbog toga išlo “oprat”,jerbo, da ča ja jeman odo tomen pisat,da nisan ja glasnogovornik od Viječa. A ča je reč? Ka da smo mi koja tajna organizacija i niko nesmi znat ča radimo,a izabrani smo od roditelji da ji skupa sa dicon zastupamo.I nisan pisa u ime Viječa.Nego u svoje ime.Ka i sad.I opet ču.
Spliski adventski vijenac
U Splitu okolo one funtane na dnu od Prokurativi,oliti ga odisprid Belvija napravljen je adventski vijenac oko kojega je cilo vrime velika gužva tako da san jedva učinija par slik kad se je učinija prazni hod, za da se more cili vidit, jerbo je posta glavna atrakcija za činit slike i selfije,tako da turisti,a i oni domači, mali,a i oni veliki, grlidu šterike i namištadu se tako da bi na…
Otvori ...Novi Torcidin mural na Gojači
Pri nikoliko dan doli na Gojaču sučuraška Torcida je nacrtala novi mural:
Otvori ...“Danas se spašavala zgrada od Opčine”
Danas u deset ipo ujutro u zgradi Opčine (Graske uprave) oglasija se alarm za uzbunu i svi ča tote radidu morali su kroza južna vrata (ona podrumska) izač vanka. Naravno, pomalo i bez panike,a onda su po dojavi doletili naši Sučuraški vatrogasci koji su “napali” zgradu sa sjevera,juga i iz unutra. Sve skupa je duralo okolo po ure,a usput kad su vatrogasci več bili tote onda su oprali i onu…
Otvori ...Evo se opet kopa
Evo se jutros na Novomen putu počelo kopat za kanalizaciju tako da je gori postavljen znak da se sa auton nizdol ne more,dokle se zasad odozdala prema uzgor more, jerbo se trenutno,gledajuči odozgara prema doli, kopa na desnu bandu, a kako pari kad se bude spuštat sa kanalon prema doli onda čedu prič na livu bandu,tako da oni ča tribadu auton poč do sela najbolje je da to učinedu kraj…
Otvori ...Dobar dan,bili te nan rekli kako…?
Naravno,ove dvi na biciklan to su pitale na stranjskomen jeziku,ali to nije nikakvi problem,bilo da je to japanski,kineski,korejanski,malteški,eskimski…, sviman če ko svrati u naše misto bit objašnjeno ča kud i kako tribadu,a ne mali broj puti maše se i rukan i nogan,pa su tako i ove dvi na biciklan dobile upute kako doč do onoga ča iščedu. “Evo vako,najpri se sad uputite rivon put crikve,pa na bogenu kraj Bobisa ajte…
Otvori ...A jeli javna rasvjeta triba do ove ure ujutro gorit ?
Javna rasvjeta se ujutro gasi okolo sedan manje deset,tako je bilo jutros,a zanimljivo je da se u otu uru puno lipo vidi i da bar po onome ča san vidija u tu uru rasvjeta nebi tribala gorit. Dovoljno je samo izbrojit koliko ima žarulj i pomnožit sa watiman koliko koja troši i to sve zbrojit sa minutiman koliko bez potribe goridu, pa sad to bilo i deset minuti,šta je u…
Otvori ...Popravljeno
Da kako nisan meka da su pri nikoliko dan makli ona gvožđa ča su virila iz betona na kornižu odisprid Bonbardeli. A ča ču napisat? Da je niko napokon nikome naredija da oto sredi pa da ljudi više ne zapinjedu? Prije: Sad:
Otvori ...
Komentiraj