Je li znate da i MI moremo sudjelovat u kreiranju gradskoga proračuna?
Gradovi i opčine sve to očedu držat nikako zakukuljeno,ča po onoj novoj popularnoj besidi oče reč nisu baš transparentni za animiranje građani po ovomen pitanju.
Buđet, oli ti ga proračun nikoga grada oli opčine je dobrin dilon unaprid definiran,a oni dijal ča nije postoji mogučnost da ga mi građani sa svojiman prijedloziman o prioritetiman koji su nan u selo bitni za šta kvalitetnije življenje definiramo.
To se zove praksa participativnoga odlučivanja.
A kako se mi to moremo uključit u davanje prijedlozi ča bi tili da nan se u selo napravi?
A Mjesni odbor bi triba održat javnu raspravu u kojoj bi MI,stanovnici našega sela pridlagali i di bi se glasalo o timan prijedloziman nakon čega bi se vidilo koji su nan prioriteti koji bi se proslijedili prema Gradu koji bi to uzeja u razmatranje i dijal odo toga meka u proračunsku stavku.
I ča sad kad ovo sve znamo? A ništa,ako MO neče sprovest javnu raspravu koju če prije toga dobro reklamirat da svi zainteresirani moredu doč i reč ča mislidu.Ili,možda postoji i koja druga mogučnost predlaganja pa je zato najbolje,ko misli sudjelovat neka gre doli u zgradu o graske uprave pitat.
Vidin da jema oni ča se reklamiradu i več su počeli sa održavanjiman oti javni rasprav,jer ovo je sad zeman kad bi to tribalo bit.
A ča je cilj ovakvomen načinu sudjelovanja građana u donošenju buđeta-proračuna grada oli opčine,a to da direktno odlučijemo o tomen kako i di če se trošit naš novac i ujedno se ide s tin da če ovakvi način bitno utjecat na suzbijanje korupcije i da če na ovi način rest povjerenje između lokalne politike i građana.
A ča bi ja pridložija na otoj javnoj raspravi? A da se napokon više krene sa obečavanon realizacijon šetnice s kojon bi se Sučurac spojija sa ostatkon Kaštili.
Policajci na biciklan
Pita ovi jedan jutros u selo ovega drugoga da jeli vidija ovo lito u Split policajce na biciklan? A je, još mi reci da su u kratke gače sa japankan na nogan. A nimadu japanke,ali u kratke gače jesu. A ča si mene naša mantat?Ma nisan govori prvi,lipo ti govorin da su policajci na bicikle,a ti mi ne viruješ,a ča ču ti virovat? od pusti puti ča san ovo lito…
Otvori ...U nas je omendula okolo 140,a u Švedskoj okolo 74 kune?
Razvila se priča okolo cijene omendul koja je kako di, nigdi 140,130… kuun i nikome nije jasno kako je cijena tako skočila i drži se,a onda je čovik šta radi u Šveskoj vazeja mobitel u ruke i ništo čeprka po njemu i govori,evo na koliko je u nas omendula i pokažije na mobitel di se vidi da je kil 79,90 Krune šta je po našu nigdi okolo 74 Kune i…
Otvori ...Sedmi susret Tomos motori na rivi u Sučurcu
Danas se na sedme susrete Tomosovi motori u Sučurcu na rivu skupilo tridesetak šta kooz,zikov,automatikov,remenkov… di su se natjecali ko če brže,pa ko če sporije doč,pa su se malo vozikali,puno družili,podilile su se nagrade,izili kroasani,picete,krafne,sladoledi,pa je svako dobija zahvalnicu i na kraju svega najavili da se vidimo opet i dogodine.
Otvori ...Samo je jedna istina
Pri niki dan san u selo vidija Željana Jurlina,viječnika u Sučuračkomen Mjesnomen odboru i o čemu čemo nego o spomeniku paliman braniteljiman iz našega mista oko kojega se digla velika prašina i još uvik se po selu naklapa zašto na njemu nema imena poginuloga Lorana Šulentića iako se nalazi na centralnomen križu na Malačkoj na kojemu se nalazidu imena svi poginuli i kojemu je u Gradskoj viječnici postavljena slika uz…
Otvori ...Dani Dioklecijana u Splitu
Sinoč su defileon Dijoklecijana i njegove svite na spliskin ulican počeli Dani Dijoklecijana koji če trajat sve do ponediljka. Zaletite se ove dane do grada i pogledajte kako je to bilo u Splitu pri iljadu i sedansto godin.
Otvori ...Ovako je to danas bilo u Splitu pri utaknice
Najpri se Torcida počela skupljat na Peristilu di su naštimavali glasove i vatali tonalitete,malo otvarali one konzerve ča dimidu i palili bengalke,pa su se onda kroza podrume od Dijoklecijanove palače uputili prema rivi di su se stivali u kolonu koja je kako su prolazili rivon sve više resla tako da kad su došli do “Mramontove” to je več bilo čudo svita,a foto čelije u “Mramontovoj” su mislile da pada noč…
Otvori ...Tags:bengalke , dimne bombe , hajduk , marmontova ulica , peristil , splitska riva , torcida split
Mašošef sinoč u Sučurcu
Sinoč je u naše selo održan četvrti po redu Mašošef na kojemu su spizu kuvali veliki stručnjaci iz našega sela i bliže okolice,a kako je več nakon ure vrimena sve nestalo jema bit da je to bilo dobro,jerbo su se i teče lizale,a čije je bilo najukusnije odlučija je žiri sastavljen od oni ča su kuvali uz pomoč vanjski suradnikov koji su donili odluku, da četvrto misto i set noži…
Otvori ...
Komentiraj