Sučuraške glende i batude 2014

Datum:August 27, 2014 11:45 pm
Komentari
Komentiraj

A ča jema da je lani bila prva,a evo sinoč nakon godinu dan na isto misto u Gospojsku Štradu opet se dogodila večer Sučuraški glendi i batudi koju je pomno pripremila Renata Dobrič ravnateljica Kaštelanske knjižnice koja je i organizator ovoga događanja. U odnosu na lani ovogodišnja večer o batudi bila je puno spontanija od one prošle,jerbo je bilo inprovizacij koje su ovoj večeri dali “ono ništo” ča puno puti u vakvin prilikan fali,a sad napokon znan sam sebi objasnit ča je to “ono ništo”.

Uz domačina glendi Ivicu Žegarca-Žutoga koji nas je vratija puno godin unazad kad se u naše selo na svakomen kantunu italo sa bazan i razmišljalo o dosjetkan kako češ koga zajebat i di bi se puno puti i to u oniman najtežiman momentiman bacale baze i na svoj račun.

U povijest nas je vratija i Anton Arbunič sa pričon Nedija krpaš i razbivene postole koju je napisala Renata Dobrič,a koja nas je vratila u vrimena kad se zamisto baluni koji onda nije bilo kendalo nike tvorevine od krrp i bičav.

Pa smo čuli i priču pod nazivon Kad ništo gori koju je napisa Dragan Delič,a pročitala Milojka Vicetin,a koja govori o vatrogasciman koji bi nakon sirene trčali u vatrogasni dom koji je onda bija u Đardinu, u kojoj je do detalji opisano kako je to onda izgledalo.

Pa je onda za stol seja prof. Ivo Dumanič koji je ispriča par Spliski baz,a nije osta dužan ni Kaštelaniman,a ni Žuti nije osta dužan njemu,pa je kasnije doša i Joško Vukšič i onda je bija duel između njega i Žutoga i u nikoj od batudi spomenili su i Imočane,a na to nije moga primučat imočanin Mladen Vukovič urednik emisije na radijo Splitu Kad se smijah tad i bijah koji se uvatija mikrofona i sipa baze ča se ono reče ka iz rukava i kad je završija i iša ča i parilo da je gotovo onda je opet doša Žuti, e ovo je moje selo i moja če bit zanja, reka ča je jema i sa otin je to sve lipo završilo.

An,pače da ne zaboravin, početak ove večeri su najpri pismon Lipe li su mlade Kaštelanke začinile učenice trečega CE razreda iz naše škole,a u par navrati dok bi se pripovjedači odmarali pismon su nas zabavljali Lea i Lucija koje je na gitari pratija Marino.I još,ovu godinu se dilila nagrada-žuta majica za Najboljega Sučuraškoga centrafora 2013 godine,ča oče reč da je pripala onemu koji je u onu prošlu godinu u selo bija najjači u bazan,a dobija ju je Antunič koji se iako pozvan nije pojavija na dodjeli,ali je poručija da če majicu vazest. Eto na, to je to i adijo do dogodine na isto misto.

Slike 16831_edited-1

Slike 16839

Slike 16797_edited-1

Slike 16799_edited-1

Slike 16801

Slike 16805_edited-1

Slike 16806_edited-1

Slike 16807_edited-1

Slike 16809

Slike 16810_edited-1

Slike 16811_edited-1

Slike 16813

Slike 16816_edited-1

Slike 16819

Slike 16821_edited-1

Slike 16823

Slike 16824_edited-1

Slike 16830_edited-1

Slike 16834

Slike 16836_edited-1

Slike 16838

Prva misa don Ivana Deliča-novoga Sučuraškoga popa – dodan videjo

Datum:August 26, 2014
Slike 16767_edited-1

Jučera je u sedan uri popodne don Ivan Delič naš novi pop održa svoju prvu misu u našemu selu. Je li iz znatiželje ili…,crkva je bila ispunjena do zanjega mista,a red za svetu pričest bija je ka šta je na nediljnin misan,tako da ispada da se puno nji oti prvi dan tilo sa popon onako, izbliza upoznat.Ja san iz daleka obamira i moran priznat da mi je na prvu, nako…

Otvori ...

Don Emanuelova oproštajna-zanja misa u našoj župi

Datum:August 24, 2014
Don Emanuelova  oproštajna-zanja misa u našoj župi

Nije lako o bilo čemu pisat i bit objektivan,samin tin šta je čovik jedno čudno stvorenje koje je osvetoljubivo pa ma kako se svako od nas trudija sebe prikazat da to nije tako. Od mali noog čuja san razne priče o popiman ča su dolazili i odlazili iz našega mista i uvik je bilo oni ča bi ga,a da se nije još ono ča se reče deboto ni steplija tili…

Otvori ...

Opasnost na Sokolani

Datum:August 23, 2014
Slike 16701_edited-1

Kad se ulazite kupat na onu doli plažu na Sokolani ča su je ovo lito bagerirali i ušestili onda pazite jerbo iz dna viridu ruzinave žice koje je Frane danas prova izvadit,ali se ne more jer je ko zna koliko duboko pa je na nji meka stine,ali stina ka stina u moru ne stoji dugo na jedno misto pa zato da ne bude vraga i po dobro pripazite. I još…

Otvori ...

Pijavica u Sučurcu

Datum:August 23, 2014
Slike 16712_edited-3

Danas popodne kad je okrenilo nevrime Sučurac je posjetila pijavica i to po onome šta se more vidit da je iza sebe ostavila prošla je koridoron stare jugovinilove štrike +-dvadesetak metri sjever-jug,a zaustavila nigdi do Đardina. Jedan naš miščanin šta mu je načelo krov govori kako se najedan put počeja čut niki huk i velika buka i sriča da je trajalo vrlo kratko.Bilo je okinuti gran na rivi i Gospici…

Otvori ...

Zašto u Zagrebu more, a u Sučurcu ne more?

Datum:August 21, 2014
Slike 16669_edited-7

Jučera kad san iša malo na Gornji grad (u Zagrebu) vidit zgrade u kojiman se krojidu zakoni za naše bolje sutra najedan put me prenila nika explozija. Ča je sad? a da nije koko…? nije,to je bilo podne i ono mižerje o Gričkoga topa je opizdija jedan lipi plotun tako da je ono stranac okolo gledalo ča se to sad događa,e,a i odmar san se sitija,ma čekaj malo, jemamo i…

Otvori ...

Zašto u Orebiču more,a u Sučurcu ne more?

Datum:August 19, 2014
Slike 13528_edited-1

Sučurac jema još od davni godin jednu funtanu kraj stare škole,pa jednu na Novomen putu, i još jednu u Varošu,a da ne zaboravin onu jednu u Getu,a i tamo nasuprot stare Sokolove kuče i zanimljivo je to da di se ko maka u mista koja su u prošlosti jemala take funtane moreš odvrnit špinu i napit se vode.A zašto se to u Sučurcu ne more? Niko je bija objašnjava da…

Otvori ...

Da eno opet dimi

Datum:August 19, 2014
Da eno opet dimi

A je puno je dima,a kako je to sinoč izgledalo i okle sve dimilo pogledajte sami Kvalitetu slike ne gledajte jerbo je jedva i ovako ispalo Sinoč okolo ponoča manje deset:

Otvori ...