Oldtajmeri u Sučurcu
Jučera je na našoj rivi povodon Dana pobjede,Domovinske zahvalnosti i Dana Hrvatskih branitelja oldtajmer Moto klub Adria
učinija 16. Dalmatinski susret oldtajmer motori di se moglo vidit lipi primjerak,a ovi jedan Puh iz 1912 godine je bija kruna događanja. To je motor koji je pun detalji koji čovika ostavljadu bez riči,neču puno nabrajat pogledajte ga sami na slike,ali moran reč da me zadivilo prednje svitlo o motora koje svitli na garburu… I onda je niko od prisutni primjetija da mu kapne di koja kap benzine doli na pod.Baš čudno,a jema samo sto dvi godine.
Ovako je to sinoč bilo u našemu selu

Neču duljit,neka slike govoridu same za se,ali ovo moran ispričat: E,a ovo kako Miljenko i Dobrila ovu sedmicu šetadu kroza Kaštila tako su sinoč svratili i na ovu glazbenoplesnu zabavu i naravno zamisto u japanke i čako kratki rukavi i gač na sebi bili su obučeni u monture iz onoga doba za da bi Jajac doša ovoj,a čuješ,ka nije tebi u tomen zima,a, mogla si bila čako laganijega obuč,a ne…
Otvori ...Sramota,sramota,sramota

Ovo gori još puta deset ponovili su oni ča su jutros okolo deset i pet sidili na onima klupan isprid pekare na rivi. Ma ka da te sam bog posla,a ča je sad? a oli ne vidiš da kamijon od smeča ne more doč do kontejneri? a je, vidin, i od četiri kontejnera ča su tot, uspili su samo dva ispraznit,a ona druga dva su ostala puna jerbo da su…
Otvori ...Večeras okolo jedanajst i kvarat

Učinija san večeras okolo deset ipo đir priko naše rive do Sokolane i vidin svi ništo upiredu prston i brontulajedu,a pošto san več odavna uz redovnu završija i onu “Sučurašku školu” onda ka je da van vrag ne da mira za odma se okrenit ča se to događa,ali ne date gušta onome drugomen da vas privari i onda prođete koji deset-dvadeset korakov dalje pa se ono ka okrenete da niko…
Otvori ...Nočne izložbe pasa

Sinoč su u Splitu na staromen placu otvorene četvrte po redu nočne izložbe pasa,međunarodno natjecanje na kojemu su prisutni pasi iz 31 Evropske zemlje,Amerike i sa Filipini tako da če u ova četiri dana do nedilje proč okolo 4 iljade i trista pasa,a za one koji mislidu poč vidit otvoreno je od sedan ipo uvečer pa do dva ujutro. Pojte vidit jerbo je zanimljivo,a i oni ča mislidu nabavljat pasa…
Otvori ...Na Sokolani je zabranjeno ležat na travi?

Odveja ja malu u subotu na Sokolanu i dokle se ona bučkala u moru ja san naša jedno lipo misto odispod tamarina meka šugaman i seja u lad kad mi dolazi ovi jedan,a ča je a? lajedu tebi a? a ča je sad? a ništa, je li ti lipo tot na travu ležat? a gledan ga ja jerbo čutin da ništo iza ovega slidi,a je,je baš je lipo,a ča ti…
Otvori ...Monodrama Joška Ševe u Gospojskoj štradi

Sinoč je u Gospojskoj štradi Joško održa monodramu Govorite li Hrvatski u kojoj je djela o Šenoe,Ujeviča,Šimiča,Maruliča… i ostali naši književnika mistikon i gestikulacijon prisutniman ono ča se reče pokuša i uspija prinit “ča je pisac tija reč”,iako je u publici bilo i oni koji ne bi svatili da je uza ti cili trud bija još koko ča je oto sve izgovoreno i nacrta.Bilo kako bilo Joško je sinoč pobra…
Otvori ...Riva je opet očiščena od aut

Prije koji dan san odija doli fičon priko rive i sve mi je ka nikako bilo neobično,ništo mi je ka falilo,a nikako se sitit šta i ni mi da vrag mira pa san ostavija fiču i vratija se nanoge i tek kad san vidija bobijicu kako objašnjaje ovemu u crvenu autu gledan i vidin kako ne vidin nijedan parkirani auto u donju traku o ceste. Ajde neka,bar eto liti neka…
Otvori ...Najjači na svitu jučera su odmirili snage u Splitu

Jučera je na Spliskoj rivi održano natjecanje Strongman champions league na kojemu je snage odmirilo jedanajst natjecatelji koji su se nadmetali u šest disciplin (vukli su vapor,pa dizali balvane,utege sa četiri hostese…),a zanja finalna disciplina koja je direktno išla na Euro sport bila je podizanje aut koje su sa dodatniman teretiman imale trista i pedeset kili.
Otvori ...


















Komentiraj