Hrvaske šume če naplačivat izlete?
Kako stvari stojidu ima bit da če se na površinan koje pripadaju Hrvaskin šuman plačat dozvola za vožnju biciklističkin stazan,pa dozvola za korištenje uzletni staz za paraglajding,dozvola če se plačat i za korištenje površina sa popratniman sadržajiman u svrhu izleta,pa če se onda plačat… spisak je malo poduži ma mene sad ovde brkadu nike stvari. Npr. uvatija bi se ja sad našega Kozjaka i Gaja kroza koji je proša put koji je dilon na privatnin parcelan,a večinon na površini od Hrvaski šuum i je li sad oni ča gre gori vozit biciklu mora isto tako platit otu dozvolu? Ili ovo za paraglajdere, sad se koko baci odozgara sa vrja i za oto isto triba platit? Ili ovo, korištenje površina sa popratniman sadržajiman u svrhu izleta? Ka prvo ča je to izlet? Ako ja sad gren uru dvi učinit đir do Gaja je li to izlet? Ili je izlet kad seden npr.na šentadu odispod Sv. Jure šta se more svatit ka popratni sadržaj u svrhu izleta izvadin sendvič i dvojni CE i lipo guštan u spizi okružen prirodon, oču li za oto isto tribat platit? Ili npr.kad drugu godinu bude Sv.Jure oče li oni gori ča budu peč i gradelavat morat najpri platit za to dozvole jerbo gori jema par kameni stoli sa klupan i prostoron za gradelavanje ,a to se isto biče konta ka izlet?
I na kraju kako če se to sve skupa naplačivat? Oče li bit koja ranpa i na njoj čuvar koji če naplačivat? Ili če možda bit koji sa čoperon koji če se po cili dan vozikat i vatat izletnike koji če se kad čujedu motor itat u žbunje da bi izbjegli plačanje? Ili čemo najpri tribat poč u koju kancelariju platit dozvolu za ono ča oti dan mislimo činit pa sa buletinon u žepu poč izlet činit,a ako se koko bude uvatit bez računa onda če mu učinit kaznu?Ili?
Padobranci na Spliskoj rivi
Danas su povodon Dana Evrope padobranci skakali na splisku rivu. Ma je ovi naš svit smišan u sve se razumi pa tako odizad leđ su mi bila nika dva malo starija čovika pa su se uvatili komentirat ma vidi onoga gori (misli na padobranca) nema pojma vidi kako noge tišči i di češ tamo? ajme vidi ga zapeče za onu zgradu,ma je li ga ono vitar odnija na onu bandu,a…
Otvori ...Proslava blagdana Sv. Duje, zaštitnika grada Splita 2014 god
U odnosu na lani kad je cipala kiša ovu godinu je je učinilo lipo vrime tako da je Split bija krcat svita,a pogotovo popodne kad je samo za parkirat auto tribalo jednu dvadesetak minuti kružit za da bi ga kasnije ostavija zamalo pa na Brdiman.A u gradu je bila takva gužva da se je ulicama lizlo,a ne odilo i svi su bili nestrpljivi kad če više tonbula počet,a onda kad…
Otvori ...Ovako je to bilo nikidan u nas na rivi
Ako ste jedan-jedna od oni koji parkiradu da znak zabrane iako je tamo za vas ka da i ne postoji onda se nemojte iznenadit kad na brisaču od prednjega cakla o aute nađete uplatnicu koja glasi na Proračun RH. Po ovome modelu bi tribalo bit puno više reda, jerbo bi do sad kad je nosija pauk bilo trke pa ko pri do aute,a vako morete Vi doč do aute,ma to…
Otvori ...Sminjen je ministar financij Slavko Linič
Danas ujutro nakon šta je u Split došla vijest da premijer Milanovič neče prisustvovat na svečanoj sjednici Grada Splita povodon svetoga Duje,a šta je sve ove dane bilo najavljivano, odma se znalo da se u Banskiman dvorima ništo sprema. Premijer Milanovič je na izvanrednoj presici najavija smjenu ministra financij Slavka Liniča,a na njegovo misto dolazi Boris Lalovac dosadašnji zamjenik ministra financij koji je rođen 1976 godine u Splitu i do…
Otvori ...Prva Sveta Pričest u Sučurcu
Jučera je u župi Sv. Jurja u Kaštel Sučurcu 61 dite primilo Prvu Sv. Pričest.
Otvori ...Bravo Marinko
Sičate li se one priče ,a da van pravo rečen zaboravija san kad san je pisa pa san iša pogledat i začudija se kad san vidija datum od 30. prvoga,a bila je o onoj ženi ča je zajedno sa diteton odila onon famoznon popločanon šetnicon šta gre od mula prema rivi i koja bi se bila iskrenila ka vriča kunpliri da nije držala dite za ruku koje je uspilo zadržat…
Otvori ...65. godišnjica planinarskoga društva Kozjak
Sinoč je u Sučuračkomen kinu svečano obilježena 65. godišnjica osnutka planinarskoga društva Kozjak di su zaslužnima podiljene nagrade,a posli je u muzejskomen prostoru na Glavici otvorena izložba pod nazivon Kozjak te zove.
Otvori ...
Komentiraj