Znate li je li plačate skuplju oli jeftiniju struju?
Upa san u priču o plačanju računi za struju misleči ka da ništo znan,a ispalo je da neznan ništa jerbo od nas par koliko nas je bilo svako je ima niku svoju verziju dok nan ovi jedan nije objasnija (a recimo ka da ništo zna) da ovo ča smo mi koji smo i dalje ostali na „stari“ način plačanja strujni računi iako smo ostali kod HEP-a di smo i bili ne spadamo u one koji če plačat onu jeftiniju struju koju je HEP najavija posli nego su na naše tržište uletile konkurentske firme za distribuciju struje. E i sad kako nan je ovi objasnija ako smo npr.ostali u HEP-a ,a nismo ništa s njima naknadno dogovarali onda smo ostali u nikoj univerzalnoj usluzi,a za doč do one najavljene jeftinije struje (okolo pet posto) tribali bi sa HEP Opskrbon potpisat niki sasvin novi ugovor i to za niki sasvin novi paket nazvan Hepi? Najedan put mi je glava bila ka balun i nije mi jasno kako to ako san ja u HEP-u i osta automatizmon nisan upa u otu opciju koja nudi jeftiniju struju?
Zašto nas po televizijan, radijan i novinan cilo vrime ne informiradu o ovomen pa da znamo ča nan je činit?
E sad je li ovi to nan dobro objasnija ili nije neznan,ali Vas ništa ne košta informirat se tako da ste siguri na čemu ste i je li plačate onu skuplju oli jeftiniju struju?
Evo nan i prvi ovogodišnji led
Dobro su rekli da če bura okrenit na tramuntanu koja je cilu noč pomalo pirkala tako da su tenperature bile okolo nule i svugdi okolo mogli su se vidit ledeni mosurci,a kako je to bilo pogledajte na slikaman:
Otvori ...Evo na i bura
A samo šta je ova buretina počela puvat več nan je dodijala i oni najžešči antijužnovitroviči danas govoridu da kako je ono do jučera bila divota od vrimena,a zanimljivo je kako su to su oni isti ča su brontulali kako jin je puna glava juga i govorili kad če više bura.Ka lako nan je udovoljit,a nikad neču zaboravit beside koje je kad je ono Split bija pod snigon Kerum reka:”Sad…
Otvori ...Šta je “pisac” sa ovin tija reč?
Malo toga te danas kad vidiš kud sve gre more iznenadit,ali kad vidiš ovo: Slikano pri koji dan u Zagrebu.
Otvori ...Je li opasno po dicu imat parkiralište kraj škole?
A da ja puno sad ovde ne govorin jer se o temama sigurnosti prometa okolo naše škole cilo vrime govori,a i još puuuuno se triba govorit pogledajte sliku ovega di je parkira konbi kojega dica moradu zaobilazit i zamisto kornižon odit ceston.
Otvori ...Jeste li kupili novi broj Uličnih svjetiljki
To nije časopis u kojemu če te pročitat ko je koga di kako na koji način i koliko puti … nego je to časopis koji piše o našoj surovoj stvarnosti.Naslovi textov isto tako nisu bombastični da bi Vas privukli da ovi časopis kupite,a niti je prodavač koji ga prodaje nametljiv u svome naumu da ga Vi morate kupit iako zna da polak zarade od osan kun koliko ti časopis košta…
Otvori ...Red juga,pa red juga i opet red juga pa…
Ova tri četiri dana koliko jema da puše ovo nesriknje divlje jugo svi su nikako štufi-pusti me stat,grintavi,moraš ji sa štapon od dva metra dužine badat jerbo ča je siguro siguro bolje je stat na rastojanju,svi su ka na iglan, planedu u čas ka šunferina,vataju se za glave,proradile su migrene, u glavan pojedinac je ka da se gingadu na prikooceanskomen brodu i svi čekadu kad če više kiša počet jerbo…
Otvori ...Uf to jugo
Jutros nije tribalo vanka izlazit za vidit koje je vrime jerbo se jedva iz posteje dizalo na noge,a puten se nikako utreso odilo parilo je ka da je tri dila svita meteopatsko.
Otvori ...Auta se zapalila u vožnji
Sinoč okolo sedan i deset na Magistrali kraj semafora od Baumaxa crni mercedes kojega je vozila jedna žena iz čista mira u vožnji je počeja dimit,nezna kako ni zbog čega,ali zna da se auta brzinski počela punit dimon pa je ugasila motor i izašla vanka,a u pomoč pri gašenju su joj došli niki mladiči kojima se cilo vrime zafaljivala,a sa profesionalnin gašenjen su nastavili naši Sučurački vatrogasci. Ovo su postali…
Otvori ...
Komentiraj