Ovako je to u ovi petak bilo na Mašo šefu
U ovi petak se u naše selo dogodija Mašo Šef,na kojemu je kuvalo sedan,ča Udrug,šta društav koji su se natjecali za simbolične nagrade,dok je osmi obrok sprema Mjesni Odbor,točnije rečeno,za nas je kuva pobjednik prezanjega Master Šefa,onega pravoga, sa televizije,Ivan Temšić koji je pripremija hobotnicu sa slanutkom i naravno,Mjesni Odbor je bija izvan konkurencije,nije se natjeca,ko more protiv nas,ka malo smo učinili u ovi protekli osan miseci,od kako smo na vlasti,KPU Kampanel je skuva Boškarin sa bobon a`la Pela,moto klub Uspomena je učinija Tripice sa slanutkom,članovi PSRD Gojača su skuvali Tunjevinu sa manistron,Udruga Navijača Hajduka,je spremila Tunj na žutom,članovi Udruge Ljubitelja boba u osnivanju,su skuvali Lignjun i muzgavac sa bobon,Veterani Jadrana su pripremili Dagnje sa domačon manistron,a članovi DVD-a Mladost su skuvali Orzoto u največoj teči,umalo pa je sve ostalo skuvano,moglo u nju stat,kolika je,naravno,nije bila do vrja napunjena,ali se tilo dat do znanja,ko ima največu,naravno teču,e i krenilo je to sve okolo četiri ure,počelo se na veliko pripremat,rizat kapulu,luk,karotu,šufigavat…,a u jeku pripreme bilo je i ruvinani prsti,jerbo puno puti nož zna bit brži od prsta,kojega triba na vrime maknit,ali sve je dobro prošlo i niko nikoga nije priko oka gleda,bar se takvi dojam moga dobit,a ko je ča mislija u sebi,a ko če to znat,koje su dobre želje,da onemu ča mu ne paše,zagori spiza ili bar malčice se za pod od teče zalipi,uglavnon su svi na vrime skuvali,a da je sve to ispalo i dobro,dokaz su prazne teče,koje su se po dnu točale sa kruvon,tako da ji skoro,pa nije tribalo ni prat.
A ča se tiče nagrad,za koje su svi akteri govorili da ji za nji nije briga,a kad ji prozovedu,onda pobjedonosno,sa smješkon na licu,dižedu u zrak noge i ruke i dokle na pozornici primadu nagradu, obračadu se prisutnima…hvala ocu,hvala majci,ženi,dici,…
Pa su tako prema ocjenama peteročlanoga žirija prvo misto podilili Torcida i Maškare,a isto tako su podilili i poklone,kazanče na trinogaman i…,DVD Mladost je dobija drugo misto i teču u kojoj se otu večer kuvalo,pa je tribalo čekat da se opere,pa čedu je onda dobit,a treče misto je pripalo Moto klubu Uspomene koji su dobili kazanče,ali bez trinog, a i svi ostali učesnici su dobili neke utješne nagrade.
Eto,tako je to bilo,za zabavu se pobrinila grupa Bomba,a bome, bija je i vatromet.
A valjda čemo nakon ovega požara na Čiovu svatit
Jerbo Marfy nikad ne spava i ča ko more poč krivo,če ič i zaludu je ča nan cilo vrime govoridu kako zbog one male iskrice more doč do velike tragedije,a upravo se to dogodilo di su iskrice od brusilice krive da je u dvadesetičetiri ure izgorilo okolo pesto hektari,a od vedroga dana dim, od otega požara učinija je da se “naoblači”,skoro sve do Makarske. Znači,ka ča san na početku reka,Marfy…
Otvori ...Kakva je kvaliteta mora na našoj Gojači
Nikidan su uzeli uzorke sa morski plaž u Kaštiliman i sve one jemadu izvrsnu kakvoču,osin Gojače,mi smo dobili ocjenu dobar.. Šta je uzrok da je na Gojači more za ocjenu niže od ostali plaž u Kaštiliman,neznan,ali znan da ljudi ča doli stojidu cilo vrime upiredu prston put Tunbina. A evo slike od Tunbina danas okolo ure i pet:
Otvori ...Aha,oli sad slijedi seansa globalnoga zatopljenja??
Jema bit da je niko odlučija kako nas cilo vrime triba sa ničin strašit,gotova je era Korone,ali sad mi se nikako čini kako se sve žešče vatadu globalnoga zatopljenja,zbog čega je krivo uništavanja ozonskoga omotača,ka ono, svi mi čemo bit sukrivci ako,bla,bla,truč,trač…,zašto se odma iskorištavadu razne vrimenske prilike i neprilike za ljude držat na žeravici,punidu nan glave tako da je več dobar dijal svita pristrašen,a evo npr. pri niku večer…
Otvori ...Sinočnja fešta od veterani Jadrana
Iako je tamo okolo sedan ipo parilo ka da če nebo na zemlju se kalat,jerbo se uvatilo lipo lanpat i grmit,skupili se niki čudni oblaci,koji se vrlo ritko viđadu…,ipak je sve lišo prošlo i fešta je mogla počet,o tomen kako je bilo,nečemo,to je več stvar percepcije,subjektivnosti ili ti ga kako če ko objasnit,ča bi rekli stari ljudi,sto ljudi,sto čudi,ko bi svakome od nas udovoljija… Spize nije falilo,bilo je i crnega…
Otvori ...Asti,a ča je ovo,počeli su nas strašit i sa oblaciman
Najpri nkidan kad su bili oni potresi pokaživalo je,evo ovakvi su se oblaci na nebu pri potresa pokazali. Pa onda,evo ovako van ove dane izgledadu oti oblaci kad se sruči nevrime,a onda mirakuli,ajme nikad vako ništo nismo vidili, dobro,a za sve one koji su zaboravili,tamo početkon trečega miseca 2015 godine oblaci koji se stručno nazivadu “UNDULATUS ASPERATUS”,oliti ga po našu,grubi valovi ili uzburkano more i vrlo ritko ji se more…
Otvori ...Evo sad i jahte na Mul tankajedu
Nima ča se u naše selo,a nebi tribalo,ne čini,a tiče se mora brodi i svega onega ča uz to gre. Evo jučera se pljucalo u svi šesnajst, da ča je ovo,očemo još u lagum odletit,di su oni ča tribadu ovo spriječit u naše selo se svašta more činit,a ča bi bilo da nije bila zgrada ovod,itd.itd. A ča se dogodilo,a to kako je došla cisterna sa gorivon i punila jahte,a…
Otvori ...
Komentiraj