Sinočnja fešta od veterani Jadrana
Iako je tamo okolo sedan ipo parilo ka da če nebo na zemlju se kalat,jerbo se uvatilo lipo lanpat i grmit,skupili se niki čudni oblaci,koji se vrlo ritko viđadu…,ipak je sve lišo prošlo i fešta je mogla počet,o tomen kako je bilo,nečemo,to je več stvar percepcije,subjektivnosti ili ti ga kako če ko objasnit,ča bi rekli stari ljudi,sto ljudi,sto čudi,ko bi svakome od nas udovoljija…
Spize nije falilo,bilo je i crnega rižota i srdel sa gradel,pa onda čovapčiči,”teplega pasa”…,moglo se i zabalat,pa je bilo i lutrije,a na kraju se sve to lipo začinilo sa vatrometon,eto,tako je to bilo na dvadesetidevetoj po redi,fešti o veterani,Jadrana.
Asti,a ča je ovo,počeli su nas strašit i sa oblaciman
Najpri nkidan kad su bili oni potresi pokaživalo je,evo ovakvi su se oblaci na nebu pri potresa pokazali. Pa onda,evo ovako van ove dane izgledadu oti oblaci kad se sruči nevrime,a onda mirakuli,ajme nikad vako ništo nismo vidili, dobro,a za sve one koji su zaboravili,tamo početkon trečega miseca 2015 godine oblaci koji se stručno nazivadu “UNDULATUS ASPERATUS”,oliti ga po našu,grubi valovi ili uzburkano more i vrlo ritko ji se more…
Otvori ...Evo sad i jahte na Mul tankajedu
Nima ča se u naše selo,a nebi tribalo,ne čini,a tiče se mora brodi i svega onega ča uz to gre. Evo jučera se pljucalo u svi šesnajst, da ča je ovo,očemo još u lagum odletit,di su oni ča tribadu ovo spriječit u naše selo se svašta more činit,a ča bi bilo da nije bila zgrada ovod,itd.itd. A ča se dogodilo,a to kako je došla cisterna sa gorivon i punila jahte,a…
Otvori ...Bome smo se sinoč ,ko zna čega sve nagucali
Nema čega sve sinoč nije bilo u zraku kad je okolo jedanajst ipo krenila ona buretina i podigla u zrak sve one “zdrave”čestice ko zna čega sve i sa koji takozvani crni,bili,kafeni,narančasti…. brdi je sve to letilo,a mi use to lipo primili… Evo na na slikan kako je to izgledalo,šteta da je bija mrak i da se ne vidi oklen je sve to dizalo “okrepu” koju smo sinoč primili:
Otvori ...Zašto vi iz MO-a niste reagirali prema događanjima na Barbarincu?
Ne stišavadu se priče po selu da smo mi ka MO tribali reagirat kad smo vidili ko če sve tamo nastupat. Ka prvo sad kad je ljudima dodililo koncesiju za Barbarinac koja vridi od devetnajst travnja do dvadeset i treči prosinca ove godine,šta prominit,to se tribalo pri izdavanju koncesije napravit,a da ko je to da koncesiju,govori se da je Grad,a niko govori Županija,pa se spominje i ovi i oni i…
Otvori ...Da ne misli koko kako san zaboravija na Ultru
Nisan,samo san čeka da se sve slegne,da se ispucadu ovi pusti lažni moralisti,ma kako ji nije sram,ustvari,nima tote srama,jemadu obraze ka brodski lamarin,očedu se badnit u svačiju prošlost,sadašnjost i budučnost,a o njioviman familijan mogli bi se romani u nastavciman,ka Grička vještica učinit,ali zato kad sa takviman ideš malo o prošlosti govorit,e onda bude ono,nečemo se vračat u prošlost,bilo pa prošlo… E i jednu od takvi u dane od Ultre,drugu večer…
Otvori ...Večeras u selu jemamo dvi situacije
Prva je,da tri prskalice doli na Rivu cilo vrime radidu,pa i večeras,sriča da voda nije skupa,pari ka da su zlatni lističi u njoj koliko kubik košta ( a opet sriča da nismo sa nafton bogati,ka ča smo sa pitkon vodon,ko zna koliko bi nan tek onda litra benzine koštala?) I druga situacija je,da je večeras okolo deset uri počela izlazit kanalizacija iz ove šahte na Gospici,ala koji vonji,mislin da oni…
Otvori ...Opet nova cerada na priobučivalicaman,na kraju ima ništo i za žuntu
Znate kako je tamo okolo sredine šestoga miseca meklo cerade na priobučivalice sa motiviman Sučurca s tin da su malo falili,pa su tako uz motive iz našega sela mekli i Kanbelovski spomenik učinjen Fabijanu i Jakovu Dražinu,pa su onda nakon jednu tri dana oto prominili i mekli novu ceradu,ovi put bilu,za da bi jučera ujutro oto cerade opet prominilo i meklo novu,ispravljenu,sa motiviman iz našega sela,a pa san malo pričeka,nisan…
Otvori ...
Komentiraj