Ma ja ne razumin ovi naš svit?
Najpri kad če,kad če,a sad kad je stari kanpanejal napokon prosvitlija,opet nevalja,a ča Van sad nevalja,a ti ka ne vidiš,je li,a neznan na što mislite,prosvitlite me,ako te ja prosvitlin ovi če jedan,a drugi nastavija,a ti ka ne vidiš da ne goridu sve konture od kanpanela,a,a je,eto kad si spomenija vidin ka da mi je ništo čudno,čudno je li,a je dobro si reka,uvalija se sad i treči u priču,čudne stvari se događadu okolo ovega svitla na kanpanelu,nikako na zelenu granu,a ko zna ča nas sve još kroz ovo vrime okolo Božiča i Nove godine,čeka,kako je krenilo neče na dobro,ma ajde,smirite se,biče oni nisu vidili da ti dijal ne svitli,sad ja gren razmišljat ka oni hadezeovac iz našega sela,znate oni ča govori kako sve crno gledamo,tribalo bi to malo i sa svitlije bande vidit,e,a po tomen,vidimo da nakon desetak daan ča je tribalo,a nije gorilo svitlo,kanpanejal napokon prosvitlija,eto vidite da pomalo ali sigurno gre prema pozitivnomen,a onda če oni,pomalo,nima priše,i ostatak otega svitla popravit,pa čemo onda dan,dva,a možda i koji dan više moč uživat u ciloj iluminaciji našega bidnega napačenoga i zaboravljenoga kanpanela…,a da neka gren,asti,a ča san sad ja bidan kriv,ja san samo prova oto sa svitle bande pogledat,je,prodaji ti to komen drugomen,a da ča je to sa menon,oli san rebanbija od kako san u Mjesni odbor uša,a ča na ovu opasku reč,dalo bi se i oba tomen pričat…Ajde pak.
Itd.itd.itd.
A zašto ovi ljudi stojidu u redu? Za brašno,cukar, ulje,mliko…?
Kolona svita koja strpljivo stoji u redu je slika koja cili dan krasi Mramontovu ulicu u Splitu,a znatiželjnici koji prolazidu gledadu u čudu i pitadu,a je li ča se to čeka,pa je bilo,kako dilidu bonbone,kasnije je umisto bonboni bija sladoled itd.itd.,dobro,kome bi se reka i pravi razlog,pa kad bi čuli da ovi pusti svit stoji u fili za karte od Ajduka kupit,onda bi činili ono cccc i gingali glavon,pa je…
Otvori ...U ulici Rimski put pukla je tlačna cijev od kanalizacijskoga sustava
Sriča da niko nije naletija kad se jučera zbog puknute tlačne kanalizacijske cijevi u ulici Rimski put raspukla cesta. U početku san brojija ova puknuča,ali san odavna prista,jerbo svako malo u dužini od jednu stotinjak metri cijevi od ovega kanalizacijskoga sustava znadu puknit. Je li,ka ča ljudi govoridu,niko štako krivo napravija,materijal od kojega su učinjene cijevi,nije baš kako bi triba bit,nigdi se siguro falilo,jer ovo nije normalno koliko su puti…
Otvori ...Ka da je priša
Naravno,stari kanpanejal još uvik ne svitli. Pitadu me da kad če više? Recite u Mjesni Odbor,govorin jin. I ne tribate se mislit,za koju uru vrimena če sve bit riješeno. Da neka lipo gren,reklo mi je. Ajde pak,još san dobro i proša,bar mi je reklo da lipo gren,a moglo je bit i da gren grubo. PS Eto,bar nan je osposobilo ono crvenoga baluna,pa sad jemamo i plavu i crvenu koluru.
Otvori ...
Evo je ovi meka u izlog
A sad,jeli se tija pofalit,je li se ovo vitridu,jesu li plastični ili pravi…,zna samo oti koji ji je meka.
Otvori ...Pješaci i voda nikako ne moredu zajedno
Kaštelanska politika ne pokažije nikakvu zainteresiranost da bi se pribjeglo rješenju problema ljudi koji stojidu sa gornje strane Magistrale di svakodnevno ničedu nove građevine i stanovnika je sve više,a sigurnost prelaska Magistrale na noge je ka igra „Ruskoga ruleta“. Svi znamo kako su upravo na raskršču kraj vatrogasac saobračajne nesriče vrlo česte,škripanje gum pri kočenju su uobičajena svakodnevnica,bilo je i smrtni slučajeva pri prolasku ove opasne ceste kad…
Otvori ...Pa je li ovo sramota
Jema več,ovo je osmi dan da je metilo ono bilega bora,dva baluna,plavi i crveni s tin da oni plavi svitli,dokle oni crveni od prvoga dana ne svitli,a onda san večeras okolo sedan i kvarat vidija nika dva kako prčkadu po rastavljačiman,osiguračiman…od ovega stupa na koji je oto nesritnjega baluna spojeno,ka i onega stupa pri ovega,odakle mu dolazi napajanje,do kojega su zaključka došli neznan ali znan da su išli ča,a oto…
Otvori ...Asti,a ča je onoliko policije isprid pošte?Oli je opljačkalo?
Bila je vijest koja se brzinon svitlosti pronila kroza naše selo,a pa san iša vidit oba čemu se radi,dvi policijske aute,četiri-pet policajac,a jema bit da se stvarno ništo gadno dogodilo,a nima druge nego poč pitat,bilo je tote desetak svita i pitan ja,a ča je ovo bilo,a evo,govori mi jedna žena odo ti šta su tote stali,ka da san išla opljačkat poštu,a samo san tila platit račune,a uz nju je bila…
Otvori ...
Komentiraj