Bilo je to danas popodne doli na Sokolanu,nika žena sa dvoje dice koja su se tote igrali, me pitala da bi li napisa oviman iz opčine da na Sokolanu meknedu znak da je tote zabranjeno igranje za dicu.
A gledamo ja i ovi štaa je bija sa menon ča je sad?
A ona če,a ma pogledajte samo koliko govan od pasi ima,po žalu,po travi,svako malo mi koje od diteta ugazi u govno,je li jema ko u ovemu gradu da vodi računa o ovome,šetadu pasi bez brnjice,bez vezice,činidu posal di ji je volja…

A moja gospođo,nije meni teško napisat,ali pogledajte oni namo potok,iz njega doslovno izlazidu govna i koliko san puti o tomen pisa ma zaludu,briga koga ča govna izlazidu tamo di se ljudi kupadu,a oni sad opet kad ovo pročitadu onda če reč evo ga na opet,ča sad oče,pa bi bilo dobro da i Vi prema gradu koju emajliranu poruku pošaljete,ne samo Vi,jer kad vididu da jedna te ista osoba cilo vrime šalje, onda čedu Vas smistit “namo” ka i mene,tribadu svi roditelji slavat,a ne kalkulirat i mislit da če jin koko drugi problem riješit ipak se radi o vašoj dici i ako se slučajno infetaju Vi i Vaše dite čete bit u problemu i šetat po likariman,ne oni ča je triba učinit uvjete da do toga ne dođe.

Kroz priču san dozna da je žena iz Splita,ovde se udala,našto san joj ja reka da bi bilo bolje za dicu da su ostali tamo stat,a i rekla mi je da je več puno puti nadležniman pisala i za tobogane i ovo i ono…

I šta je najzanimljivije od svega doli su se učinile stope za nove dičinje sprave,tobogane,ljulje…,a kad san malo bolje pogleda,em na žalu,em na travi cila Sokolana je puuuna govan od pasi i stvarno,ako se ne misli doli oto čistit,onda odustanite od postavljanja sprav za igranje i stvarno postavite znak ka ča je žena rekla ZBOG MOGUČE UGROZE ZDRAVLJA DICI ZABRANJEN PRISTUP!

Osin ovega na žalu,jema ga i ispod njega,a one u travi nisan ni slikava,jerbo je odit po travi pravi loto da nečete na nešto sličnoga nagazit.