Google
229

Koja smo mi selendra,klap-po ko zna koji put

Datum:August 4, 2021 4:00 pm
Comments
Komentiraj

Več san pisa oba tomen kako kad pune bura Starčevićevon ulicon “leti” razno smeče,od plastični kanti,stiropola,karte,plastike,čak se znadu i gvozdene bačave puten valjat…
A u tomen šta san pisa,bilo je kako smo mi (svako u svojoj) iz ulice to prije čistili i itali u kontejnere od smeča,ali kako oti kontejneri više nima,več sad jemamo kante,niko nije lud pa če svoju kantu punit sa uličnin smečen (evo na slici vidite koliko materijala ima,da bi onu svoju od osandeset litar bar četiri napunija),e sad, pošto se tokon dugoga,dugoga vrimena toliko toga smeča nataložilo,a niko od graski službi nije reagira,onda se ona moja jučera to uvatila čistit,a ja popizdija,da zašto čisti,di če sa otin kad očisti…,a ona da če ostavit na jarpu,ako jin je bilo teško skupljat,a valjda če sad kad vididu na jarpi oto doč vazest i odnit ča,a je,je,samo se ti nadaj,evo zove niko nevrime i to ča si skupila,ako su pogodili sa prognozon,oto vitra ča ga zovedu samo če opet po ulici rastrkat,a pa mi je rekla da san ja u Mjesnomen Odboru,pa da…,a onda san ja posla i nju i Mjesni Odbor i one u gradu i selu i varošu i…

A ja koji san u Mjesnomen Odboru, koji jema večinu koja ga “paralizira”, mogu samo napisat, ka ča san pisa dokele u njemu nisan bija:
I sad,ako več nečedu oni ča bi tribali,neka jin je to posal,a jema građani koji očedu,a onda bar na službene gradske stranice meknite koji broj od telefona,pa da se moredu javit,evo mi očistili i mekli na jarpu,a Vi to dođite vazest.
I onda meni nikidan oni hadezeovac ča san več o njemu pisa u textu o vlakiču,govori da sve gledan crno,kako ne gledan u ono šta se sredilo,več samo loše,ono šta nije napravljeno,a pa san i ja tako mojoj ženi dokle je oto puta čistila i brontulala,isto tako ote mudre riči ponovija,kako triba mislit pozitivno,veselit se i isticat ono šta se sredilo,a ne ono ča nije…,pa me poslala…

IMG_5518

IMG_5523

Inače kako su u Starčevićevoj brzi za ništo popravit ili maknit morete vidit i na ovu doli sliku,jema če siguro više od sedandeset daan da je ova jarpa asvalta posli niki radov ostala ovde di je i dan danas,a tamo okolo jedanajst šestoga kad san učinija text o postavljanju ormariči teleoperatera i kako san zbog toga zva komunalne redare,kojima san usput reka i za ovi problem,a oni zapisali i slikali,a do koji dan če od toga bit i dva miseca,a oto materijala je još uvik tote,zajedno sa rupon u asvaltu.

IMG_1671

Uf,opet san sam sebe uvatija,kako gledan ono loše,ča se nije napravilo,umisto…

Komentiraj