Da u moru na Sokolani zna plivat šporkica nije nikakva novost,pa je tako bilo i jutros,a pošto me je odma zvalo uspija san to i slikat,a sad se postavlja pitanje,šta radidu gradske službe,zašto nisu reagirali,e sad čedu “oni” reč ma vidi ga, ča bi sad po njemu tribali i more čistit,a nisan ja to sad iščiča iz maloga prsta,a i mozak mi ne panti samo ono ča je bilo pri dva miseca,več puno godin unazad,pa se tako sičan da je jema i pet godin u Sučurcu na rivi bila demonstracija spremnosti gradski službi baš kod vaki onečiščenji uz obalu,pa neznan zašto se danas nije na plaži Sokolana reagiralo,a ne da se ljudi kad su vidili kakvo je more okričedu i gredu ča.
Evo ovako je pri nikoliko godin izgledala ta demonstracija čiščenja zagađenja uz obalu:

A ovako je danas izgledalo more na Sokolani:

A kad san več na Sokolani onda čemo malo i o onoj priobučivalici ča su je bili ruvinali,pa se evo i dvanajesti dan kupači ne moredu po evropski prominit,več to moradu na balkanski način činit i onda kako san danas bija, vidin da su dijal ote priobučivalice mekli,a cijevi od drugoga dila stojidu položene na zemlji,a dokle san oto slikava,do mene dolazi nika žena i govori mi,znate, ovo su oni došli jučera ujutro postavit i najedan put su se skupili i išli ča,pa san ji pitala, a diče te kad još nije gotovo,a oni su rekli da ji je zva šef i da moradu ič na drugo misto, doli u Kaštila stupe za znakove meknit i još mi govori da jin je bila tolika priša da su i bušilicu ostavili i kasnije po nju došli i evo,to sad stoji ovako,cijevi su na podu,a valjda ji niko neče dirat i kad u ponediljak dođedu napravit(valjda če doč u ponediljak)če sve bit na broju i močedu bez problema cilu priobučivalicu kompletirat.