Sinoč su užežin Velike Gospe Sučurački vjernici od župne crkve SV. Jurja procesijom došli do Gospe na Hladi di je održana sveta Misa.

Ka ča san jučera pisa da su na gojaču viđeni uzorkeri i da san dobija informacije iz desete ruke da bi bilo dobro da se na Gojaču ne kupa,danas su evo osvanili i službeni podaci o tomen kako je Gojaču opet okupirala ešerihija koli i opet ponavljan,bilo bi dobro da se na Gojaču ne kupate.

Sam sebi več postajen dosadan koliko san puti več pisa o tomen kako nan govna na sve strani u more gredu. Pa onda jema oni ča očedu oto ublažit,naravno,to su oni ča jin je sve ravno i briga ji za bilo šta,gledadu samo sebe i kako če skočit sa jedne na drugu,onu malo veču poziciju od one na kojoj je sad,pa ti znadu reč, kako smo najedan put svi postali…

Reka mi je nikidan sekretar o maškar Marijo kad san ono bija pisa o fešti ča su je učinili planinari da nisan objektivan,a onda san od njega prova izvuč ča bi po njemu tribalo bit objektivno,da mi on sad ovde reče ča bi triba napisat,pa bi valjda bija zadovoljan,a ja eto,da ne ispadnen opet neobjektivan,ču,samo slike,bez besid meknit,a mislija san se sve do sad bi li i nji meka,jerbo mi…

Danas popodne komunalni redar je uzeja ključ trinajst,odvida i odnija ča oni znak o zabrani kupanja ča je jema šest,a niko če reč pet daan, sta na Gojaču.Pa se lipo tamo opet morete banjat.E.

Svi pričadu o jučerašnjoj koreografiji ča ju je na utaknici o Ajduka učinila Torcida,ali je zanimljivo ča ji tri dila to nikako čudno objašnjaje,a evo ja ču ča san jučera bija tamo, Vama ča niste,provat,kako je to bilo, objasnit. Odma na početku triba naglasit da je to bila jedna,pa mogla bi se reč najbolja koreografija i to ča se dosad mogla vidit ne samo na Poljudu,več u ciloj Hrvaskoj,a bila…

Ka ča več znate pri nikoliko daan je obavljeno ispitivanje mora na kojemu je na pet Kaštelakski plaža nađena bakterija ešerihija koli i dobili su ocjenu,nezadovoljavajuče,ča oče reč da to i nije baš za kupanje,a najnovije je ispitivanje pokazalo da je odo ti pet plaž,sad na tri more izvrsne kakvoče,na jednoj je bilo dobre kakvoče,a na našoj Gojači je more i dalje nezadovoljavajuče,tako da je meknuta tabela o zabrani kupanja….