U ovi utorak je u Biskupovoj palači u organizaciji Dragovoljačke braniteljske udruge Stina pradidova i Grada Kaštili održana Spomen večer i Okrugli stol/tribina o savezničkomen bonbardiranju Kaštel Sučurca koja je krenila unikomen čudnomen smjeru,jer su se predavači otu večer prilično udaljili od Sučurca i naše tragedije od pri 76.godin kad je u bonbardiranju našega sela stradalo 97 nevini žrtav,puna mi je kapa više otega politiziranja,di se ko koja tragedija dogodila…

Jutros je u Sučurcu isprid željezničke stanice vlak ča je vozija iz Staroga do Splita sa prednjin krajen izletija sa šini,sriča da je bila mala brzina i nikomen od putnika nije ništa bilo.

Doli na onemu parkiralištu na jugovinilu uz cestu di se ostavljadu kamijoni i autobusi jema nikoliko dan da je niko turnija stup od rasvjete koji je lipo nagnut,pa sad, da koga ne poklopi ili padne na cestu.

Večeras je svitleči bor ča su ga mekli doli na Rivu u naletiman bure završija na podu.

A ča mene pitate?A da san ja u Mjesnomen Odboru.Ajde pak kad ste se mene uvatili,ajdete lipo u bip,biiip,bi,bip i vi i Mjesni odbor.

Od Mjesnoga Odbora nikakve vajde,a i odit u Gradonačelnika više nima smisla (ovisi s koje bande gledaš) i nima druge nego ču ja nastavit pisat “laži”,to jin je kako vidin puno drago,pa da me lipo moredu tužit i na oti način provat udunit. Koliko puti su me u selo zaustavili da ča u Mjesni Odbor ne rečen o ovomen mistu u selo di je bila stara stanica od Duje,a di…

Pri niki dan doli isprid crikve taman smo naletili kad su ovi iz Zelenoga i modroga praznili smeče u kamijone. I sad gledan ja ovu plavu veliku kantu ča je diza na kamijon i nije mi jasno,plava kanta je ona u koju se ita karta,pa ča je onda prazni u kamijon od smeča? A onda se mislin,ovo je biče oni dan kad nosidu kartu,pa je u kamijonu samo ona,a onda…

Puno nji se uvatilo,ma vidi ča smo bogati,najpri je mečalo jednu vrst ograde pa sad to skidadu, za da bi meklo drugu vrst ograde. A tribalo je to več bilo odavna napravit,a ne čini se ovo iz nike obijesti,več zbog sigurnosti u promet,jerbo se događa to da kad ne radidu semafori onda vozači za izač iz pravca sela prema cesti jemadu velike probleme,od gusto napravljene metalne ograde uopče ne moredu…