Trenutno ču se strpit od komentari,reče se da je jutro pametnije od večeri,a vidin da je jutros bilo ka i sinoč,pa ču provat još koji put… A ča su ova govna ovde?pitan ja Marija,a ča su sad od svega govna največi problem?pita on mene,a nisu,ali eto vidin da ste se Vas tri skupili okolo nji, pa eto,mislija san da jesu.Hmm.

Jutros je u Sučuračkoj knjižnici krenila prva u nizu Kaštelanska čakavska radionica na kojoj je bija Miroslav Luketin – Sarajčev koji jema bogatu zbirku knjiig napisani na čakavici,iz koji su dica i Miro čitali,a uz čitanje dica su postavljala pitanja o raznin besidan koje su jin nepoznate,a Miro je to lipo stentano objašnjava i učija ji ča koja znači i kako če ote beside pravilno izgovarat. Koliko je to imalo…

Gledan popodne kako svako malo oni ča ovde dođe otvori ovi text,ča mi je bilo malo čudno,jerbo je text napisan lani i nije mi bilo jasno da su se svi najedanput put sitili ovoga texta i gredu ga čitat,kad ča,to ga je Filko iskopa i zalipija na ono svoga zida o fejsbuka,pa pošto se još krenilo sa komentariman onda san ga i ja sad izvuka odo tamo i meka vamo….

U subotu je sa pridajon ključi, podizanjen krnjevalske zastave i vinčanjen jednoga zaljubljenoga para u Splitu započelo jedanajestodnevno maškarano ludilo.

Danas okolo podne manje dvajstipet gori na cesti ča gre prema Dugopolju,točnije kraj one škatule od radara,u vožnji se zapalija Mercedes iz kojega su putnici uspili neozlijeđeni izač. Iako su vatrogasci iz Dugopolja došli u dosta kratkomen vrimenu,kojima su se pridružili i vatrogasci iz Spliske vatrogasne brigade,auti nije bilo spasa,izgorila je učas.

Ka da je jučera bila ona lanjska,a evo opet još jedna,jedanajesta po redu, Noč od muzeji koja izmami puno svita tako da u sitne nočne ure po Spliskin ulicaman bude ka usrid dana. Pa tako u etnografskomen munzeju morete vidit starinska dičinja kolica od košare,nošnje,kar,starinska soba,u muzeju grada,starinski kinoprojektor,zapisnike sa opčinski sjednic od 1420 godine,katanac iz šesnajestoga stolječa,menza u koju bi se car i svita zavalili i jili ili npr….

Od kako je Ministar Crnoja reka da triba izač sa liston-registron od izdajnikov nima ko o tomen ne govori i dogodilo se ono šta niko nije očekiva, ljudi su se počeli sami javljat i puvat se,“ja san izdajnik“ a niko ne more objasnit zašto,biče da ga koko sa tega spiska ne izostavi,a nebi bilo u redu da se sad ako se bude krenit sa otin spiskon, ništo krivo napiše ili…

Jučera su članovi Sučuračke Torcide doli na rivu kraj starega kanpanela zainteresirane upisivali u članstvo Ajduka.

Oče.