Svi sveti se u narodu povezuju sa odlasciman na groblja postavljanjen cviča i paljenjen sviča na grobovima najmilijih koji više nisu sa nama. Sve je počelo sa papon Grguron III koji je datum prvi studenoga izabra za posvetu jedne kapelice u katedrali Sv.Petra relikvijama apostola i svi sveti mučenika savršeni pravednika koji na svakome kantunu svita počivaju u miru.Ovde u Dalmaciji na današnji dan,a to pantin još od kako san…

A ča moreš pametno još napisat o oniman događajiman ča se periodično ponavljadu svake godine? Ništa.. Je nan ova zapadnjačka “kultura” od kraja osandeseti na ovamo prosvitljenje učinila. Ma zamisli ti blagodati,do onda smo samo sa onoliko pinez koliko smo u žepu jemali, mogli raspolagat,a onda smo se najedan put priporodili i uz pomoč ono bokun plastične kartice moga koliko si ko tija bez pinez kupovat,tribalo je dosta vrimena dokle…

U ovu nedilju u Đakovačkoj katedrali Svetoga Petra Đakovačko-Osječki nadbiskup Đuro Hranić predvodija je euharistijsko slavlje tokon kojega je zaredija trojicu đakona. Zanimljivo je kako je prvi put da su zaređena dvojica đakona sa Afričkoga kontinenta,a njiovi najbliži koji nisu mogli prisustvovat ovome slavlju su ipak u realnomen vrimenu,pomoču suvremene tehnologije,slikom i tonom mogli pratit svečani čin ređenja.

Jema več duuuugoo vrimena kako je pukla mriža na onu zapadnu “ponistru” na staremu kanpanelu,a evo za one ča su dosad govorili kako se meni pričinja, slika,na kojoj je uz pomoč juga to lipo vidljivo:  

A jema koji dan da ga je posadilo i sad je nestalo,jema bit da bi to tribalo bit ovo stabalce ča je zamisto livo,sad na desnoj bandi,sinja san sa crvenon točkon. Čudidu se po selu kako jema par daan da ga je posadilo iako se znalo da čedu se ovde izvodit radovi,zbog koji je sad oto stabalce,sa otega mista na kojega je posadilo,maknuto. Odlična koordinacija. Stabalce je bilo ovde: A…

Evo jema dva dana da su i u nas doli na Sokolanu počeli sa radoviman,betonirat če se postoječa šetnica,a oni ča jin je to bila uobičajena ruta,moradu se, kad sve bude gotovo, pripremit za nešto duže hodanje (cca 1minuta),za petnajestak metri više nego ča je to do sad bilo.E. Inače okolo ovi radov su se još u peti misec na licu mista dogovarali predstavnici Cemexa sa predstavniciman iz Grada.

Nakon ča je asvaltiralo po šumaman i goraman,napokon je na red došla i ova ulica,koja je,more se slobodno reč, skoro pa usrid sela,a poveznica je između Starčevičeve ulice i Kaštelanske ceste. E sad,naravno da uvik kad se ništo napravi onda jema i zamjerki,pa bi ovi bija vako,oni nako,ali se večina u jednomen slaže,da je u selo čudnije od ove nima,jerbo od niki sto i šezdesetak,sedandesetak-osandesetak metri ča je asvaltiralo,jemamo u…

Ne ono od Dobrice Cesarića,več na plaži Sokolana koje je meklo da kroz koju godinu učine lad,a jema več duuugo vrimena da je vako: A biče mislidu da tote jema potencijala i da če u dogledno vrime pustit mladicu i do koju godinu to ipak bit lipa krošnja i da čemo onda i mi nakon kiše uspit vidit čaroliju… Kuc,kuc,ajde probudi se.

Pa to onda sad ovako izgleda: I ljudi postavljadu logična pitanja i šta sad,svima je navr glav veliki upitnik,pa ča sad kad su potegli rige,pitadu se oni ča tamo stojidu,a je li to znači kako napokon dolazidu i znakovi zabrane parkiranja,pa da dica moredu normalno,jednin od korniži,do škole odit,a ne da po sredini ceste gredu,a to je tribalo več odavna bit,jerbo svi znadu kako je Mjesni Odbor kad su nezavisne…