Puno nas se siča tamo sredine osandeseti godin prošloga stolječa kad smo za ko zna šta sve stajali u redoviman (mliko,ulje,prašak za prat robu,benzin…,a jedno od oti artikli bila je i kafa i to te nije bilo briga kakva je,je li pržena oli sirova,bitno je bilo da se kafon zove,e pa kad smo dici pričali kako se stalo u redoviman za oto artikal kupovat onda su nas nikako čudno gledali…

Kad prođeš selon uvati te tuga koliko je prije bilo stabli,a koliko ji je danas ostalo,a naravno,nova se ne sadidu. Pogledajte sad ove slike kako je to prije u našemu selu bilo sa palmaman,a kako je sad. Naravno,bitno je nač krivca,palmina pipa,oliti ga,kako na istoku rečedu,Crveni surlaš palmi,ali sad ja gledan na Splisku rivu,a pogledajte i Vi kad budete tamo i moran priznat kako mi nije jasno da su ji…

Asti,a ča je ovo,a oli čedu ipak bit maškare,bilo je glavno pitanje jutros kad su se zastavice i trance mečali po stabliman na našoj Rivi? A ko smi bilo šta održat,pa da mu prišijedu kako svjesno širi raznosojne viruse,sa dodatkon-prigodnin epiteton bioteroriste, a lipo je rečeno da nima nikakve zabave i veselji,jerbo je ovi virus poznat kako upravo takva mista obožava. A oče li koko zbog svojega duhovnoga mira učinit…

Na puno misti san vidija kako se umisto imena ulic po razniman osobaman,ulice razaznajedu po brojeviman:

Pa to sad izgleda ovako: A tribalo bi ovako:

Jema i više od pet godin da je na Gospici sa jedne skaline bura izbila kamenu ploču koja je pukla na dilove i tribalo jin je dugo vrimena da to sredidu,a pošto se u nas sve radi po partizansku tako je učinjen i ovi posal uz objašnjenje, kako je to samo privremeno,dok ne nabavidu novu ploču. Pa umisto da su stavili drugu ploču,slagali su puzle od one ča je pukla…

Šta se događa sa računiman o smeča za one ča itadu u ove nove zelene kontejnere?? Jema več nikoliko daan da me fermajedu po selu i govoridu da kako ništa ne pišen o oviman zanjiman računiman od smeča? A ča je sa njiman? A da su veči nego prošli misec i kako je ovo bezobrazluk i da zašto nigdi nije pisalo da če krešit i da zašto je u opče…

Tamo u petak je isprid onega platoa od kina iliti ga Mjesnoga Odbora meklo one betonske bubamare tako da se tamo aute više ne moredu parkirat,a nisan ja to ni zna jerbo nisan bija u selo,pa me jučera vidilo na putu prema Sokolani i zaustavljadu me i govoridu o ovomen slučaju,a ja cili u čudu,zamalo da nisan ni povirova u to ča mi govoridu,a oni mi pokažijedu sliku na mobitelu,pa…