Jema i dvadesetak daan da me je jedan kad san doša gori na groblje,deboto pa vazeja za ruku, doveja isprid oni južni vrat,pokaza prston prema detektiranomen problemu i reka,vidi kako su ispucale ove nove fuge,a razlog su,kako mi je reka,ova dva čenpresa ča stojidu sa jedne i druge strane vrat i on meni sad to govori,jerbo mu je reklo da mi reče,da ne bude kasnije,kad budedu ispilali čenprese,da ji ja opet bez razloga napadan.Gledan ja ovega ča mi to govori i uopče mi ne dolazi do mozga to ča mi je reka,pa ga pitan,ma čekaj malo,vi čete okinit ova dva stara čenpresa,jerbo je potonila fuga,a ma je li ovo ko mene zajebaje??A nije samo fuge,vidi i ovi vamo križ se nakrivija.Da i,teško je napravit novo postolje za križ? A i vidi kako su se oba malo nakrivili. Ma o čemu ti govoriš? Ma zamisli,nakrivili su se dva čenpresa od osandesetak godin i ča čemo napravit,a zna se,ispilat čemo ji??
Govorin ja ovome i od svi ideji ča bi se moglo sad ovde učinit,jedina je,kako ove čenprese triba ispilat? Ajde razmišljajte malo više i tokon sljedeči par godin vidit kako če se to sve kretat,zvat stručnjake i nakon toga dobro razradit situaciju i vidit šta napravit.
E sad,ka ča san več gori napisa,jema odo toga i dvadesetak daan,ali ja nisan ništa pisa,jerbo da jesan,još bi mi rekli da san lud,da san oto izmislija,ali pošto me u selo par puti o tome pitalo,šta o tomen znan,znači da se o tomen več naveliko govori,pa sad mogu i napisat.

Ovo doli na slici su ota dva zločesta čenpresa:

A na ove dvi doli slike se more vidit ota veeelika fuga koja je nestala-potonila:

A na ove dvi doli slike morete vidit da se ota fuga ča je više nima-ispucala-potonila ili neznan ča se sa njon dogodilo,uopče nije povečala,kako se vidi,razmak od osan milimetri je di je fuga raspucala,ka i vamo di je fuga postojana (pari da je vamo di san mirija sa valjanon fugon sedan milimetri,ali nije,pogledajte malo bolje,tamo di fuge nima,metar mi je milimetar pobiga prema ploči)

A isto tako ova crta ča je zinila četiri milimetra,je uvik bila tote di je i koliko je ko fugavali uvik če i bit:

A kad su se več uvatili raspucani fugi,onda bi bilo dobro da pratidu i ostale pukotine u fugama ča mi na nji nije pokazalo,ali zato ja njima ukažijen da postoji još problematični fugi koje se razdvajadu,a daleko su od detektiranoga problema-dva zločesta stara nagnuta čenpresa od osandesetak godin,koje bi oni okinili.

Ma zanimljivo je ča je i kome je sve tokon ovi dugi godin padalo napamet gori u Gospe činit,ali Sučurani znadu da Gospe na ladi sve vidi i pamti,a iz prošlosti znamo koliko je naša Gospe čudotvorna.