Evo je meklo zastavice i trance
Asti,a ča je ovo,a oli čedu ipak bit maškare,bilo je glavno pitanje jutros kad su se zastavice i trance mečali po stabliman na našoj Rivi?
A ko smi bilo šta održat,pa da mu prišijedu kako svjesno širi raznosojne viruse,sa dodatkon-prigodnin epiteton bioteroriste, a lipo je rečeno da nima nikakve zabave i veselji,jerbo je ovi virus poznat kako upravo takva mista obožava.
A oče li koko zbog svojega duhovnoga mira učinit đir po selu maškaran,a ko to more znat,oče li koko spontano proč sa kojon točkon kroza selo,a pa ko to more predvidit,jer ovo selo je nepredvidivo,nikad neznaš ko če,šta če i kad če…
Nima druge nego čekat sljedeču subotu 13.02.(ala lipega datuma,broj sam za se sve govori)kad inače po rasporedu u nas budedu maškare i vidit oče li se čako dogodit? A zanimljivo je da je otu istu subotu i 110 godin od našega Ajduka i ko zna šta…
A onda se po selu pitadu oče li ove godine bit oni takozvani satirični list od Mašogadura,a kako mi je reka oni glavni i neodgovorni urednik koji je i lani da ostavku,pa je po ko zna koji put povuka,da ča me briga,da se iščitat kako če ča se ovogodišnjega Mašogadura tiče,to bit jedno veliko …(svak neka po vlastitomen nahođenju nastavi ovu nedovšenu rečenicu)
A ča ste mislili da ču Van reč? A kad neču. Ka malo san prova za doč do određeni podatak,a Vi bi sad na gotovo iz naslonjača, sa klikon miša, sve tili znat?Aha,oš,oš,kako nečeš!
E i dokle se jedni karadu je li bija ustaša ili partizan,drugi to rješajedu na ovakvi način
Na puno misti san vidija kako se umisto imena ulic po razniman osobaman,ulice razaznajedu po brojeviman:
Otvori ...Na staremu kanpanelu su se opet pokvarila svitla
Pa to sad izgleda ovako: A tribalo bi ovako:
Otvori ...A tribalo je to bit samo privremeno
Jema i više od pet godin da je na Gospici sa jedne skaline bura izbila kamenu ploču koja je pukla na dilove i tribalo jin je dugo vrimena da to sredidu,a pošto se u nas sve radi po partizansku tako je učinjen i ovi posal uz objašnjenje, kako je to samo privremeno,dok ne nabavidu novu ploču. Pa umisto da su stavili drugu ploču,slagali su puzle od one ča je pukla…
Otvori ...Priča selo-računi o smeča
Šta se događa sa računiman o smeča za one ča itadu u ove nove zelene kontejnere?? Jema več nikoliko daan da me fermajedu po selu i govoridu da kako ništa ne pišen o oviman zanjiman računiman od smeča? A ča je sa njiman? A da su veči nego prošli misec i kako je ovo bezobrazluk i da zašto nigdi nije pisalo da če krešit i da zašto je u opče…
Otvori ...Sa oviman bubamaraman je sad riješena sva prometna problematika u našemu selu
Tamo u petak je isprid onega platoa od kina iliti ga Mjesnoga Odbora meklo one betonske bubamare tako da se tamo aute više ne moredu parkirat,a nisan ja to ni zna jerbo nisan bija u selo,pa me jučera vidilo na putu prema Sokolani i zaustavljadu me i govoridu o ovomen slučaju,a ja cili u čudu,zamalo da nisan ni povirova u to ča mi govoridu,a oni mi pokažijedu sliku na mobitelu,pa…
Otvori ...A je mašo
Jema dvi tri godine da se salatu u dučane počelo na komade prodavat,pa san tako nikidan vazeja u jednomen dučanu salatu koja je več bila u kesi i vidin da je to ništo mižerijasto,pa san iša uzest koju drugu kesu i sve su bile li-la težine,a dobro,izvadija san je za vidit da nije gnjila,nije,dobro je i gren ča na kasu oto salate platit,biip,pet kun,a dobro,e i kad san doša doma…
Otvori ...Ej barba,barba
Gren ja selon i čujen niko viče ej, barba,barba,pa san svatija da kako se niko ne ozivlje biče meni govori,ajme šta mi je drago kad mi se vako javidu,slabo mi dođe. Okričen se da ču ga poslat,pa vidin jedan mlađi bračni par iz sela,a on mi govori,barba bi li mogli napisat kako u selo fali oni mali kant za ono sitno smeče bacat i kad čovik oče da bude uredno…
Otvori ...A je danas jugo italo more na Splisku rivu
Zanimljivo je kako se u ovakvima situacijan uvik nađe koko ča oče snimit kako more priko njega prilazi.
Otvori ...
Komentiraj