Vlak je udrija u auto
Jutros je u Satrčevićevoj ulici na prilazu priko štrike vlak naletija na auto ča je tila prič priko štrike,a zanimljivo da je vlak odija iz pravca Splita prema Kaštiliman,a auta iz pravca Kave prema Sučurcu,pa se vlak moga vidit još dokle je bija puno daleko,tako da su se svi pitali kako se to moglo dogodit,ali očito je da svi mi koji prilazimo priko štrike tribamo jemat uvik na umu onu, kako je vlak uvik brži.
Sriča da osin materijalne štete,čoviku šta je bija za volanon,nije ništa.
E sad,ka i svaki put kad se ovde dogodi koja nesriča onda se počme govorit o tomen zašto na ovemu prilazu nima ranpe…,a isto tako počmedu se spominjat i oni planovi u kojiman je bilo da če Starčevićeva bit slipa ulica,tj.da če se promet odvijat samo do štrike,a za dalje če bit zatvoren,a ovi ča bi tribali prema Kavi odit nacrtana je bila cesta koja gre sjevernon stranon uza štriku na koju se dolazi odma kad se priđe ranpa navr Konzuma i koja bi išla prema ovomen današnjemu mistu sudara i došla na onu drugu stranu Starčevićeve,priko štrike, okle bi dalje išla prema željezari i spajala se di je predviđeno uključenje sa Magistrale na staru Kaštelansku cestu tamo di je trafostanica od željezare,a ča če se,oče li se i kad če se bilo ča da se na ovemu mistu nesriče više ne događadu napravit,a ko to zna.
Opet govna u moru na Rivi
Nakon ča je to počelo u petak,kad je osin šta san ja pisa,to još bilo i na Fejsbuku i portalu Dalmacija danas,pa onda opet u subotu,šta je izašlo na portalu od Slobodne Dalmacije i danas su opet na isto misto na Rivu ispod crikve govna veselo izlazila. Da odma nike stvari pojasnimo,ljudi beštimadu i šaljedu kvragu i eko sustav i to ča mi za izgradnju oto sustava več dvadesetak godin…
Otvori ...Koja lipa razglednica, ma koji lipi vonji su na Rivu danas bili
Deseta ura je zvoni mobitel,a ča je,di si,selo nan pliva u govniman,a tebe nima? Asti,a najbolje da dignen šator doli na Rivu i dežuran. Ajde dolazi. Evo gren. I dolazin doli,a jeman ča i vidit,a odma su me dočekali da neš ti otoga ča sad izlazi,a da san doša samo po ure pri to su komadi ovoliki izlazili (pokažijedu rukan). Ma ovo više stvarno nije normalno,jema več evo sad u…
Otvori ...Ej ti iz Mjesnoga Odbora
Ajde pak,a ča je sad? A vi ka ne vidite da jema par dan da nan kanpanel svitli na pecibokune? E i ča sad,ča to meni govoriš? Da ča njemu govorin,a kome ču? Oniman iz sjene. A kojiman iz sjene? A eno oniman,znadu oni koji su. I usput jin reci da jema par miseci kako nan ni sat na kanpanelu nevalja. A ča je sad ovo,pita on mene,a eto to,govorin…
Otvori ...Na svakomen kantunu se govori o tomen šta če se sad događat sa HDZ-om nakon šta je kandidatkinja koju su podržavali izgubila na predsjedničkima izboriman?
Postavlja se pitanje,ka ono,ma ča je obične građane šta nemadu veze sa oton strankon briga ča če se tamo događat?E bilo bi to lipo kad bi bilo tako,ma nažalost nije,jer kad malo bolje pogledaš, kad se u SDP-u i u HDZ-u događadu previranja.ona se na ovi ili oni način razmilidu i prilijedu u sve pore društva i to onda ne bude više samo njiova briga,več svi nas,a pogotovo onda…
Otvori ...Hrvatska je izabrala novoga predsjednika
Nakon jučerašnji izbori građani su izabrali Zorana Milanovića za petoga po redu predsjednika Hrvatske države. Cili dan se jučera razglabalo kome ide u prilog ča je ovi put izašlo više glasači nego ča je to bilo nikidan,ali kad su u sedan uri i par sekundi izašli prvi rezultati izlazni anket,sve je bilo jasno,naravno,nekiman po izjavama koje su za televiziju davali ni onda nije bilo. A kad se vratimo na ankete…
Otvori ...Zagrebački prosvjed protiv Milana Bandića
Subota je,gren malo do Jelačič placa,izlazin ja iz tranvaja kad ono svit na trgu viče odlazi,odlazi,a ča je sad ovo,di ču poč,a tek san doša? Asti pa to oni ne vičedu meni,ovo svita na trgu sa natpisiman se skupilo jerbo su Zagrebčani učinili prosvjed protiv gradonačelnika Milana Bandića,a puno lipo su mu vikali,neču niti provat pisat,jer bi samo triba bip,biiip,biipat,a i ne triba puno besid o tomen trošit,natpisi koje su…
Otvori ...Oboje presjedničkih kandidata prošetali Splitom
Naravno,to se nije dogodilo isti dan,Zoran Milanović je Split obaša u subotu,dok je Kolinda Grabar Kitarović to učinila u nedilju. A ja dokle san to u nedilju slikava,kraj mene su bili nika tri starija čovika i onda počinje priča,ma vidi,jučera on,danas ona,ajme ča nas volidu,je,je doda je drugi,nima ča nečedu obečat za da ji zaokružimo,a ovi če treči,kako ga ovi posjeti,Zoran jučera,Kolinda danas, podsječa na ono vrime kad smo bili…
Otvori ...Novogodišnji kupanac
Ka po običaju na prvi dan Nove godine na Spliske Bačvice padne i kupanac,u pličaku se igra na male branke,picigin,a jema oni ča kroza pličak samo prošetadu,pa da moredu meknit na društvene mriže,ka i oni ča se i okupadu,a da jin ne bude zima, vunenu kapu na glavi držidu…
Otvori ...
Komentiraj