Evo san ja pinkicu osvitlija:

I ove godine je bija ka ča je to več dugogodišnja tradicija samo oni desni bakalar,Matelin i to na brujet i oni na bilo,dokle se je oni livi bakalar ča su ga, ka ča se to po selu govori, na sve načine tili nametnit, jednostavno udunija,evo več druga godina kako ga nima,moreš ti jemat pinez i kupit deset kili bakalara i skupit dičicu iz razni udrug da ti činidu štimung,…

Nakon ča je jučera maklo onu staru instalaciju za dičju igru sa koje su skinili veliki tobogan za napravit ga,jerbo je malo puka,danas je na to misto meklo novu instalaciju sa toboganon koji je kako san jučera napisa veči,noviji,a ono lipši je malo diskutabilno,ali je na oko vidljivo da uopče nije sigurniji od onega ča je prije bija i na kojega su se bez problema mogla penjat i ona najmanja…

Odma na početku. Niko nije ukreja one ostatke od tobogana ča su do danas bili u parku. Radnici graskoga Vlastitoga pogona su dobili zadatak da ga moradu razmontirat,a razlog je ti da če zamisto njega doč lipši,veči,starij… upss.pardonček noviji od ovega ča je do sad bija,a to bi tribalo bit več sutra. A dobro,nije ni to daleko.

Posluša san snimku sa zanje sjednice Graskoga viječa Kaštili di mi je za uvo “zapelo” pitanje viječnika Željana Jurlina koji je postavija upit, da zašto se još nije napravija oni tobogan u parku koji je skinut i odnesen na popravak u četvrti-peti misec još prošle, 2016 godine? (pogleda san u arhivu to je bilo početkon šestoga miseca 2016 godine,znači jema cili osamnajst miseci). A na to je usljedija odgovor Gradonačelnika,…

Sinoč je u vatrogasciman bilo prilično veselo jerbo su se dica mogla družit sa Dida Mrazon koji se uz vatromet i pahuljice sa saonicaman spustija do dičice i podilija jin darove,još su tote bile i žive jaslice oko koji je za napravit ji, tribalo uložit puno i vrimena i truda i ljubavi.

I mlado i staro obožava saonice ča ji je meklo doli na rivu,a i ljubomorno ji se čuva,tako da ako koko ide po njima ludat,odma od nikud doleti ničiji glas,eeej šta to radiš.

A popravilo nan je bor-jelku i sad cila svitli,meklo je ukrase na kandelabre na rivi i posadilo je dva stabla na pazaru.

Jučera su u Splitu u kapelici Svetoga Arnira svečano otkrivene jaslice,djelo Kažimira Hraste. I sad stojin ja tote i slikajen jaslice,a dvi žene se zaustavljadu,pa če ova prva,ne, ona druga govori ovoj prvoj,a vidi ovde če ti opet bit jaslice ka i ono prije ča su bile,a ova prva govori ovoj drugoj,a kako ji još nisu stavili,jerbo bi ji gradonačelnik danas triba otvorit,a neznan,možda je to na kojo drugo misto,a…