Jupiii navr magistrale se kopa za vodu,ali,čekaj malo, nima baš mista za veselje??
Navr onega semafora na Magistrali kraj Jadranovoga igrališta,da ne pišen sad toponim,jerbo nji 99% nebi znalo di je,pa ču pojednostavnit,u ulici,tamo di je sad stajalište od “Duje” počelo se kopat za postavljanje cijevi od vodovoda.
Ali,znate kako to več u nas ide i ovo (ali) je postalo neizbježno,dakle,ali oto ča če se sad kopat i raskopat cila ulica nije za postavit cijevi od vode za da bi oti tamo dijal, ka ča su oni ča tamo stojidu mislili, dobija pitku vodu,ne,oto ča se sad kopa i postavljadu cijevi je za takozvani magistralni vod koji če ič prema Gomilici di če se činit vodospremnik,a onda opet, kad bude, ponovno če se kopat ulica za postavit cijevi za da bi ovi ča tote stojidu dobili vodu.
Ovakva se informacija danas munjevito proširila selon i nima ko koga na telefone,one fiksne i mobilne nije zva,a ča očedu ovi šta su zvali,a ništa,ljudi samo logički razmišljadu,jerbo kad se več za vodu kopa,a ča se odma ne meknedu i cijevi koje če u budučnosti bit vodovod za postoječe naselje,a ne da ka po običaju za istu stvar,nakon jednu dvi-tri godine opet sve raskopaju i traži se od odgovorni u Gradu da čako oko ovoga poduzmedu,je da ovi posal vodi agencija,ma se s njon prije toga moglo sest za stol i dogovorit nike stvari,a ne tek sad kad su radovi počeli i stanovnici negodovali,reagirat?
Je li se more ča napravit?,a naravno da more,eno friško tamo ča če se kraj Merkatora radit nadvožnjak i reagiranja od strane Solina da se učini odvojak za Mravinačku cestu i odvojak iz smjera Solina kraj Tommya u pravcu Splita šta je od strane Hrvaski ceest prihvačeno i uvršteno.
I još ništo,znan da ispod ote ceste jema kabeli o struje,telefonije…,ali, pa zar se nije moglo još dvadesetar-tridesetak centimetri kanal koji čedu kopat turnit prema sjeveru,tako da južna traka ostane cila pa da moredu aute tote prolazit??
Bilo je tote još pitanji,a na jedno od nji evo i odgovor,da zašto se na Magistralu pri nego ča se gre uzgor ne meknedu znakovi da se zna da se tamo radi i ne more se prolazit,a zato jerbo na Magistralu takvi znakovi ne moredu doč,a taki znak je meklo odma iza semafora,kad se ide prema uzgor,e,a sad se postavlja pitanje,a šta ako pet,šest,sedan… aut od bote sa Magistrale gre prema ulici koja je zbog radov zatvorena i zbog okričanja i vračanja se napravi čep na Magistrali??
Zašto piše da su Sučurani svojom krvlju sagradili crkvu?
Pari če Van se ovo sve skupa ka malo dugo,ali je jako zanimljivo. Za nas Sučurane znadu reč da smo ka “posebni”,a od kad seže ta posebnost,je li od 1620 godine ili možda i prije…? Ovaj hram podiže puk Bogu, močnoj Gospi i svome zaštitniku svojom krvlju godine Gospodnje 1691. Ovo je natpis koji morete pročitat na kamenomen pragu u temeljima stare crkve napisan na Latinskome bez ikakvoga prijevoda, pa…
Otvori ...Ko če ovo razumit?
Lani je na današnji dan 01.07. ovde u nas bilo minus sedan,a danas je bilo plus šesnajst,ni više ni manje nego dvadeset i tri stupnja razlike,a zanimljivo je da se jedno i drugo pripisuje takozvanomen “globalnomen zatopljenju”? Pa se tako u Australiji,točnije u Tasmaniji na plus četrdeset i pet počeja topit asvalat,a u Jamerikan je kako su to nazvali, događa “meteorološka bonba,tenperature su se na pojedina mista spustile i do…
Otvori ...Evo i oni pet lajoni ima ništo o Dida Mrazu za reč
Evo ji opet nji pet lajoni Domina,Mandina,Filomena,Kate i Marijeta od koji svaka potiže na svoju bandu stranke koju simpatiziradu, dok je jedina Marijeta između nji apolitična,naravno,koliko se to u današnje vrime more bit. Ovi put jin je glavna tema o tomen je li Dida mraz postoji ili ne postoji,a priču je prva započela Kate. A jeste li čuli ono da Dida božičnjaka nima-jednostavno ne postoji. A ča je sad Kate,a?…
Otvori ...Ajde pustite bar dicu na miru i ne kredite jin ditinjstvo
Mi stariji moramo se potrudit da jin ditinjstvo šta dulje traje. Ma zanimljivi smo mi narod,malo nan je ča se mi veliki među sebon karamo (bar da znamo zašto),nego na svake načine u oto očemo ubacit i dicu,a bidna dica bi u dane oko blagdani u dvanajesti tila dobit samo darove i briga ji je li Dida mraz komunista oli je demokratista. Vidi mene, Dida mraz komunista. A e,pari smišno,ma…
Otvori ...Nisan ja kriv,ona je
E bit če gotova do Božiča,pa če bit gotova do Uskrsa,pa če se počet radit u proliče,pa u deseti misec, ne, posli nove godine,a do lita če grubi radovi bit gotovi,tako to Filko jema več par godin govori,a ja njemu da more jemat punu vriču pinez,ma to kad če kuča bit gotova ovisi o puno toga,sve kockice se moradu kako triba posložit,a to je vrlo mala vjerojatnost,jer ne reče se…
Otvori ...Kako je to jučera bilo na Staru i popodnevnomen dočeku Nove godine na Pjaci u Splitu
Cilo selo se (naravno,osin “onii”) pita da oli stari kanpanel ne mirita da ga se osvitli??
Pljuca se na ovega i onega,govori da oli nima niko za potegnit ovo pitanje i da neka ja o tomen napišen koji redak. Evo san na,napisa. Sad če to bit kako se to u nas reče,ka rukon odneseno.
Otvori ...Jučera je pod naletima Garbinade doli na rivu potopilo dvi brodice
Ove doli slike ča če te ji vidit jučera san učinija na Splisku rivu i sad govorin ja san sebi trči u selo,ko zna ča se tamo događa kad je ovde ovako: I seja ja u onega moga “trista s mista,a kad san doša u selo ništa,je bi se diko more itnilo,ama je to ništa kako zna bit i taman mi je trevija jedan ča se u odnosu na mene…
Otvori ...Četrnajesta po redu utrka kariči u našemu selu
Evo na,proša je evo i četrnajesti po redu Mašokarič.Naravno, kako to več u našemu selu biva,dokle se “oni jedni” sa ovon utrkon od karič izrugijedu,a jema i oni ča se tote nikako ne smidu pojavit.Na ovi događaj zna se skupit i okolo sedansto osansto svita,dok novinari, fotoreporteri,kamermani,…, bude ka u priči,(npr. RTL je to meka u svoj dnevnik), a sve skupa dokle prvi dođedu na cilj traje okolo sedan minuti,koji…
Otvori ...
Komentiraj