Zašto Mala Ferata umisto da vozi,stoji na livadi i skuplja prašinu?
Sičate li se lani u šesti misec kad san pisa o novoj atrakciji koju bi Kaštila tribala dobit,a rič je o Maloj Ferati u vlasništvu Ivana Borozana Ike koji mi je još onda reka da triba dobit još koji papirič i da bi onda ferata tribala krenit u vožnju Kaštelanskin ulican?
A evo nakon godinu daan i dva miseca od otega ča san bija napisa,Mala Ferata je još uvik u fazi čekanja nečega,za da bi mogla počet vozit.
Znači,ode ono prošlo lito,a evo,pomalo,ali sigurno i ovogodišnje lito završaje,a da Mala Ferata još uvik nije počela vozit?
Pa se onda pitamo da zašto svi bižidu ča,a stranci u nas ritko otvaradu biznise,a čovik oče radit,uložija je pineze za da bi niko oto sve zakočija? Zanimljivo je da administracija uopče nima za to sluha,a živi od porezi koje bi plača i vlasnik otega vlakiča?
Ma čekaj malo,a di je to zapelo? A da bi tribalo označit okretišta i stajališta sa crtan i znakoviman? Asti,da su se flomasteriman uvatili,bili bi dosad završili?
A onda mi je jedan ča je iša ovoliko razvlačenje opravdat,počeja objašnjavat niku svoju teoriju o tamo nikome sigurnosnosnome riziku,jerbo liti jema puno svita ča šeta pa tako,bla,bla, truč,trač.
Ma čekaj malo o čemu ti ovde meni puniš glavu,govoriš mi o ovomen ka da je to dvanajesto svjesko čudo.
Slušaj ti sad ča če tebi Tonči reč,tamo u Makarsku,di u odnosu na Kaštila jema jednu trista iljad puti više gostiju,otaki vlakič gre uza plažu i to puten koji se nalazi u pješačkoj zoni,koja je sa dvi strane okružena,sa štekatiman, kafičiman,restoraniman,dučaniman,pečenjarnican,sladoledarnican,fast fudoviman,vočarnican…
I tote dnevno prođe,sam Bog zna koliko i po nikoliko desetak iljad svita i oti vlakič bez ikakvoga problema tote prolazi,samo zazvoni ding-dong i svit se na obe bande miče u kraj.
Znači,ako se nezna ča i kako,samo se gre u Makarsku i “copy paste” se to u Kaštila.
Ili se puno dobro zna,ali ja naivan mislin da se nezna ča i kako??
Ovako je to u Makarskoj:
A u Kaštiliman,zamisto da domači i turisti guštadu u panoramskoj vožnji vlakičen,Mala Ferata trune na livadi i skuplja prašinu.
Strašno!!!!
Gospino zlato
Nikidan na Veliku Gospu spomenen ja okupljenman (nji četvero) kako odavna za Velu Gospu nisan vidija da je Gospina slika okičena sa zlaton. A svi ka u jedan koje zlato, da opet zlato,da biče san ja mislija na okvir o slike,ali da on nije od zlata,kad san ja vidija oto zlato,da biče san sanja??A vidija san ga onda kad ste vi bili tamo “sa druge bande”pa i nemorete onda za…
Otvori ...Sučuračka procesija užežin Velike Gospe
Jučera su užežin Velike Gospe Sučurački vjernici od župne crkve SV. Jurja procesijom došli do Gospe na Hladi di je održana sveta Misa.
Otvori ...A vidi koja lipa plaža
A na njoj nima ni kafiči,niti koncesionari sa tipiziranin ležaljkan i suncobraniman,a ni puno svita,neka je usri lita,a razlog tomen je, ča do nje ne moreš doč auton,nego samo sa morske bande ili do nje odit dobri jednuu, tristipet do četrdeset minuti nanoge,naravno,to je minutaža za samo u jednomen pravcu.
Otvori ...Meduze na Gojači i Sokolani
Jema petnajestak daan da je na Gojači i Sokolani krcato meduz. U početku je to dici bilo zanimljivo i itali su se s njiman ka ljigavciman jerbo su to one meduze ča ne pečedu,ali, jema nikoliko daan da su se pojavile i one ča pečedu pa je sad malo zeznuto,jerbo se nezna koja bi mogla bit,pa zato ako trevite na ovu drugu vrst,a mala je vjerojatnost da nečete,jerbo Marfi nikad…
Otvori ...Pregled madeži
Pri dva dana na Bačvican u sklopu dm-ove akcije “Sunce sja tamo gdje smo mi”, se moglo bez uputnice,besplatno prigledat madeže,ka i ostale anomalije na koži,a preglede su vršili Prof.dr.sc. Mirna Šitum i dr.med. Željana Bolanča. Bija i ja i to među prvi dvadesetak,a kad san vidija da ovima par pišedu ništo na kartu odma san tija pobignit,jerbo su prije toga rekli da če oniman ča jin čako nađedu, napisat,…
Otvori ...Oluja u Podstrani
Riči za opisat kako je to bilo, su suvišne,slike sve govoridu:
Otvori ...Litnja izložba pasa u splitu
Na staromen placu od Ajduka sinoč je bija zanji dan četverodnevne izložbe od pasi,jubilarne, desete po redu, na koju su došli natjecatelji iz cilega svita, sve skupa biče i okolo dvista pasmin od koji jema i oni egzotični ča ji u nas ne morete baš svakodnevno vidit.
Otvori ...
Komentiraj