Neka pati koga smeta HRVATSKA če u nediju bit prvak svita
Mogu ja sad ovde do sutra pisat,ali nikakvin besidan ni slikan se ne more pridočit šta je to sinoč u Splitu nakon utakmice bilo,u svoji pedeset i četiri godine ništa slično nisan doživija,a bome,kako su govrili oni stariji ča su se tote sinoč našli,ni oni ne pantidu ovakvu ludnicu,ovo ča vidite na slikan je doli kraj stare Slobodne-raskršče kraj pazara,e to je bija cirkus,aute sa svi stran,niko nigdi ne more,rijeke ljudi se sa svi stran slijedu i sve stoji nasri sride ceste,svi trubidu,autobusi,aute,motori nabijedu gase tako da se sve treslo,goridu bengalke,dimne bonbe,motoristi palidu gume,a ja san zajedno sa ostalin sviton u tomen svemu metežu sta i gušta u otomen smradu od kojega nisi moga niti disat,a bome je i za oči grizlo,ma neka,sve čemo pritrpit,ipak smo mi finalisti i to triba proslavit.
Ovako je to sinoč u Splitu bilo za vrime i nakon utaknice.
Na Rivu je meklo niku malo veču televiziju koju su postavili na binu,a šetnca je bila tribina,sve je selo na pod i buljilo u ono televizije sa ekranon dijagonale okolo 200,a u kuolariman se šuška da bi Split za u nediju moga sredit i ništo “led zida”,e to če bit …
Evo govoridu iz Geozavoda da se u vrime kad je Mandžukić da gol osjetilo slabo podrhtavanje tla.
A ča če tek onda bit u nediju kad padne gol za zlatnu medaju?
U nediju me zva “sekretar”da kako nisan ništa napisa o tomen da su naši u polufinalu
U nediju me ujutro,dan nakon ča smo tukli Rusiju zva moj prijatelj „sekretar“na mobitel,(u pozadini se čula nika velika graja,a to ko je sekretar znate iz prošli textov,a ovo „VI“i sa druge strane ja ili „mi“ smo nas dva počeli tamo početkon devedeseti,a od vrtiča se znamo),a ča je dušo,on meni,a ništa sričo moja,ja njemu,a jesi ti udunija onu svoju stranicu,pita on mene,a nisan još,govorin ja njemu, ča tebi nije…
Otvori ...Ultra 2018-te
Evo na,niko je jedva čeka da sve prođe,a jema i oni ča bi volili da se ovakvi događaji bar tri, četiri puta godišnje dogodidu. Ma ko bi nama udovoljija,podiljeni ka i uvik. Nikidan doli na dnu “Mramontove” karadu se muž i žena,ona če, ajme ma vidi ove sodome i gomore,a muž če a di?ma ča di,vidi, kako šetadu goli ovi stranci?,a ja ne vidin nikoga gologa,nego u kostimiman,a tebi je…
Otvori ...Zašto na školskiman svidožbama nima više spola diteta i imena roditelji?
Ka ča znamo jučera je dici u školaman podililo svidožbe,a za razliku od prošli godin,lani zanji put,desno od imena učenika-ce pisalo je kojega je spola,u odnosu na doba mraka kad je pisalo sin-kči,sad je to bilo M ili Ž,a ispod imena učenika-ce uz podatke kad se i di se rodija-la,državljanstva, pisalo su i imena roditelja ili skrbnika,ko je u dobre, oba roditelja,a ko nije ili zbog neki drugi okolnosti,ime onega…
Otvori ...Kakva je temperatura mora? Ova kupačica če nan to slikovito prikazat.
Jema več petnajestak daan da puše buretina,u par minuti se naoblači i uvati se kiša padat,a tenperatura mora se spustila i do devetnajst stupnjev,ali govoridu da bi tenperature napokon tribale pribacit trideset stupnjev pa se tribamo nadat da bi za koji dan more opet tribalo bit ugodno za okupat se. Kakva je trenutna tenperatura mora najbolje se more vidit na ove četiri slike: Ulazak u more sa smješkon: Smješak pomalo…
Otvori ...“Gdje je Rendić”
Riči su to upisane na spomen ploči šta je postavljena,a jučera i svečano otvorena, na dan zaštitnika Supetra Sv.Petra,a ujedno i danu smrti Ivana Rendića,Hrvaskoga kipara koji je ima želju da mu uz ove riči na ploči posljednjega počivališta na supetarskome groblju,još budu postole,štap i špančera,a šta se evo ostvarilo osandeset i šest godin nakon njegove smrti. Supetarsko groblje ima dosta stari grobnic,a pojedinci su se prilično potrudili da im…
Otvori ...Kakvi ču meknit naslov? A ništa,meknit ču, “Izjave od naši političari”
Ono nikidan ča je premijer Plenkovič reka kad su ga novinari pitali o demografkiman problemima,da su npr.stanovnici Afrike i sridnjega istoka, koji jemadu ogromne demografske pluseve u sasvin drugačijoj situaciji,jer je tamo takvo siromaštvo,da bi svi vapili da imaju standard kakvi je u Hrvatskoj.Je učinilo veliku buru,ne buru,več uragan. Naravno,kako to več biva,kad vididu ča su rekli, onda uvik usljedi ona poznata rečenica,kako je to izvučeno iz konteksta,a demanti je…
Otvori ...Evo nove ograde
Nakon ča su u treči misec doli na rivu spomenik paliman braniteljiman opasali sa nikon nakaradnon mrižon,koju su nakon par dan makli,jema desetak daan da je osvanila nova ograda. Ča je,je,ova je stimana i nima joj se ča prigovorit,ali,bi li mi koko objasnija kako če stari ljudi,ma i oni mlađi, koji ovde dođedu upalit šteriku,meknit cviče,to moč napravit,nagninjat če se priko ograde?ča se koko od nji sad triba ovde slomit?a…
Otvori ...Sritan Van Dan državnosti
Na današnji dan 1991 godine Hrvatski Sabor donija je Ustavnu odluku o suverenosti i samostalnosti Hrvatske države na osnovu referenduma na kojemu se 93,2% stanovnika Hrvatske izjasnilo za izdvajanje od tadašnje Jugoslavije.
Otvori ...
Komentiraj