Puno nji se ovi zanji desetak daan pitalo,ma ča ovi radidu u oniman staklenin ventrinan isprid prime? A to oni činidu niko ištraživanje,a ako Vas baš zanima otvorite stranicu na internetu ka ča to piše na karti,pa če Van siguro bit čako jasnije.

Da se ne isplati parkirat na kornižiman osvidoćili su se jučera ujutro svi oni koji su u selu na potezu od anbulante do staroga kina parkirali aute na kornižiman-nogostupiman sa južnu bandu te ceste. Naravno,ništa čudno jer po propisu kad se parkira na nogostup onda između aute i građevine triba ostavit razmak od 1.60 m E i ča sad u selo napravit pa da se more parkirat bez da ljudi…

Da nebi koko reka ma vidi ga,on bi sad govorija maškaran ča bi one i kako bi tribale radit. A ne,ne,to mi niko ne more pribacit,ja se samo držin one,zašto je niko puno,puuuno davno donija odluku o običajiman u kojiman se jedan put godišnje da malomen čovik priliku da se kroz maškare izrazi ča misli o onemu nazovimo, “velikomen” kojega je izabra na vlast,a ne ka ča san nakon ovoga…

Ove dane u selo su glavna tema stupovi i prometni znakovi ča ji na nji mečedu,jema ji toliko da je jedan reka da kad bude grmilo triba bižat sa ulic ča,jerbo se po selu govori da bi tribalo meknit okolo stotinjak stupi,čak je niko turnija u opticaj i brojku od nji stoipedeset,a mene u po običaju napalo,da kako o ovemu cirkusu sa znakoviman ništa ne pišen,a ča ču napisat kad…

Da nebi ko ča sad krivo svatija ča se tiče torte šta čete je vidit na slikan,to je jednoj iz društva kaubojic bija rođendan,pa su je ove druge ugodno iznenadile.