Zašto se u školi ne dili besplatno voče i povrče?

Datum:February 10, 2017 7:38 pm
Komentari
Komentiraj

Pitadu me roditelji.

Amo mi ča vidit malo kakva nan je zbilja,hebe me se za one dežurne ča grededu po selu i sididu po kafičiman di čedu me zbog toga nazivat nostalgičaren,ka ovi jedan nikidan,najpri me nazva zelenin,a onda crvenin…,jerbo je njiman ,to zadatak,a kad malo bolje zagrebeš jemadu vrlo zanimljivu povijest,ali bolje je da oni izmišljadu pizdarije o drugomen,nego da se govori o njiman,jerbo to i nebi bilo baš lipo,večina se srami svoji,a i postupak svoji bližnji koji se nikako ne uklapadu u današnju, trend svakodnevnicu,e i zato oni moradu bit sve i svugdiprisutni,da bi nan govorili o novoj istini,koja bi njiman tribala ič u prilog,a onega drugoga ko jin se ne sviđa,sa raznin konstrukcijan dotuč.Takvi slučaj jeman i u Viječu roditelji naše škole,di me na svaki način očedu diskreditirat,ali neče moči,svoj nazovimo imiđ tote, evo več trinajestu godinu gradin,a več od druge godine otoga moga madantiranja, pa do dana današnjega roditelji kad naletidu na problem koji se ne rješava, zaobilazidu presjedavajučega od viječa, školu i za probleme se direktno obračadu meni? Naravno,da to nije baš lipo za čut pa se onda pojedinci tribadu opravdavat zašto ništo ča su tribali, nisu napravili,pa jin je lakše udrit po meni,koji san upravo to šta oni nisu,a tribali su, ja umisto nji učinija.
Pita san tamo u deveti misec na sastanku zašto mi ka škola ne dilimo dici voče i povrče koje je besplatno,ima dice koja voče moredu samo na slikan ili kod kojega svoga vršnjaka ča je iz doma ka marendu donija vidit,a i poznato je da dica u društvu sa svojiman vršnjaciman če otu jabuku,naranču,… izist,dok je doma niti ne pogleda, samo smo se tribali prijavit da to voče očemo,pa san dobija odgovor da u školi nimamo uvjete za smistit ga,pa sad dobro ča san ja dobija taki odgovor,nešto sličnomen san se i nada,ali mi nije jasno da se niko drugi od roditelji sad tote na tu temu nije javija,nije mi jasno ni to zašto mi ka roditelji nismo zauzeli stav o tomen da bi tribalo iznač neku mogučnost za da bi dica to voče mogla dobit? Znan da ču i zbog ovoga još koju reckicu dobit,šta mi naravno, uopče nije bitno,jer znan od koga je. Bitno mi je to da ako smo i samo jedno dite u školi nahranili da smo puno toga učinili (inače mogli su se oni šta nimadu prijavit za dobit obrok u školi,ali ljudi su preponosni,pa ne želidu da se o njiman priča).U Hrvaskoj imamo poražavajuču brojku da je najmanje 17.000 gladne školske dice, a UNICEF je izračuna da oko 60.000 dice živi ispod granice siromaštva.
Učenici u EU od 2009 godine u školama oto voče i povrče dobijedu,tako da i nama sad financiradu sa devedeset posto,a ostali deset posto od ukupni troškov bi tribala država ili privatnici,u ovo su po izračuniman uključena svi 503 236 učenika-ca iz Osnovni i Srednji školi,ka i učenički domov,a dodatnin zalaganjen naši EU parlamentarac školarci bi uz voče i povrče tribali skoro i mliko dobivat.
I onda se mi ka cilo vrime pitamo da kako smo dovde došli i da kad če više oni ča su na vlasti počet za maloga čovika radit,a s druge bande imaš kaku taku poziciju da bi moga čako poboljšat,učinit… pa to ne činiš,ali zato prema onomen ča oče ništo učinit uložiš svu energiju kako ga satrat? E to je baš ono,jeli,zanimljivo za popizdit?
Jer triba bit ne onako kako bi tribalo,več onako kako je niko reka da če bit i sa svojiman pijuniman otako ništo triba progurat,a onoga ko bi tija učinit nako ka ča bi tribalo,e on je sad problem kojega triba zgazit,pa se onda slažedu razne konstrukcije.
Morete se Vi igrat,ali zbog taki laži puno puti dođe do neželjeni posljedic,jerbo se nađe koko ča če taku laž popit,pa more bit vraga ipo,ali to ustvari i je njijov cilj,ka pri koju godinu,kad mi je jedan u selo vika da ča jeman protiv kluba navijača Ajduka,o čemu ti govoriš,e nemoj se sad pravit da neznaš o čemu se radi i ča si govorija,znaš ča hebe me se ko ti je i ča ti je reka,a eno ti otvori moju stranicu i pročitaj ča ja pišen i o Ajduku i o Torcidi i onda mi dođi to govorit,a zapanti,ono ča si pročita san ja,a ne ono ča ti je koko sa zločeston namjeron reka da san,jer ono ča govorin to i pišen,a makako nikad nisan bija,a pri koji misec mi je jedan reka upravo to,da san, i to isprid nji dvadesetak,a ja njemu daj ti to meni objasni,nikad nijednu stranačku iskaznicu pripadnosti u životu nisan jema i ja san makako i to mi govoriš ti koji koji si najpri jema onu crvenu koju si sad prominija za onu plavu knjižicu,oliti ga iskaznicu stranačke pripadnosti,a razlog tomen je bija ča san reka da da stojin u Zadru da bi na ove sad lokalne izbore ča dolazidu glasa za Kalmetu,jerbo je on za Zadar čuda učinija,a to di ja naginjen i ko mi je u političkon spektru draži, nema veze sa otin za koga ču ja glasat,meni je bitno samo da oni ča je na vlasti svati da je on na to misto zbog nas,a ne mi zbog njega i da on ovo moje misto ili grad,učini ča ugodnijin za življenje.

Tonka Alujević sinoč u Podvorju

Datum:February 8, 2017
Tonka Alujević  sinoč u Podvorju

Sinoč je u organizaciji Kaštelanske knjižnice Tonka Alujević predstavila svoju novu knjigu,šestu po redu sa malo neobičnin naslovon Villa Kufer. Ka prvo da objasnin ča je to Villa Kufer. A to van je jedna kuča u Hvaru koju je njena teta Dinka napravila od pinez koje je dobila ka odštetu kad se vozila u Češkoj ferati koja je naglo zakočila,zbog čega joj je kufer pa na glavu,e i tote Tonka…

Otvori ...

DRAGI MOJI SUČURANI VI SE DEFINITIVNO KUPATE U GOVNIMA

Datum:February 5, 2017
DRAGI MOJI SUČURANI VI SE  DEFINITIVNO KUPATE U GOVNIMA

Znate kad san ono u sedmi misec pri dvi godine pisa da me zvalo da na plaži na Sokolanu izlazidu govna,pa mi je onda reklo da kako mogu usrid sezone dizat paniku i da di su mi dokazi,neman slike za oto ča san napisa. E sad jeman i slike (pogledajte slike) okle govna ča doli na Sokolanu izlazidu ustvari dolazidu,a šta je najgore od svega presjednik sučuračkoga MO Damir Rajčič…

Otvori ...

U slučaju oštečenja sprava nazovite 205 206

Datum:February 3, 2017
012

E i jučera ja nazva,dobar dan ovde Tonči Pavelin iz Sučurca vidija san na tabelu kako piše da se u slučaju da su dičinje sprave za igranje ruvinane more javit na ovi broj i evo,ovde u sučuračkomen parku je skoro sve ruvinano,di je ti park?čujen sa druge bande,a to Van je tamo kraj Gojače,jeli to tamo kraj Roka?pita mene osoba sa druge bande,a je, e i šta nevalja? ništa nevalja,ovo…

Otvori ...

Ovo san slika popodne

Datum:January 31, 2017
057

Zovedu sutra nakon duuugo vrimena niku kišu,pa san zato kanpanejal slika danas da koko nebi reka da je to zbog kiše taki. Znate li ono kad san pisa o tomen da mi je jedan meštar reka da bimo mogli ostat bez starega kanpanela jerbo se između zidov zavukla voda,a sa novin kišaman se stanje samo pogoršaje i ovo kako su do sad cilo vrime bile niske tenperature,(prisinoč u noči oko…

Otvori ...

Noč od muzeji 2017

Datum:January 30, 2017
Noč od muzeji 2017

Ma štufalo me više gledat one nike gnjile bišave daske od naza milijun godin,robu sa bužan od gagric,knjige i bilježnice sa žutiman stranican ča vonjadu po tumidi,cakla,naslagane stine,sarkofage,stupe,lipljene kockice od stinčic u bojan sa kojiman radidu nike slike, kamene ploče sa nikin tamo isklesanin texton ča čedu ji još ko zna koliko generacij privodit,ruzinave mače,pištolje, teče…,nike tamo nepravilne krugove učinjene od bakra sa nikiman likoviman i brojiman u sredini,razbivene,pa lipljene…

Otvori ...