Problem je riješen
Ko je u auti čeka za izač iz Starčevićeve ulice za put Gospice,zna da je to bila prilično opasna misija,jerbo kako bi bila parkirana auta sa južne bande di je zemljani dijal,moralo se izač skoro pa na po ceste za vidit je li se more uključit u promet,a to je bilo prilično opasno,jerbo bi skoro pa polak aute več bilo na cesti za da bi uspija vidit je li se more uključit u promet,ali ima petnajestak daan da je oto problema riješeno.
Željan je zva u opčinu i reka kako bi oti problem tribalo riješit i meknit koju betonsku barijeru da se tote više ne parkira,jer če koko radi toga nastradat,a oni su na to misto zasadili stabla i tako ono ča se reče,”jednin udarcen sredili dvi muje”,napokon su se na tome potezu,od Gospice put uzgor posadili stabla i više nima opasnosti da če koja parkirana auta zaklonit vidljivost za da bi se moga bez opasnosti uključit u promet.
Ovako je to znalo bit:
A sad je to ovako:
Kako moremo pomoč ljudiman koji slabo ili ništa ne vididu?
A tako da napravimo sve šta je u našoj mogučnosti da jin sa kojon svojon radnjon nebi otežali život koji in je zbog bolesti i onako več prilično zakonpliciran. A da bi svatili kako ti ljudi žividu možda je najbolje da na desetak minuti zavežete oči i po kuči,koju znate ka svoj žep,provate kako funkcionirat,a neču sad govorit o tomen da provate na isti način to vanka isprid kuče učinit,jer…
Otvori ...Od starega kanpanela do Svetoga Luke
Ovo je sad več šesnajesta godina da se subotu prije Sv.Luke u organizaciji atleskoga kluba Solin trče utrka in memoriam Ivica Radeljić,od Sučuračke rive do crkvice Sv.Luke u dužini od osan kilometri. Inače,ovi svi godin onemu prvomen ča dođe do Svetoga Luke ča je na nadmorskoj visini od 762 metra triba nigdi okolo četrdesetipet minuti,ča je jedan niku godinu reka,da su prije oni došli gori trčeči,nego on ča se okolo…
Otvori ...Ovako je to jutros izgledalo zbog požara na Karepovcu
Ona meni sinoč okolo deset ipo da ča ovo vanka vonja,nigdi ništo gori,ama ča gori,vidi da pada kiša,a niti je grmilo,niti sivalo,ali po ure kasnije opet Ona, da pari ka da kankare niko užiže,a dobro,biče koko iskoristija kišu pa ispod lunbrele loži ote kankare,jerbo zna da neče nikoga po ovemu povodaju bit vanka i vidit ga ča radi… E,a kad je ujutro vidila portale,onda je bilo,a ča san ti ja…
Otvori ...Nije li malo rano za ovo?
U Zagrebu je sa otin krenilo jema i desetak godin,a ovde kod nas je počelo ima nikoliko godin kad zaladi,na štekate mečat one plamenove,a na ovo jedno misto u Splitu su pari mi se ka malo sa otin uranili? Ili možda nisu,jerbo iako je dnevna tenperatura okolo dvadeset i tri-četiri,jema oni ča su u maje na špaline,pa sve do oni u kaputiman i to sa šlapan na nogan…
Otvori ...Utrka Race for the Cure
Jučera je u Splitu bila humanitarna utrka pod nazivon Race for the Cure,na kojoj je sudjelovalo okolo pet iljad svita iz cile Hrvaske,a sa prikupljeniman sredstviman kupit če se aparat Scalp cooling koji košta okolo pedeset iljad euri,pomoču kojega se smanjije otpadanje kose uzrokovano kemo terapijom. Iako kod ovakvi humanitarni utrka nije uopče bitno ko je doša prvi,ipak triba naglasit kako je nakon osamnajst ipo minuti,prvi na cilj doša Mauro…
Otvori ...Ovo je tabela koja bi tribala dat neka upozorenja šta se ne smi?
A ovako bi to tribalo izgledat:
Otvori ...Počeli su radovi sa južne strane Kozjaka di bi se iz tunela tribalo izač
Pitadu me da kako još ništa oba radoviman ča su sa južne bande Kozjaka zbog tunela počeli nisan napisa,a čeka san za vidit oče li se,kako če se,šta če se… oba tomen u selu govorit,a kako san vidija da je zainteresiranost iznenađujuče velika,evo… Ovo kako se, ča se tunela tiče,u subotu počelo kopat i sa južne bande Kozjaka,krenile su razne priče,a pošto je sve krenilo u subotu i radilo se,kako…
Otvori ...Posadilo je nova stabla
Na Sokolanu je meklo tri tamarina,a po selu,izgulilo ona ča su se osušila i umisto nji meklo nova,samo na Podvorju pet-šest… I ona dva stabalca na pazaru ča su se taman lipo uputila,a tribalo jin je okolo sedan godin,su se morala izvadit,jerbo na njiman nije bilo niti lističa:
Otvori ...
Komentiraj