Uređenje Sučuračke rive,klap,po ko zna koji put-lučica
Znan da če koko sad vidit datum i na ovo texta odma manit rukon,a sitit če se koko i kako san oba uređenju dila Sučuraške rive sa slikon projekta na isti datum ka i danas i 2017 godine isto tako pisa…
O uređenju Sučuraške rive se več generacijama govori,ovo ča sad jemamo nan je Franjo Josip u dotu ostavija,one gvozdene kolone za vezat brode doli na Mulu bi nan mogle puno toga reč i kad se jednoga dana ova naša riva bude stvarno,a ne imaginarno uređivat,tribalo bi ji na počasno misto meknit…
Sam Bog zna koliko je od sredine devedeseti na ovamo razni verzij projekat,idejni,a i oni drugi, za ovu našu Rivu učinjeno,pa se svaki put ništo nanovo nadožuntavalo,oduzimalo,minjalo…
Evo najnovije za ovi dijal centralne Rive da če se baš tote činit “lučica” sa oko niki,kako se sad spominje,ništo više od 400 vezov,a zanimljivo je kako i od prije isto tako postoji ti niki,kako čemo ga nazvat nacrt,projekat,idejni… ili kako li se več to zove,di je isto tako nasrid Rive bila nacrtana lučica,pa se nakon toga od mista za vezat tote brode odustalo,a prije dvi godine na Mjesni Odbor nan je doša niki novi projekat,kojega,iako nismo vidili,o njemu raspravljali,a bila je rič o lučici,luci ili kako čemo je več nazvat od četiristo i četrdeset vezov koja je bila predviđena tamo nigdi od tunbina,pa prema Mulu,neznan dokle točno bi došla,jerbo ka ča san več gori napisa,na karti nimo ništa vidili,e i sad najedan put je opet osvanila ona verzija od prije,samo naravno,izminjena, di se ota lučica ili šta li je več,nalazi opet na središnjemu dilu Rive,koja bi se pružala od mula put Sokolane,a dokle točno bi se protizala,je nepoznanica,jerbo je bilo napisano do Rubinjonove ulice,a to je do Novega puta,dokle ono ča se vidi na slici od otega nazovimo projekta ča ču je evo doli meknit,to puno dalje…
Ovo doli je text iz 2017 godine kojega san učinija na isti datum ka i ovega 😀
Jema bit da se napokon kreče i sa konpletnin uređenjen naše rive,pa bi se u sklopu toga (ka ča vidite na slici) uredila i lučica za kaiče,a uz novi lukobran i za jahtice, ča nan liti znadu zalutat.
E sad se postavlja pitanje, da okle na jedan put za ovo učinit pinez? Izbori?
Ne! Da če to jedan naš Sučuranin ča je cili život bija vanka i nima kome ostavit ono ča je steka, učinit ovo ka poklon za svoje selo,a zauzvrat ne traži ništa,samo jednu kamenu ploču na kojoj če pisat njegovo ime i prezime i da je on to financira.E.
Nije mi jasno,zašto se ljudi cilo vrime čudidu
Nikako da svatidu kako se ono ča smo gledali na filmovima,više ne događa samo na onemu tamo Zapadu,več to sad moremo vidit i uživo,ovde u nas. Sitiče se oni koji su,kad smo bili u takozvanomen dobu mraka,odili vanka naši granic kako su se tamo isprid banak mogli vidit naoružani ljudi koji stojidu isprid vrat,pa smo se čudili,ma vidi divljega zapada,policija jin mora isprid banak stat,ustvari,mi smo mislili da je to…
Otvori ...Jučera okolo podne ipo i sinoč
Ovo dima ča se vidi da izlazi iz fumara je bilo okolo podne ipo,bar kad san ja slika,kad je počeja neznan,ali znan da san odija iz pravca Splita prema selu i to je dima bilo puno više,nego ča čete ga vidit na slici,e i promislija san,ovo su biče opet uputili peč,ali nije,jerbo je nakon desetak minuti oto dima nestalo,a kad se uputi peč onda to traje diko i više od…
Otvori ...Kako riješit problem pojačanoga prometa kroz selo dok trajedu radovi na Novomen putu?
Je li se moglo drugačije,pa da pusti promet nakon zatvaranja žile kucavice našega mista ne gre kroza selo,komentari su di se ko okreneš? A moglo se,znalo se kad če radovi počet,koliko ota cesta znači za naše misto,da če po predviđanjiman radovi trajat okolo misec daan,šta je,ako ostane na ovome roku,dugi period,jerbo veliko opterečenje prometa kroza naše selo za sebon povlači i veči rizik za moguče posljedice,pa se po selu naveliko…
Otvori ...Cilo selo govori o ovoj šahti ?
I nemoredu se ljudi načudit da je to stvarno na ovi način učinjeno,sređena je posljedica (samo asvalat),dok je uzrok koji se nalazi ispod zemljine površine i dalje tamo di je i kakvi je bija,zbog kojega je šahta ostala nakrivljena? I sad to izgleda evo ovako: Lipo zatrese auto kad se sa kolon prođe priko ovega. A prije popravka je bilo evo ovako: Slikano 07.01.2025. A inače, kad se sređije šahta…
Otvori ...Bome,dugo je duralo
Pri koji dan nika junačina je jema bit na bidno caklo od autobusne čekaonice u Vriliman vježbala điju đicu i to sad izgleda evo ovako:
Otvori ...Radovi na vrju Novega puta če,kako su rekli,trajat okolo misec daan
Danas je na onemu raskršču istočno od Osnovne škole meklo one mobilne semafore i vozi se izmjenično,samo jednon,onon sjevernon trakon ceste. U početku se u selo mislilo kako če to prispajat kanalizaciju i napokon više nečemo gledat one slike govan u moru i trpit oni nesnosni smrad,a kad jin se objasni da to nema veze sa otin,e onda počme beštimanje i spominjanje ovega i onega u ne baš tako lipiman…
Otvori ...Meklo je stupiče
Od bivše stanice Duje pa uzgor prema štrici,tamo di gredu pješaci,meklo je one male stupiče,jerbo se jedino tako more stat na kraj autan koje tamo parkiradu,ali i dalje se parkira na zemljanomen dilu,a zanimljivo,tamo se ne moredu pisat kazne,ali i to se more dovest u red,ima več tri četiri godine kako san na Mjesnomen Odboru pridložija da se na potezu od Gospice pa do štrike potaraca ono još nikoliko jadni…
Otvori ...Evo malo o Mašogaduru,maškaran i ruganju,samo neznan komen,ali znan zašto
Idemo prvo na to šta piše u u Mašogaduru u topu 20,iliti ga,kad če opalit top na Glavici,a pa se tamo more pročitat kako če to bit onda kad cesta ča izlazi iz tunela prođe kroz Sučuraški Gaj. Vrlo zanimljivo,znači po njiman to neče bit nikad,a moglo se ne tako davno pročitat,kako su Hrvatske ceste oto spomenili ka trasu u razmatranju,šta znači da je mala vjerojatnost kako se u budučnosti…
Otvori ...
Komentiraj