A jesi li vidija? Vidi ono…
Cilo jutro kroza selo se moglo vidit kako se upire prston i govori,a jesi li vidija kako dimi? A jesan vidija san. A kako ništa nisi napisa,a vidin ja da se i ti ka makako okričeš. Ajde kvragu ti,makako,okričanje,iskričanje, dimovi,fumari… Čekan,a ča čekaš,a čekan razvoj situacije. A ča se to još po tebi triba razvit,pita me ovi drugi? A čekan da se razvije,bip, pa če onda bip,biiiip na onemu drugome biip…jesi sad zadovoljan? A ča se odma jidiš? Ma ne jidin se ja nego je zanimljivo da od svi oni ča stojidu odizad kantuna si se ti ovde sad mene uvatija ča san na vjetrometini. E,a ko če onega odizad kantuna vidit? A ti si mi uvik na ruku,govori ovi.Ajde pak.
Pa onda se jutros moglo čut i t o kako ovi govori da je on čutija miris ništo ka sunpora,a sad je li oto autosugestija ili čako drugo neznan,ali moran reč da ja ča se mirisi ni nočas okolo tri ure ni ovo jutros okolo deset uri nisan čutija ništa.
Nočas san prvi put vidija dim okolo ure ipo,pa san uša u kuču,jer ka računan ovo je biče eto ništo izletilo pa če se normalizirat,a onda san opet čirnija u tri ure kad je to bilo evo ovako:
Ovo ča je na slikan označeno bilon točkon zanemarite,jerbo je ovo fumar iz kojega gre para.
Ovako je bilo jutros udeset uri,a kad san opet pogleda u jedanajst manje kvarat dima više nije bilo:
Danas je prvi dan lita
Danas popodne u osamnajst uri i trideset i osan minuti nastupilo je lito. A reče koko je lito,red sunca,red oblakov i eto odma se uvati sivat i grmit i počme padat kiša,nezna normalno,nego pari ka da če se nebo na zemlju srušit,pa je nikidan more bilo dvajstičetiri,a danas je dvajstijedan,puše bura i ono ča uđe u more kad izađe vanka brzo se umota u šugaman jerbo mu se dlake nakostrešidu…
Otvori ...A vidi “ovo”
Jema par dan da se u selo,tamo kraj Đardina more vidit parkirana ova neobična žuta auta od firme Cimos. A dica,oni malo starijiji od dice,a more se slobodno reč oni do četrdesete godine života upiredu prston,a vidi “ovo”,a neznadu da pored fiče,tristača,pezejca,… u “ona” vrimena ovakva auta je bila naša svakodnevnica na cesti. A Luka,ponosni vlasnik ovega popularno nazvanoga Spačeka kojega je do u detalje u originalu lipo ušestija sa…
Otvori ...3 D Street Art Festival u Splitu
U petak je počelo,a u nedilju sve okolo podne završilo,a zove se 3D Street Art Festival u Splitu,a za one ča neznadu šta to znači onda ču pojednostavnit pa reč da se ova vrst umjetnosti zove Anamorfizam ča oče reč da je ovo bilo crtanje suvon pastelon na ulici i to tako da postoji određena točka od koje se vučedu linije i kasnije kad je oto sve gotovo slika se…
Otvori ...Ajdukov mural je sinoč svečano otvoren
Okolo misec ipo dan dica iz Starčevičeve ulice marljivo su radila na Ajdukovomen muralu koji je sinoč napokon svečano otvoren. Radilo se tote i po kiši i po zvizdanu i po noči,a prošlu subotu su bili najranije ujutro u sedan uri jerbo je ovo otvorenje ča je bilo sinoč tribalo bit u otu subotu,ali su jin trevile nike tehničke poteškoče,a tili su da sve lipo bude onako kako triba pa…
Otvori ...A ča su ove trake mekli?
Jutros je bilo živo u selu,polemika se vodila o onoman bilin trakan na kojiman modriman sloviman piše komunalno redarstvo ča su ji raširili da se ne more auton tamo prema rukometnoman igralištu (koje bi još malo nako kakvo je-nikakvo,moglo postat i parkiralište). I odma se počelo beštimat da biče to rastegli da se ne mečedu tamo aute,nego vamo di se mora plačat itd.itd. A niije,to su mekli zato jerbo se…
Otvori ...Potpisi za referendum
Još u petak i subotu traje potpisivanje za takozvani referendum o referendumu za koji potpis u Sučurcu morete ova dva dana dat isprid naše crikve prije za vrime i posli održavanja misa.
Otvori ...
Opet rupa
Tamo u ulici Rimski put,na Lučici opet se pojavila rupa.Jeli se opet radi o tlačnoj cijevi koja je več par puti pukla ili se radi o tomen da se pri radoviman nije dobro sabija materijal pa se tokon vrimena slega jer do vrja asvalta je praznina u materijalu i od pola metra visine to čemo vidit,ali ako je opet pukla cijev to bi u ovi okolo četiri godine od kako…
Otvori ...
Komentiraj