Sramota,sramota,sramota
Ovo gori još puta deset ponovili su oni ča su jutros okolo deset i pet sidili na onima klupan isprid pekare na rivi. Ma ka da te sam bog posla,a ča je sad? a oli ne vidiš da kamijon od smeča ne more doč do kontejneri? a je, vidin, i od četiri kontejnera ča su tot, uspili su samo dva ispraznit,a ona druga dva su ostala puna jerbo da su ji išli micat bili bi škorcali aute ča su se tot parkirale. Slikaj to neka vididu oni ča tribadu ča se u selo događa,ovako je skoro pa svaki dan,sramota,a i jema još toga ča su sve dobacivali dokle san slikava,ali nije baš za ovod jerbo bi cilo vrime triba pisat ono biip,a reka bi da je puno toga ča su govorili i opravdano jerbo nakon ča je kamijon o smeča jema problem sa konejneriman sad mu se kad je iša prema mulu stvorija drugi problem,a to je da od parkirani aut nije moga proč i jedan od radnika (morete vidit na slikan) saša je sa kamijona i navodija šofera da ne ogranfa aute koje su tot bile parkirane i lipo je vrimena prošlo dokle se nije uspija provuč.A i u tu uru, deset i pet jutros, moga se vidit uobičajeni prizor o parkirani aut na rivi,mogu mislit koliko je ovome istome kamijonu tribalo da najpri otu prepreku prođe.
Na ove dvi doli slike vidi se puni kontejner kojega nisu mogli ispraznit
Večeras okolo jedanajst i kvarat
Učinija san večeras okolo deset ipo đir priko naše rive do Sokolane i vidin svi ništo upiredu prston i brontulajedu,a pošto san več odavna uz redovnu završija i onu “Sučurašku školu” onda ka je da van vrag ne da mira za odma se okrenit ča se to događa,ali ne date gušta onome drugomen da vas privari i onda prođete koji deset-dvadeset korakov dalje pa se ono ka okrenete da niko…
Otvori ...Nočne izložbe pasa
Sinoč su u Splitu na staromen placu otvorene četvrte po redu nočne izložbe pasa,međunarodno natjecanje na kojemu su prisutni pasi iz 31 Evropske zemlje,Amerike i sa Filipini tako da če u ova četiri dana do nedilje proč okolo 4 iljade i trista pasa,a za one koji mislidu poč vidit otvoreno je od sedan ipo uvečer pa do dva ujutro. Pojte vidit jerbo je zanimljivo,a i oni ča mislidu nabavljat pasa…
Otvori ...Na Sokolani je zabranjeno ležat na travi?
Odveja ja malu u subotu na Sokolanu i dokle se ona bučkala u moru ja san naša jedno lipo misto odispod tamarina meka šugaman i seja u lad kad mi dolazi ovi jedan,a ča je a? lajedu tebi a? a ča je sad? a ništa, je li ti lipo tot na travu ležat? a gledan ga ja jerbo čutin da ništo iza ovega slidi,a je,je baš je lipo,a ča ti…
Otvori ...
Monodrama Joška Ševe u Gospojskoj štradi
Sinoč je u Gospojskoj štradi Joško održa monodramu Govorite li Hrvatski u kojoj je djela o Šenoe,Ujeviča,Šimiča,Maruliča… i ostali naši književnika mistikon i gestikulacijon prisutniman ono ča se reče pokuša i uspija prinit “ča je pisac tija reč”,iako je u publici bilo i oni koji ne bi svatili da je uza ti cili trud bija još koko ča je oto sve izgovoreno i nacrta.Bilo kako bilo Joško je sinoč pobra…
Otvori ...Riva je opet očiščena od aut
Prije koji dan san odija doli fičon priko rive i sve mi je ka nikako bilo neobično,ništo mi je ka falilo,a nikako se sitit šta i ni mi da vrag mira pa san ostavija fiču i vratija se nanoge i tek kad san vidija bobijicu kako objašnjaje ovemu u crvenu autu gledan i vidin kako ne vidin nijedan parkirani auto u donju traku o ceste. Ajde neka,bar eto liti neka…
Otvori ...Najjači na svitu jučera su odmirili snage u Splitu
Jučera je na Spliskoj rivi održano natjecanje Strongman champions league na kojemu je snage odmirilo jedanajst natjecatelji koji su se nadmetali u šest disciplin (vukli su vapor,pa dizali balvane,utege sa četiri hostese…),a zanja finalna disciplina koja je direktno išla na Euro sport bila je podizanje aut koje su sa dodatniman teretiman imale trista i pedeset kili.
Otvori ...Desant na Barbarinac (svaku godinu isto)
Je li greš na Barbarinac? a ča ču odit kad je svaku godinu sve isto,kako isto? a lipo isto i to ama baš sve isto. I roštilj je uvik na isto misto,državna i zastava od maškar na kavaliman navr roštilja,isti ljudi na njemu pečedu, isti točidu piče,svako ča dođe na isto misto ga moreš nač tamo di je bija i lani,mužika isto tako… Ovako je nikidan išla priča između desetak…
Otvori ...
Komentiraj