Ma jesi vidija šta ono pišedu u Mašogaduru?
Evo če sutra sedmi dan da je izaša Mašogadur,a u selo se i dalje priča o tomen kako su se uvatili novoga popa koji se deboto još nije ni steplija i našli su mu za pribotunat kako na godišnjicu bonbardiranja nije pročita imena poginuli,a zamisto isprid starega kanpanela upalija sviču i odrišenje da isprid nove crikve i da je reka da pada kiša i da nima smisla po vakome vrimenu poč namo i na kraju su napisali ma nije on kriv,jerbo je novi zašto mu glavari nisu rekli za običaje našega mista? I njima je padala kiša.
E sad,ajmo ča po redu, ka prvo nije se dalo odrišenje isprid nove crikve,nego se dalo odrišenje isprid spomenika don Anti Rubignoniju i palin žrtvama bonbardiranja koji se nalazi isprid nove crikve.(jerbo kad koko sa strane pročita oto kako ste vi napisali onda pari ka nikako čudno.)
Pod dva ako ste več kasnije išli ono ča se reče polizat ča ste prije toga rekli i spomenili da pop nije kriv jerbo je novi i da su mu to tribali glavari reč,onda se postavlja logično pitanje, zašto niste pecetu odma direktno uputili na glavare,a ne na bidnega popa? A je li koko nediju posli tega iša na misu i čuja da se pop na sve tri mise ispriča potomcima i ciloj župi jer je napravija veliki propust.A zašto? Zato šta nije od strane glavari upozoren na običaje! A zanimljivo je ovo selo kad se upusti u priče,pa se tako moglo čut da zašto u Mašogadur nisu napisali kako političari svoje vijence nisu odnili tamo na stari kanpanejal,jerbo pošto pop nezna jer je novi oni znadu,nisu novi pa su posli odrišenja isprid spomenika mogli bili učinit đir do starega kanpanela,misto stravičnoga događaja kad je u jednomen danu 79 Sučurani-ki izgubilo život i tamo položit vijence i upalit šterike,ali ne.
Ali,zato je bilo župljani koji su oti dan znali ča jin je činit pa su posli odrišenja i blagoslova mrtvima išli tamo isprid starega zvonika i upalili šterike na misto stradanja. Naši poginuli miščani su u slavu Boga sa svojim župnikon položili život za Boga i vjeru pod granatama pa nama nebi tribalo bit teško bar jedan put u godini poč jin se poklonit! Sramotno je da se sada pojedinci izvlačidu na časnomen svečeniku koji je u ovemu slučaju ni kriv ni dužan. Eto na, ovo je ča se sve po selu more čut o onemu ča se napisalo u Mašogaduru,a tamo ono kad san pisa onu priču sa Marijon na rivu,od njega san onda dozna kako ovo o čemu sad selo bruji mislidu meknit,pa san mu odma reka,Marijo to nije u redu da se uvatite popa koji se nije ni steplija i koji nema pojma od našima običajiman jer je novi,a ako to napišete onda čete me dovest u situaciju da ja moran branit popa,a svi ste svjedoci da san jedini ja javno onemu prije popu reka o tome zašto je prominija običaje,a vi ste onda mudro mučali. Zašto? Oni van je pop odgovara,a ovi ne? Koja objektivnost.
I na kraju za one ča neznadu polaganje vijenca i paljenje šterik isprid starega kanpanela godine 1989 je pokrenila udruga Podvorje.
A je li koko zna kako se zove ono doli područje di je dvorana?

Od naza dvi godine kad je tadašnji Sučurački predsjednik MO Zoran Bonacin reka da če se nova sporska dvorana zvat po toponimu na kojemu se nalazi-Sokolani, pa sve do naza par dan kad se na Graskome viječu moglo čut da se barata sa imenon Sustipan svatija san da svi o tomen raspravljadu,a niko stvarno nezna kako se područje di se dvorana nalazi uopče zove? Ali krenimo od početka kako je…
Otvori ...A ovako je to bilo sinoč na Sučuraškomen maskenbalu

Klapa Intrade u Spliskoj areni

U petak je Spliska arena bila krcata svita jerbo su svi tili doč čut klapu Intrade i Tomislava Braliča koji su raspivali sve prisutne,a za malo odmorit se imali su i te kako adekvatnu zamjenu jerbo izvedba Dalmatino povišču prirujena od Tedija Spalata izazvala je toliko oduševljenje da mislin kako su Tediju došle suze na oči-naravno od sriče,a kad je došla Doris Dragovič doživila je ovacije i prije nego ča…
Otvori ...Priča selo

Ove dane je u selu vrlo burno, jerbo se na sve bande govori o imenu kojin bi se tribala nazvat ona nesriknja sporska dvorana na našoj Sokolani.I ča je zanimljivo u ciloj priči,a to da su se i oni ča su u stranci koja je u Kaštiliman i u mistu na vlasti usprotivili imenu koje se spominje ka moguče (knez Trpimir) i govoridu da ča fali imenu Sokolana i da…
Otvori ...Evo su nan labudovi došli u posjetu

Večeras su u moru doli na rivi ispod Bobisa doplivala tri labuda i odma je krenila priča,a oklen su ovo došli,a okle če nego iz solina,a ča je reč da su došli,a eto štufalo ji je tamo pa su došli malo vamo,a bilo je i oni kreativni ča su rekli da biče ji ovo kako je jako puvalo dopuvalo do vamo pa se sad neznadu vratit.Iako kad san doša na…
Otvori ...Pa je zid

Doli na rukometnomen igralištu na Sokolani pod naletiman bure pa je dijal južnoga zida najvjerojatnije zbog rastegnute mriže koja je prkosila refulima.
Otvori ...Kako doč do aute koja je ostala u lokvi?

A lipo,najpri sa svi stran sagledate situaciju, malo razmišljate,učinete par điri vamo-tamo ka profesor Baltazar nakon čega svatite da jedino ča morete učinit je smočit noge i odlučno krenit prema auti,ili ostavit autu di je pa se vratit kad se more povuče. Inače oni stranac ča je na mujal kupija kuču na mote joj je reka da ne ruvinaje ote čižme na nogan on če joj donit one gumene,a ona…
Otvori ...
Komentiraj